Blogues

Un curso máis, e comezamos os xa tradicionais-para o centro- obradoiros separando por sexos nas titorías de 3º ESO, a mediados de outubro... Unha ocasión para que alumnas e alumnos reflexionen por separado sobre os mandatos de xénero que recibiron desde a infancia, sobre o que significa ser home ou muller, e como lles afecta na súa vida cotiá. Unha oportunidade para reflexionar desde a adolescencia sobre que persoa adulta queren chegar a ser...é dicir, que aprendizaxes deben atesourar e cales deben desaprender.

Entre as actividades de preparación para a xornada do 25N, o alumnado de 4º ESO realizou nas horas de titoría unha teatralización e adaptación ao galego da Historia de Pepa e Pepe, que deixamos nesta entrada para todas e todos vós. Tamén achegamos o rap realizado por un alumno de bacharelato como outro exemplo de que todas as manifestiacións artísticas poden adaptarse a mensaxes de liberdade.

O alumnado da materia de 1º BAC "Coeducación para o século XXI", impartiu na Sala de Cultura do Concello de Muros unha charla sobre a Pirámide da Violencia de Xénero e a Escalera da Violencia, a alumnado de 3º e 4º ESO do noso centro e do IES As Ínsuas.A charla foi a culminación da análise de todos os elementos da pirámide ao longo de varias semanas, e resultado dun traballo en equipo de todo o alumnado da materia.

Alumnas do IES Plurilingüe Fontexería participan no obradoiro de "Autodefensa feminina" organizado o sábado  5 de Outubro polo concello de Muros. Esta participación encádrase na habitual colaboración do centro co CIM muradá.