Actividades curso 2017-2018

Os alumnos de Relixión de 4º de ESO visitaron a Fundación "Hogar de Santa Lucía", nunha actividade organizada polo departamento de Relixión.

Un ano máis os alumnos do Instituto participaron no certame matemático XXV Canguro Matemático Sen Fronteiras 2018.

A competición, consistente na resolución de 30 problemas e cuestións matemáticos adaptados a cada nivel durante unha hora e cuarto, tivo lugar no Instituto o pasado xoves 15 de marzo.

Un total de 93 alumnos presentados de niveis de 1º, 2º, 3º , 4º de ESO e 1º de Bacharelato.

Colaboraron os profesores do Departamento de Matemáticas: Javier Chao Mata, Mario Juíz López, Carmen Muñoz Trasancos, Elena García García, Gloria Lamas Blanco, Rocío Oreiro Rey e Luis Javier Rodríguez González (coordinador responsable).

Os resultados faranse públicos na web do certame nun prazo de mes e medio aproximadamente xa que teñen que corrixir as probas de 18955 alumnas e alumnos de 552 centros de toda España.

O pasado un de marzo o Club de Ciencia reuníuse para coñecer máis do sabio grego Eratósthenes,como preparación para a medida do perímetro terrestre do vindeiro 21 de marzo,  e facer unha actividade práctica sobre o planeta Marte. Esta vez participaron 9 alumnos así como os profesores Minia Prego, Luis J. Rodríguez e Mario S. García.

(Foto: Lucía Viader)

O 23 de febreiro celebreouse a fase local (Galicia) da olimpiada de Física na que participaron os alumnos de 2º de Bacharelato deste Instituto Carlos Campillo, Paula Herrero e Cheng Chen Sui, preparados pola profesora Mª Carmen Díaz Cabanas. Noraboa a todos, e especialmente a Cheng Chen Sui que obtivo a medalla de prata e participará na Fase Nacional que se desenvolverá en Valladolid entre o 13 e 16 de abril.

Noticia na Voz de Galicia:

O 26 de febreiro reuniuse no noso centro o xurado para decidir os gañadores do XIII CONCURSO LITERARIO RITA SUÁREZ AMADO. Luisa Fernanda García Rodríguez, Xosé Pérez Mondelo, José Luis Alonso Torreiro e Julio Mancebo Moreiras tiveron un labor moi complicado xa que as obras presentadas foron máis dun centenar.

O resultado das súas deliberacións foi o seguinte:

NIVEL I (1º E 2º ESO). RELATO CURTO.

NIVEL I (1º E 2º ESO). POESÍA.

NIVEL II (3º E 4º ESO). RELATO CURTO.

NIVEL III (1º E 2º BACHARELATO). RELATO CURTO.

NIVEL III (1º E 2º BACHARELATO). POESÍA.

NIVEL IV (ADULTOS). RELATO CURTO.

NIVEL  IV(ADULTOS). POESIA 

A ENTREGA DE PREMIOS desenvolveuse o pasado venres 2 de marzo nun acto presidido polos pais de Rita Suárez Amado, Carmen e Juan, pola Terceira Tenente de Alcalde e Concelleira de Asuntos Sociais e Educación, Silvia Cameán, e  polo representante de ABANCA Gonzalo Mora. Acompañounos, como é habitual, a familia de Rita e a súa irmá, Alba, dirixiu aos asistentes unhas emotivas palabras. A presidenta da Asociación contra o Cancro da Coruña, Elena Viturro, tamén honrounos coa súa presenza.

A Comunidade Educativa do Instituto Eusebio da Guarda quere transmitir a súa orgullosa felicitación aos premiados e anima a todos aqueles que teñan inquietudes literarias a participar o curso 2018-19 no seu certame literario.

Convocatoria do XIII Concurso literario Rita Suárez Amado

O IES Eusebio da Guarda recibe a Mención Especial ao centro educativo ao fomento do programa de Educación Financiera ABANCA Obra Social nos Premios Educa ABANCA "Mellor Docente de España 2017".

A profesora de economía, Ana Rey, a vicedirectora, Teresa Fraga e a directora Isabel Ruso recollen o premio.

Estudantes do IES Plurilingüe Eusebio da Guarda participaron o venres 16 de Febreiro na edición da V Olimpíada Filosófica de Galicia, celebrada na Facultade de Filosofía da Universidade de Santiago de Compostela. O alumnado de 4º ESO (Pablo García Lagoa, Marcial Seoane Casado, Mapi Corominas Eiras e Almudena Alonso-Jáudenes Paz) participaron na modalidade de Dilemas Morais, mentres que estudantes de 2º BAC (Lucía Blanco Miguéns, María Iglesias Insua, Alejandro Rodríguez Fernández e Nicolás Fernández Gómez) realizaron unha Disertación Filosófica sobre “Pode a utopía converterse en revolución?”. Acompañou nesta actividade a profesora Nieves López Agrasar, do Departamento de Filosofía.

O resultado da competición saberase en datas próximas.

43 alumnos de 1º de Bacharelato están de intercambio con Carpi e Verona dende o 15 ao 22 de febreiro, acompañados polas profesoras Carmen Aquino, Teresa Fraga, Beni Vidal e a directora Isabel Ruso.

O pasado xoves 8 de febreiro visitounos a bióloga Pilar Rial Rodríguez do Centro Oceanográfico de Vigo (Instituto Español de Oceanografía)  para desenvolver unha Xornada científica coas alumnas e alumnos de 1 bac do noso Instituto, conmemorando así o 11 de febreiro Día Internacional da muller e a nena na ciencia. Coa actividade titulada “Investigando as mareas vermellas” pretendeuse destacar o papel da muller na ciencia, a través de testimonios de mulleres científicas do departamento de Mareas Vermellas e Fitoplancto tóxico así como motivar ao alumnado a mergullarse neste mundo a través de pequenas experiencias no laboratorio con mostras de microalgas das nosas Rías.