O departamento de Informática ofertavos o ciclo de grao medio de "Sistemas Microinformáticos e Redes". É un ciclo novo, de 2000 horas de duración cun plano de estudos actualizado centrado nas seguintes areas:
- Desenvolvemento web
- Instalación e administración de redes de ordenadores
- Hardware
- Sistemas operativos monousuario e multiusuario
- Ofimática e multimedia
Coma outros ciclos de grao medio, é totalmente gratuito, accédese ao rematar a ESO, ten unha duración de dous anos e ínclue 400 horas de prácticas en empresa.
As prácticas pódelas desenvolver na comarca, noutras vilas ou mesmo no estranxeiro.
Que se aprende a facer?
Instalar, configurar e manter sistemas microinformáticos, illados ou en rede, así como redes locais en pequenos contornos, asegurando a súa funcionalidade e aplicando os protocolos establecidos de calidade, seguridade e respecto polo medio.
Onde se realiza o traballo?
En empresas do sector de servizos dedicadas á comercialización, á montaxe e á reparación de equipamentos, redes e servizos microinformáticos en xeral, como parte do soporte informático da organización, ou en entidades de calquera tamaño e calquera sector produtivo que utilicen sistemas microinformáticos e redes de datos para a súa xestión.
En que postos de traballo?
Técnico/a instaladora/a ou reparador/a de equipamentos informáticos. Técnico/a de soporte informático. Técnico/a de redes de datos. Reparador/a de periféricos de sistemas microinformáticos. Comercial de microinformática. Operador/a de teleasistencia. Operador/a de sistemas.
Cales son os módulos deste ciclo?
|
Módulos |
Horas |
|
Aplicacións ofimáticas |
240 |
|
Aplicacións web |
123 |
|
Empresa e iniciativa emprendedora |
53 |
|
Formación e orientación laboral |
107 |
|
Formación en centros de traballo |
410 |
|
Montaxe e mantemento de equipamentos |
240 |
|
Redes locais |
213 |
|
Seguridade informática |
140 |
|
Servizos en rede |
157 |
|
Sistemas operativos en rede |
157 |
|
Sistemas operativos monoposto |
160 |
Que título se obtén?
Técnico en sistemas microinformáticos e redes.
A que outros estudos se pode acceder?
Acceso directo ao bacharelato e a calquera outro ciclo formativo de grao medio e, mediante proba, aos ciclos de grao superior.
As nosas instalacións:
Se queres ver a organización dos módulo e o que se cursa no Ciclo medio de Sistemas Microinformáticos e Redes podes pinchar neste enlace.
Podes acceder ás programacións didácticas do curso 2023-2024 no seguinte ENLACE
