CIFP Fraga do Eume

   O día 29 de xaneiro celebramos no noso IES o Día da Paz e a non violencia.

   O alumnado, profesorado e persoal de administración e servizos estabamos convocados para acudir ao centro vestidos con algunha peza de roupa en branco. Para simbolizar que sempre é máis o que nos une que o que nos separa. 

   Houbo quen dixo: a cor branca é coa que se pinta a PAZ. E unha alumna moi ocurrente comentou, unidos e unidas do mesmo xeito que se unen todas as cores do arco da vella para formar esta cor: o branco. Cada cor tan diferente... Non si? Pois igualiño que nós...

   De distinta procedencia ou modos de pensar, entre outras moitas cousas, pero coa mesma educación, inspirada na non violencia, na resolución de conflitos e a convivencia, que nos convirte en cidadáns críticos e comprometidos de verdade non só cos nosos dereitos senón tamén cos dereitos dos demais.

   “O futuro depende do que fagas hoxe” Dixo alguén un día...

   Por iso hoxe no noso IES quixemos facer isto. Porque as pequenas cousas que fagamos hoxe son as que irán dando forma ao noso futuro. E isto tampouco  o digo eu... Quen o dicía era Gandhi.

   O cartel para o "Photocall" foi realizado polo alumnado na clase de educación plática, visual e audiovisual.

   O pasado luns 18 de xaneiro comezamos co reparto de froita fresca no centro que se desenvolverá ao longo de 10 días lectivos consecutivos en xaneiro e outros dez en maio.

   Coa participación activa do alumnado, poñemos en acción distintas iniciativas de centro que tratan de influír con acerto naqueles patróns de conducta que repercuten na saúde das persoas.

   Actuacións que baixo o lema “Código QC”,- goza coa química do teu cerebro -, fan alusión á necesidade dunha alimentación saudable e unha vida activa de socialización evitando o sedentarismo e a inxesta sustancias tóxicas como elementos indispensables para ter calidade de vida.

    O IES Fraga do Eume compra un desfibrilador externo semiautomático. Os DESA son dispositivos con computadora, fiables e seguros que liberan unha descarga eléctrica a determinadas persoas cun paro cardíaco cando é debida a unha fibrilación ventricular.

   Varios profesores e profesoras asistiron a un curso oficial impartido no propio centro polo “GRUPO SALVAVIDAS” cos obxectivos de adquirir os coñecementos, destrezas e a experiencia necesaria para realizar unha primeira atención ante unha emerxencia ata a chegada dos equipos sanitarios.

Actividade online de elaboración dun menú de Nadal dentro da Programación de Nadal 2020/2021 do Concello de Pontedeume. Coa colaboración do alumnado do IES Fraga do Eume.

Concello de Pontedeume- Obradoiro online de cociña "Menú de Nadal" from Concello de Pontedeume on Vimeo.

   El DELF scolaire es una prueba de nivel de francés organizada por la Alianza francesa a la que nos hemos presentado los alumnos de 2º de bachillerato del IES Fraga do Eume, obteniendo un B1.

   Antes de la prueba todo eran nervios, pero cuando nos pusimos manos a la obra vimos que no teníamos por qué preocuparnos.

   Fue una experiencia “superbe”!!!

 Deixamos aquí un vídeo no que se amosan os libros e materiais incorporados á nosa biblioteca e dispoñibles para consulta e préstamo.

 Comentarvos tamén que xa temos á vosa dispoñibilidade tres “e-readers” cargadiños de contidos.

 Lembrade que podedes facer peticións e suxestións a través do noso correo electrónico bibliofragadoeume@gmail.com.

   Galicia Le é unha plataforma de préstamo de obras en formato electrónico da Rede de Bibliotecas Públicas. 

   Tes a túa disposición libros, revistas, películas, curtas, audiolibros...

   Hai fondos para todas as idades cunha temática variada: viaxes, ficción, historia, cociña, informática, historia, biografías.

   Poderás acceder en calquera lugar e momento dende GaliciaLe.gal.

   Carmen que cursa 2º de Bacharelato no IES Fraga do Eume acada o o primeiro premio da XXX Concurso  de Contos Vila de Pontedeume.

   Esta vez si, despois de conseguir un accésit na edición anterior, o fallo do xurado incorpora a Carmen González Fernández á lista de premiados dun dos concursos literarios con máis tradición na comarca.

   O Concello de Pontedeume, que con esta actividade trata de estimular a creación literaria dos estudantes menores de 20 anos, aporta unha dotación económica de 600 euros para o primeiro premio.

“Carmen recollendo o premio de mans do alcalde no salón de actos  da Casa Consistorial de Pontedeume”.

   O pasado venres 27, despois dunha intensa deliberación, os membros do xurado fallaron e entregaron os premios da 3ª edición do Concurso de  Microrrelatos de Terror do IES Fraga do Eume.

   O Equipo de Dinamización da Lingua Galega xunto co equipo da Biblioteca do centro agracedemos a participación de todo o alumnado e presentamos ás persoas gañadoras en cada unha das categorías.

Premio da categoría para 1º,2º e 3º de ESO: Mara Álvarez López de 1º de ESO.

Ligazón ao microrrelato de Mara.

  Premio da categoría para 4º ESO e Ciclos FP: Juana Cendán Martínez de 1º ZCOGA. 

Ligazón ao microrrelato de Juana.

Parabéns por estes magníficos traballos!

Imaxe da recollida do premio de Mara acompañada polas súas compañeiras e tamén participantes.