Skip to Content

    erasmus  stembach

av  plan d

proxectos

anpa1

As familias coñecen a oferta de estudos superiores

Sáb, 23/03/2024 - 23:44 — Anónimo

ENLACE ao artigo publicado en La Voz de Galicia

Entrega premios entroido

Ven, 22/03/2024 - 15:29 — Anónimo

Acceso a todas as fotos no ENLACE

Alumnado de 1º de ESO B, 3º de ESO B, 4º de ESO A e 2º Bac F acudiron esta semana a desfrutar do seu merecido chocolate con churros, premio por participar e gañar o concurso de disfraces do entroido, no que alumnado e profesorado vestíronse dos anos vinte. 

Ariana Crego Romero, 2ºESOD, Premio da Poesía

Ven, 22/03/2024 - 15:08 — Anónimo

No Día Mundial da Poesía, Ariana Crego Romero (2º ESOD), leu o texto co que gaña o premio de poesía (nivel 1) no XIX Concurso Literario Rita Suárez Amado

Acto de homenaxe a Rita Suárez Amado 2024

Ven, 22/03/2024 - 14:27 — Anónimo

Acceso a todas as fotos do acto no seguiente ENLACE

Día da Poesía no Eusebio

Ven, 22/03/2024 - 14:25 — Anónimo

O Eusebio celebra o Día Mundial da Poesía coa lectura de poemas da nosa exalumna Luisa Villalta

Acceso ao audio do programa de radio no ENLACE

Acceso ao artigo publicado en "la Voz de Galicia" ENLACE

Viaxe ao CERN

Ven, 22/03/2024 - 02:21 — Anónimo

ENLACE a máis fotos

Viaxe ao CERN do alumnado de Física de 2º de bacharelato

Celso Emilio Ferreiro no Día da Poesía

Ven, 22/03/2024 - 01:25 — Anónimo

 

Función social da poesía 

A proposta temática do Día da Poesía, arredor da función social deste xénero, conecta coa tradición da literatura galega e tamén cun momento convulsivo a nivel global, marcado por dilemas éticos, bioéticos e conflitos bélicos nos que semella pertinente preguntarse de novo sobre “a potencia da palabra poética e a súa capacidade para erguerse como protesta e, tal vez, aspirar a mudar as cousas”, contextualiza María López-Sández (RAG). “A poesía como ferramenta serve para enfrontarnos ás nosas inquietudes existenciais pero tamén aos nosos desafíos colectivos. A palabra protesta sempre estivo aí, e na poesía galega quizais con máis razón, con voces tan potentes como as de Curros Enríquez, Ramón Cabanillas ou o propio Celso Emilio, porque a propia escolla da lingua implica xa un compromiso social de partida. Feliz Día da Poesía! DEPARTAMENTO DE LINGUA GALEGA E LITERATURA

 

Fotos do acto , pinchar no enlace

Acceso a todas as poesías no enlace

Audios da lectura das poesías: 

 

 

Día da Poesía nos Clubs de Lectura

Ven, 22/03/2024 - 01:00 — Anónimo

O pasado 21 de marzo celebramos o Día da Poesía nos clubs de lectura do instituto. No club de 4º ESO estreamos a radio para gravar varios audiopoemas recitados e comentados polo alumnado. Gustavo Adolfo Bécquer e Álvaro Cunqueiro voaron nas ondas radiofónicas grazas ás voces de Noa, Aurora, Gerrard, Jhostin, Estela e Mara.

No club de lectura de bacharelato celebrámolo tamén cun recital poético na biblioteca a cargo do alumnado, acompañado da exposición dos libros escollidos. Esta vez foron os versos de Luz Pozo Garza, Pablo Neruda, Curros Enríquez, Manuel María, Rosalía de Castro e Ana Fernández os que encheron de sensacións sonoras a biblioteca nas voces de Noa, Carla, Silvina, Irene, Marta, Katia, Andrea, Natalii, Héctor, Sara e Yara.

Por outra banda, Beatriz, Samuel e Claudia de 2º bach D entrevistaron o poeta François Davo, profesor de Francés no noso instituto; François explicounos o que significa para el a poesía desde a súa propia experiencia, ensinounos algúns dos seus libros e recitou para nós un dos seus poemas.

Para acompañarnos na escoita, accedede ao noso blog desde estas ligazóns.

Feliz Día Internacional da Poesía por moitos anos!

Dulce Fernández Graña, Departamento de Lingua Galega e Literatura

Coordinadora dos Clubs de Lectura

Promesas en Ciencia no Eusebio e máis alumnado coruñés

Mér, 20/03/2024 - 15:05 — Anónimo

Juan Brandariz do Eusebio da Guarda e Santiago Sánchez da Grande Obra de Atocha

Máis información nos seguintes artigos  en prensa:

ENCONTRO COA ESCRITORA ANA ALONSO

Mér, 13/03/2024 - 00:26 — Anónimo

Este luns 11 de marzo houbo un encontro do alumnado de 2º de ESO coa escritora especialista en literatura xuvenil Ana Alonso para falarnos da súa novela Los tejados de París. A autora falou das estratexias á hora de compoñer novelas, das súas orixes como novelista e da súa traxectoria, respondendo tamén ás numerosas preguntas formuladas polos alumnos sobre todas estas cuestións e sobre algúns aspectos da trama da novela citada. O acto finalizou coa firma de exemplares da obra.

José Luis Gundín Vázquez                                                                                                                                    

2º de bacharelato na Ruta do Quijote

Xov, 07/03/2024 - 23:15 — Anónimo

FEIRA DAS PROFESIÓNS NO EUSEBIO

Xov, 07/03/2024 - 18:06 — Anónimo

CORRESPONDENTES XUVENÍS E CARNÉ XOVE

Xov, 29/02/2024 - 22:16 — Anónimo

Máis fotos da actividade no enlace

O luns 26 e martes 27 de febreiro, os Correspondentes Xuvenís do noso centro colaboraron na difusión de información e material para a emisión do Carné Xove. Unha traballadora do Concello desprazouse ao noso centro o martes para que o alumnado que non tivese aínda o Carné Xove puidese solicitalo. Para facilitar e difundir esta actividade, o alumnado de 3º ESO E e 4º ESO E coordinados polas súas titoras Beatriz González-Moro e Dulce Fernández Graña, percorreron as aulas de ESO e Bacharelato para facilitaren información, repartir os impresos e resolver as posibles dúbidas. Os/as solicitantes menores de 14 anos precisan a autorización asinada das persoas responsables.

Desta maneira, o martes o alumnado interesado só tivo que entregar o impreso cuberto á traballadora do Concello para realizar a solicitude durante un dos recreos. O Carné Xove permite obter descontos en numerosas tendas e negocios ata os 26 anos. Dentro dunhas semanas repartiranse ao alumnado que os solicitou.

Departamento de Lingua e Literatura Galegas

OLIMPIADA DE BIOLOXIA

Lun, 26/02/2024 - 12:13 — Anónimo

Juan Brandariz Castro segundo, Sofía Martínez Diz-Lois terceira. O Eusebio representará a Galicia na nacional por terceiro ano consecutivo.

Enlace ao artigo publicado en La Voz de Galicia

Enlace a máis fotos

MARATÓN DE LECTURA SOLIDARIO 2024 ROSALÍA DE CASTRO

Sáb, 24/02/2024 - 02:18 — Anónimo

Acceso a todas as fotos no seguinte enlace

Hoxe 23 de febreiro de 2024 o IES P Eusebio da Guarda celebra o seu tradicional Maratón de lectura no Día de Rosalía. 

Ë unha actividade que ten como finalidade fomentar a lectura oral entre a comunidade educativa do centro: alumnado, profesorado, familias, persoal non docente, etc... ao longo de todo o día. É tamén solidario porque os lectores/as deixan unha cantidade voluntaria que será entregada á Cociña Económica. 

O Maratón solidario de lectura vense facendo desde 2014,  polo que hoxe podemos dicir que estamos na celebración do   X ANIVERSARIO DA FESTA DA LECTURA SOLIDARIA.  

E unha festa é porque o alumnado de todos os niveis foi baixando ao salón de actos para ler os seus textos  ou recitar os poemas preparados cuninterés e unha alegría que nos cativa. E só nos queda darvos a todos os PARABÉNS e vérmonos o próximo ano! 

FELIZ DÍA DE ROSALÍA!!! 

Beni Vidal

Xefa de departamento de Lingua Galega e Literatura

 

O EUSEBIO DA GUARDA CELEBRA O DÍA DE ROSALÍA

Ven, 23/02/2024 - 18:42 — Anónimo

 Máis fotos no seguinte enlace 

Hoxe 23 de febreiro de 2024 celebramos o Día de Rosalía de Castro como un recordatorio da importancia da súa obra na promoción e consolidación da literatura galega. Celebramos a súa vida e legado, inspirando ás novas xeracións a amar e valorar a riqueza cultural da nosa terra. 

Rosalía de Castro xogou un papel crucial na preservación da identidade galega a través da súa obra, destacando a riqueza cultural e lingüística de Galicia. A súa poesía reflicte a  conexión coa terra e a súa xente, de aí que esta a considere un mito da súa cultura. 

DEPARTAMENTO DE LINGUA GALEGA E LITERATURA 

Culture Classes

Xov, 22/02/2024 - 19:04 — Anónimo

Máis fotos do acto no enlace

O pasado venres 16 de febreiro, o alumnado de bacharelato do noso centro participou nas Culture Classes, clases culturais, organizadas polo Departamento de Inglés. Contamos coa presenza do relator Damien Sheehy, teacher trainer da Editorial  Burlington. Os temas das clases foron Around the English Speaking World para 1º de bacharelato e US Road Trip (Route 66) para 2º de bacharelato.  

O alumnado de Latín asiste á representación da obra teatral Agamenón

Xov, 22/02/2024 - 18:51 — Anónimo

O día 21 de febreiro, o alumnado da materia de Latín tivo a ocasión de acudir á representación da traxedia grega de Esquilo, Agamenón no Teatro Colón de A Coruña dentro do programa de teatro clásico da Sociedade de Estudos Clásicos.
A representación de Agamenón a cargo da compañía "El Ruiseñor" de Culleredo foi todo un éxito entre o alumnado, que vibrou sorprendido e conmovido coa historia dos Atridas nun ambiente tráxico de terribles vinganzas.
O alumnado foi acompañado polos profesores José Luis Gundín, Caridad Loureiro, Minia Prego e Belén González.
A actividade foi programada polo Departamento de Latín

Charla de Andrea Maceiras co alumnado de 1º da ESO

Mér, 21/02/2024 - 23:06 — Anónimo

Acceso a todas as fotos do acto no enlace

Hoxe 21 de Febreiro visítanos a escritora Andrea Maceiras Lafuente para dar unha charla ao alumnado de 1º de ESO sobre a obra Volverás, golfiño. 

Volverás, golfiño

É unha historia preciosa, de lendas e naufraxios, de pantasmas e faros que se desenvolve na Costa da Morte a onde Iris e a súa familia teñen que trasladarse a vivir na casa do avó.

A nosa convidada, Andrea, plasma neste libro toadas as historias e lendas que nos teñen transmitido oralmente os nosos devanceiros e que nos fan soñar con este inquietante areal de Trece ou co faro de Cabo Vilán, na Costa da Morte, en resumo vivir mundos invisibles que nunca esperamos vivir.

Esa é a grandeza de ler e a grandeza dunha escritora que tan ben o sabe facer para que soñemos así.

Beni Vidal

Xefa do Departamento de Lingua e Literatura Galegas

INTERCAMBIO CON VERONA

Xov, 15/02/2024 - 21:45 — Anónimo

O alumnado de intercambio de Verona chega a Milán

Enlace a máis fotos

Distribuir contido


by Dr. Radut