Visita dos alumnos do colexio Irène Joliot-Curie

Dende o día 13 ata o 18 do mes de outubro recibimos no noso centro a un grupo de 26 alumnos acompañados de tres profesoras do colexio Irène Joliot-Curie de Fontenilles (Haute Garonne).

Ao igual que o ano pasado, estes estudantes franceses foron acollidos polas familias dos nosos alumnos de 3º e 4º de ESO, participantes este ano no intercambio escolar co país galo. 

Durante estes días elaborouse para eles un completo programa cheo de actividades, viaxes e encontros, que ían dende as visitas aos principais museos  e fermosos lugares da nosa cidade, viaxes a Santiago de Compostela e Rías Baixas, ata xogos na rúa. 

Rematouse esta primeira parte do intercambio cunha festa no instituto de tódolos implicados (familias, alumnos e profesores) onde non faltaron a música, o baile o os petiscos para todos.

 A finais do mes de marzo serán os nosos alumnos de 3º e 4º  de ESO os que se desprazarán ata Fontenilles, alí poderán coñecer  o ambiente escolar,  a rexión na que está situado o colexio, probar a súa gastronomía e por suposto poñer en práctica a fermosa lingua de Molière."