Vídeo Fórum Muller e Deporte
O 14 de marzo chegou o "Gisele" a Muros, un temporal que fixo moi acaído o título do Vídeo Fórim que tivo lugar no IES Fontexería en colaboración coa deputación da Coruña: "Conquista dos Elementos".
Con nós estivo Manuel Buján, adestrador de futbol que actuou de “suplente” de Ainhoa Portos, que por motivos profesionais non estivo presente, e Nerea Carballo, futbolísta do Atlántida Matamá. O alumnado amosouse moi participativo, interpelando á e ao conferenciante con preguntas diversas.
A deputada Ánxela Franco, responsable desta iniciativa e a Alcaldesa de Muros María Xosé Alfonso estiveron presentes no acto, e puideron tamén participar do debate posterior á proxección do documental.