FAMILIAS - ANPA O Castro
|
Programa de Mellora: CRIPTOGRAFÍA
De xeito excepcional a sesión do Programa de Mellora tivo lugar o mércores pois o luns houbo unha sesión de formación de profesorado que non podía celebrase noutra data. Da man do profesor de matemáticas Jesús Conde, e coa colaboración da tamén profesora de matemáticas, Covadonga Rodríguez-Moldes, o alumnado iniciouse na ciencia da Criptografía.
Despois de coñecer o vocabulario básico, o alumnado apredeu a usar a escítala lacedemonia, método de encriptar mensaxes usado xa no século V aC en Grecia, despois descubreu o método César dos romanos e rematou a sesión coñecendo os modernos e moi pronto indispensables, códigos QR. As congruencias matemáticas, ferramenta desta ciencia, pereceron ser do agrado dos rapaces.