4.º ESO: miniprogramacións

AVISO IMPORTANTE

Segundo a Orde do 25 de xaneiro de 2022 pola que se actualiza a normativa de avaliación nas ensinanzas de educación primaria, de educación secundaria obrigatoria e de bacharelato no sistema educativo de Galicia, cómpre ter en conta os seguintes cambios que afectan ás programacións:

• No mes de xuño realizarase a terceira avaliación (semana do 6 de xuño) e a avaliación final ordinaria (22 de xuño).
• O período entre a avaliación terceira e final será lectivo e de asistencia obrigatora. Realizaranse actividades de apoio, reforzo, recuperación, ampliación e titoría.
• Na ESO desaparece a convocatoria de avaliación extraordinaria.

CAPÍTULO III
Artigo 7.  Avaliación

(...)

8. O período abranguido entre a terceira avaliación parcial e a avaliación final dedicarase a actividades de apoio, reforzo, recuperación, ampliación e titoría. Nese sentido, para o alumnado que teña materias ou ámbitos con partes sen superar logo de realizada a terceira avaliación parcial, o equipo docente realizará un breve informe de avaliación individualizado que debe servir de base para o deseño das correspondentes actividades de recuperación. A cualificación definitiva das materias ou dos ámbitos farase efectiva na avaliación final de curso.