Blogues

Unha das novidades neste 22-23 foi introducir o Spikeball , deporte de colaboración oposición, con espazo compartido e participación alternativa. Despois dunhas primeiras aproximacións aos fundamentos técnicos e regramento, o alumnado xa comeza a afondar na comprensión do seu eido táctico , con similitudes cos deportes de pala/raqueta e ou rede. 

Proba disto, o gran ambiente que se vive durante os recreos!! GO GO GO 

O pasado 30/11/2022 participamos na Xornada Local de campo a través. Desfrutamos dunha gran xornada onde acadamos moi bos resultados, pero sobretodo pasamolo moi ben. A rapazada comportouse de xeito escelente e amosaron un gran sentimento de equipo , proba disto a chegada a meta na categoría cadete masculino na que Pablo Lestón e Jesús García chegaron da man a meta.

Este mércores no marco da materia de Debate de 2º de Bacharelato tivemos ocasión de celebrar un encontro de posturas en torno ao acontecemento do Black Friday e as súas implicacións. As posturas oscilaron ao longo dun amplo espectro que os alumnos e alumnas enriqueceron con reflexións en torno á responsabilidade individual e colectiva e ao influxo da publicidade e dos grupos sociais nas tomas de decisións.

Dende o curso 2020/2021 a Biblioteca do Fontexería conta cun novo espazo: O ANDEL VIOLETA. Nel atópanse numerosos libros de diferentes xéneros que tratan temáticas coma a diversidade afectivo-sexual, o bo trato, o apoderamento feminino, as novas masculinidades, a gordofobia... Todos eles son ferramentas que nos axudan a construír un centro máis diverso e igualitario. 

Ademais das diferentes actividades organizadas desde o centro en maternia de igualdade, este curso contamos con varias propostas incluídas no Plan Proxecta "365 Días de Respecto e Igualdade". 

Obradoiros Pantallas amigas

Estes obradoiros programáronse para todos os cursos da ESO en formato videoconferencia. Por mor disto, este ano houbo numerosas dificultades técnicas que impediron que se desenvolveran con normalidade, se ben en esencia saíron adiante.