FAMILIAS - ANPA O Castro
|
25 de abril en Portugal (Viaxe de 1.º BAC)
O alumnado de 1.º BAC da modalidade de Humanidades e algúns de ciencias, está a pasar estes días no concello de Almada, localidade veciña de Lisboa, na marxe esquerda do río Tejo. A viaxe organizada polo departamento de Xeografía e Historia encádrase nun proxecto de irmanamento coa Escola Secundária Alfredo Silveira dos Reis (Torre da Marinha-Seixal). Entre as actividades previstas están o paseo pola capital lisboeta, unha visita ao penal do castelo de Peniche guiada polo histórico dirixente Álvaro Pato; e a asistencia a varios actos de celebración do 25 de abril.