Blogues

Nos últimos anos NL, en colaboración con Dinamización de Igualdade celebrou o "Día das Galegas nas Letras",para denunciar a discriminación das escritoras na celebración do Día das Letras Galegas. 

Este ano, dedicado a Mª Victoria Moreno optouse por manter a actividade de visibilización de escritoras galegas,paralelo á celebración do 17 de Maio, facéndolle unha homenaxe á escritora e antiga profesora deste instituto Belén Feliú. A lectura de poemas da autora por parte de alumnado do centro foi gravada en vídeos dos que faremos a edición completa á volta do verán.

O dúo poético-musical composto por Lucía Aldao e María Lado son un exemplo de trasversalidade educativa...música, poesía, normalización lingüística, igualdade...Mulleres así de creativas e empoderadas sirven de exemplo para as nosas alumnas e son un divertido revulsivo para o machismo. Parabéns ao departamento de galego e a NL por teren as gafas violetas postas en cada proposta que fan.

Nos meses de febreiro e marzo o IES Plurilingüe Fontexería foi convidado a visibilizar o seu proxecto coeducativo en actos organizados polo CFR da Coruña, Ourense e o CAFI en Compostela. Tamén recibimos o convite para participar nas III Xornadas de Coeducar en Igualdade organizadas polo sindicato STEG, así como a colaborar coa revista EDUGA cun artigo sobre os obradoiros de Novas Masculinidades que desenvolvemos cos alumnos varóns.

O 14 de marzo chegou o "Gisele" a Muros, un temporal que fixo moi acaído o título do Vídeo Fórim que tivo lugar no IES Fontexería en colaboración coa deputación da Coruña: "Conquista dos Elementos".

O departamento de Inglés desenvolveu neste curso as actividades que no curso pasado tiveron mellor acollida entre o alumnado: visionado das películas Suffragettes, Pride and Prejudice e Jane Eyre, todas elas durante a Semana Cultural.