Intercambio con Fontenilles 2017: "Unha experiencia inolvidable"

Dúas nacionalidades e un só obxectivo, o de disfrutar aprendendo. O que ao princpio podía paracer un inferno lonxe da túa familia converteuse nunha semana chea de maxia.

Un intercambio non só é unha foma de aprender outro idioma, no que acabas collendo oido e aprendes a expresarte na vida cotiá. En tan pouco tempo tivemos a oportunidade de visitar lugares incribles, que xamais pensamos que serian tan marabillosos, descubrimos unha nova cultura, distintas formas de vivir, aprendimos a convivir todos xuntos, e sobretodo, e o mas importante, aprendemos disfrutando.

(Para ver máis fotos, fai clic na imaxe)

Isto é un claro exemplo de que as cousas que parecen mais insignificantes poden converterse nas mais espectaculares, que persoas coas que nunca pensaches conxeniar son as que mais te fagan chorar ao despedirte delas, e unha vivenda allea pode rematar parecendo o teu fogar. E sobre todo, acábaselle collendo cariño á xente, aínda que a algún mais ca outros. Oxalá puidésemos voltar o ano que ven, pero debemos deixar que outros aproveiten esta gran oportunidade.

Unha semana no estranxeiro é mais que sete dias noutro pais. É unha experiencia na que todo se gaña e nada se perde.

Fontenilles 2017

Lucía González, Esther González e Xoán Gómez.

Actualización 9 de Maio: Engadimos outro enlace con moitas máis fotos.

Vídeo elaborado polo profesor Juan Carlos Méndez