Lingua Galega e Literatura

CENTENARIO DA PUBLICACIÓN DA REVISTA NÓS

O Departamento de Lingua Galega e Literatura e o Equipo de Dinamización Lingüística celebran o Centenario da publicación da Revista Nós cunha exposición en homenaxe ao Grupo Nós.

"Teñen a palabra ..... Grandes monologuistas interiores".

Este título recompila unha serie de monólogos interiores realizados polo alumnado de 4 ESO C e D, coordinados pola súa profesora de Lingua galega e literatura, Teresa Pastor Novo. Logo de estudar a narrativa dos anos 60, focalizda sobre todo na Nova Narrativa Galega, o dito alumnado elaborou os seus traballos seguindo a técnica da "corrente de conciencia", emulando o célebre personaxe de Balbino, de "Memorias dun neno labrego". Asemade, esta actividade serviu para renderlle unha merecida a o insigne escritor Xosé Neira Vilas.

Actividade organizada polo Departamento de Dinamización Lingüística.

Organizada polo Equipo de Dinamización Lingüística e acompañodos polos profesores Paco Charlín, Carmen Edreira, Manolo Varela e Beni Vidal.

O IESP Eusebio da Guarda como Escola Embaixadora do PE recibiu hoxe a visita de Jesús Gamallo, Director xeral  de Relacións Exteriores coa UE e Director da Fundación Galicia-Europa. A charla-coloquio cos Embaixadores junior do PE (1º de Bacharelato) enmárcase dentro das actividades que se levan a cabo na materia de Oratoria, que imparte a profesora Beni Vidal, para formar ao alumnado na arte de falar en público e ao mesmo tempo coñecer as institucións democráticas europeas e concretamente o PE.

O luns 1 de abril, o alumnado de 1 BACH A, B, C, F presentou os seus traballos sobre romances ou cantares de cego, coordinados pola súa profesora de Lingua Galega e Literatura, Teresa Pastor Novo, dentro dos contidos conceptuais da literatura tradicional de transmisión oral, correspondente aos Séculos Escuros. Ademais do recitado dos seus cantares, acompañaron a representación con cadanseus cartelóns ou maltrañas, obra tamén do dito alumnado. A este acto asistiron, ademais dos propios autores, Pilar Pardo, Conselleira da ONCE na Coruña; Pura Galán, coordinadora dos Equipos de Dinamización Lingüística da provincia da Coruña; e Norma Dovale, monitora de actividades do Club de Maiores da ONCE da Coruña, quen acompañou doce afiliados que tamén acudiron amablemente a este evento.

Organizada polo Equipo de Dinamización Lingüística a cargo da profesora de Lingua Galega Carmen Edreira, coa participación dos profesores María Viturro, Fe Besteiro, Elisa Crespo, Fernán García, Tatiana Saldaña e Manuel Blanco.

O alumnado de 1 BACH A, B, C e F estivo estudando a literatura popularizante de tradición oral nos Séculos Escuros no segundo trimestre deste curso. Como complemento á teoría, elaboraron cantares ou romances de cego (cantar e maltraña ou cartelón),  coordinados pola súa profesora de Lingua galega e literatura, Teresa Pastor Novo. Hoxe unha parella de alumnos de 1 BACH A,  Sara Miguel Reboiras e Gonzalo Alcalá Zamora Dorrego, fixo unha posta en escena na aula, diante dos seus compañeiros.

Fai clic na imaxe para velo. Hai máis Cantigas en "A artesa do Eusebio".

Fai clic na imaxe para velo.