IES Castelao

          Antes de que chegase definitivamente o terror á biblioteca, no Túnel do venres 28, os dous días previos lemos algúns relatos con alumnado de 1º da ESO.

          Agardamos que sirva para abrir boca e animar a todo o mundo a participar no concurso de microrrelatos que se aveciña!!

Álbum: Curso 2022/2023 -> Lecturas de terror na biblioteca

Para celebrar o Día das Escritoras, este ano o 17 de outubro, no vestíbulo do instituto colocamos un papel en branco no que se puido escribir o nome dunha delas, coa finalidade de darlles, dalgunha maneira, visibilidade.

 Por outra banda, desenvolvemos na biblioteca dúas sesións de lecturas (con 4º A e 4º C) de textos dos seleccionados pola comisaria do Día nesta edición, Carmen Domingo. Trataban arredor da guerra: o papel da muller nela ou a visión que ofrece. Pódense ler todos na páxina de bibliotecas escolares

Podedes ver imaxes…

Álbum: Curso 2022/2023 -> Día das escritoras

          Cada ano nesta data celébrase o Día das Bibliotecas, para recordar a destrución da Biblioteca de Sarajevo na guerra dos Balcáns en 1992, na que se destruíron irremediablemente dous millóns de libros, artigos e revistas.

          Son moitas as iniciativas que se desenvolven neste día. No instituto comezamos esta actividade, xa tradicional entre nós, a HORA DE LER, coa que aproveitamos o bo que nos proporcionan os libros que podemos gozar e que nos axudan tamén na tarefa que levamos a cabo a diario aquí, no instituto.

          É unha iniciativa proposta desde a biblioteca e apoiada polo profesorado e todos os estamentos implicados na vida do centro. Agardamos que a iniciedes con ilusión e aproveitamento. 

          Será case o comezo dun ano que, desde as Bibliotecas Escolares de toda Galicia, ten como lema para este curso Escribir a biblioteca escolar.

          Feliz HORA DE LER!

          De acordo con este calendario o alumnado de 1º da ESO puido coñecer a nosa biblioteca e recibir  in situ información do seu funcionamento. Foi a primeiros deste mes de outubro.

            Desde aquela tamén está dispoñible nesta páxina web a Guía da Biblioteca 2022/2023 para todos aqueles que precisen consultar algunha cuestión relacionada con ela.

          E, se non, xa sabedes onde está!

O día 26 de setembro celébrase desde 2001 o DÍA EUROPEO DAS LINGUAS, establecido para preservar a riqueza da diversidade lingüística de Europa e potenciar a súa aprendizaxe.

O día 30 de setembro homenaxéase a san Xerome, patrón dos tradutores, no DÍA INTERNACIONAL DA TRADUCIÓN, coa fin de facer ver a importancia destes profesionais nun mundo cada vez máis globalizado.

Combinando as datas, propoñémosvos que vos fagades investigadores-tradutores por un breve tempo e participedes no CONCURSO da nosa biblioteca.

Aproveitamos tamén para homenaxear ao escritor Javier Marías quen, na súa derradeira columna de “La zona fantasma”,  reivindicaba precisamente o traballo dos tradutores.

Hai dúas modalidades, unha para ESO (1º a 3º) e outra para 4º e BAC.

O prazo de entrega remata o 11 de outubro.

ANÍMATE!!

 Concurso ESO

Concurso 4º / BAC

A continuación podedes ver o traballo do alumnado de 2º PMAR sobre a sexualización da vestimenta dentro do Proxecta de Igualdade.

E o noso equipo de dinamización da lingua volveuno facer. Aquí tedes unha revista chea de traballo do noso alumnado e agora tamén en formato digital.

Bo traballo, equipo!

Outro traballo elaborado dentro do Proxecta de Igualdade, neste caso en Matemáticas orientadas ás ensinanzas académicas en 3ºESO C.

Xa sabedes que a promoción de bacharelato de adultos deste curso é extraordinaria, ademais de obter dúas matrículas de honra, acadaron un 100% de aprobados na ABAU. Tanto é así que o Faro de Vigo achegouse ao instituto para falar con parte do alumnado hai uns días. No arquivo adxunto podedes ler a entrevista.