Vimos desenvolvendo desde hai días unha chea de actividades sobre autores, libros e lecturas. Ninguén é alleo á festa do libro, ao Día do Libro.
Esta festa celébrase desde hai ben tempo en España e máis recentemente a nivel mundial como unha data de reivindicación da lectura e tamén dos dereitos de autor. Faise cadrar a efeméride coa curiosa coincidencia do falecemento na mesma data de ilustres escritores: Miguel de Cervantes, William Shakespeare e o Inca Garcilaso de la Vega.
Para celebrar o Día do Libro realízanse moitas actividades: feiras, exposicións, conferencias, concursos, lecturas compartidas, a lectura ininterrompida do Quixote, solta de libros... No instituto levamos días con reunións sobre libros, facendo lecturas públicas, cun concurso de microrrelatos aberto a todo o alumnado e outras actividades.
Fóra do centro, entre os premios que se conceden por estas datas é de salientar o Premio Cervantes, que se entrega cada 23 de abril no paraninfo da Universidade de Alcalá de Henares e que este ano correspondeu a Luis Mateo Díez.
Convidámosvos nesta Hora de Ler a que desfrutedes da prosa deste insigne narrador, co breve fragmento titulado "El lobo".
Que vos guste!
María Canosa visitou o IES Castelao para ter un encontro co alumnado de 1º da ESO, logo de ler a biografía que escribiu da autora homenaxeada nas letras galegas deste ano: Luísa Villalta. Melodías de palabras.
O encontro versou arredor do proceso de creación desta obra.
O alumnado de 2º da ESO achegouse ata a Biblioteca Ramiro Fonte para descubrir por que se celebra un 23 de abril o día do libro.
Ademais coñeceron a existencia do galardón Premio Cervantes, a súa relación con esta conmemoración e puideron desfrutar da lectura dun relato do último premiado; ‘El lobo’ de Luis Mateo Díez.
Celebramos do Día do Libro como mellor sabemos: lendo!
O Departamento de Lingua castelá organizou xunto co alumnado de 1º e 3º da ESO unhas fermosas lecturas de obras recoñecidas da literatura española:
Os de 1º da ESO leron: capítulo de 'Los Molinos' de El Quijote (adaptado); un diálogo de El Principito; la Canción del pirata; Caminante no hay camino y Romance de Fontefrida.
Os de 3º da ESO leron: adaptación de La Celestina e outra de Rinconete y Cortadillo.
O club de lectura de adultos, A pé de obra, reuniuse nesta semana que xira arredor do Día do libro para comentar a obra ‘A Trenza’ de Laetitia Colombani.
Entre todos debullaron as particularidades das tres historias que se van entrelazando ata confluír nun punto en común.
Superación, enfrontamentos contra o establecido, lágrimas e tamén risas acompañaron o noso profesorado con cada páxina lida. Esta foi unha historia que non os deixou indiferentes; pois a maior parte deles conectaron e sentíronse identificados coas protagonistas.
Ademais, coma en encontros anteriores, nesta conversa compartiron experiencias persoais relacionadas con viaxes, traballo e situacións semellantes ás que se narran no libro.
Unha hora ben proveitosa, adozada cunhas boas larpeiradas!
O alumnado de 4º da ESO desfrutou da súa saída de final de curso a Barcelona. Durante unha semana visitaron a cidade condal e os seus monumento, estiveron en Tarragona e deulles tempo a desfrutar das augas do Mediterráneo.
Foi unha incribe experencia que agardamos lles dea forzas para a recta final de curso!
O 21 de marzo, Día da Poesía, o alumnado de 4º PDC xunto a tres alumnos que recitaron doutros cursos, acudimos ao salón de actos da EOI de Vigo para participar na celebración que organizaban. Desfrutamos do coro da escola, ademais de lecturas, con e sen acompañamiento musical, en diversos idiomas tanto de alumnado coma de profesorado da EOI. Pola nosa parte, Xaime de 2º ESO B recitou: _No meio do camiño_ e Gael de 4º ESO A e Germán de 4º ESO B recitaron: __Diremos_, poemas de Luísa Villalta. Foi unha xornada enriquecedora e algún alumnado interesouse por estudar outras linguas.
Comenzamos a formación de novos mediadores e mediadoras para o vindeiro curso co programa de mediación impartido por Alicce.
A mediación é un proceso transformador que encerra unha experiencia de aprendizaxe para quen participa nela, conectando ás persoas cos seus valores, sentimentos, respecto polo outro, e adquirindo ferramentas para enfrontar os conflitos.
A través da mediación os alumnos e alumnas poden abordar as situacións de conflito escolar dunha maneira nova e máis efectiva, responsabilizándose nunha participación comprometida cos cambios consensuados.
A educación afectivo sexual xoga especial relevancia en determinados momentos do desenvolvemento evolutivo das persoas, e a adolescencia é un deses momentos; por unha banda, os e as adolescentes ven como o seu corpo sofre unha transformación que vai supoñer unha asimilación deses cambios a nivel psicolóxico que moitas veces non son fáciles de aceptar por elas e eles.
Alumnas e alumnos de 3º ESO participan nos obradoiros impartidos pola Fundación AMINO no noso IES.