O alumnado do noso centro puido celebrar o 8M a través da música grazas ao profesor Xaime Estévez e á súa última publicación Feminino Singular, unha viaxe musical a través da música delas
O pasado venres 22 de marzo despedimos o trimestre cun magnífico concerto ofrecido por 12 alumnos/as do IES Alexandre Bóveda.
Baixo a dirección da profesora Judith Alonso interpretaron cancións clásicas de rock como "Nothing else matters", "Rolling in the deep" ou "Bohemian rhapsody" entre outros temas. Como final de festa, o coro de 3ºESO do noso centro cantou con eles "Whatever" da banda británica Oasis. Agardamos que poidamos seguir colaborando no futuro con novo repertorio e actuacións conxuntas.
O Departamento de Música organizou unha visita ao Museo Etnográfico Liste de Vigo para o alumnado de 2 ESO e D.
Tiveron a oportunidade de participar nunha visita guiada polas distintas zonas dedicadas os tecidos, oficios, medicina popular ou ao mundo agrícola comprobando as súas propias raíces culturais e as relacións do exposto con materias como Galego,Historia,Tecnoloxía ou Música.
O pasado 21 de marzo, o coro, formado por alumnado de 3ºESO, ofreceu un concerto para os compañeiros/as do CEP Celso Emilio Ferreiro. Neste centro educativo estudaron varios membros do coro, que recordaron o seu paso polo colexio con agarimo, ainda que viviran os últimos cursos de primaria durante a pandemia pola COVID.
Tivemos a sorte de cantar "A Carolina" acompañados da gaita de Lois Comís.
Agardamos volver pronto para cantarlles aos nosos amigos/as do CEP Celso Emilio".
O alumnado de música recibiu unha agradable sorpresa ao poder compartir unha aula coas artistas galegas máis recoñecidas do momento Fillas de Cassandra.
As dúas integrantes compartiron a mañá con eles e incluso houbo alumnas que se atreveron a cantar con elas.
Grazas, María e Sara por unha mañá que de seguro nunca esquecerán!
Os pasados días 27 e 29 de marzo o Departamento de Música realizou dúas actividades extraescolares co alumnado do centro.
O martes 27 o coro formado por alumnas de 3ºESO visitaron as instalacións que a Asociación Alento ten no barrio de Navia e ofreceron un concerto aos residentes, os cales nos acolleron con moita ilusión e afecto.
Por outra banda, o xoves 29 foron alumnos e alumnas de 2ºESO A e B quenes disfrutaron dun magnífico concerto didáctico da orquestra de vento do Conservatorio Superior de Música de Vigo. Agradecemos ao Concello de Vigo pola organización e agardamos que esta iniciativa se poda repetir no futuro para poder así disfrutar de música en directo e poñer en valor as agrupacións e institución musicais da cidade.
O pasado 28 de abril, 40 alumnos e alumnas de 2ºESO participaron na xornada musical coñecida como Musiqueando. Esta iniciativa impulsada por COAEM (Confederación de Asociacións de Ensinanza Musical do Estado Español) pretende compartir e poñer en valor a música que os rapaces realizan nas diferentes aulas do estado.
Neste ano 2023, o noso centro participou co alumnado de 2ºESO cantando na residencia xeriátrica "El Rocío" situado no barrio de Coia. Recibíronnos con moito agarimo e agardamos volver pronto a cantar para eles.
Organizado polo departamento de música, o alumnado de 3º da ESO do noso instituto tivo o privilexio de asistir ao concerto “MIGRASONS” de música folk a cargo de seis profesores e dúas profesoras da E TRAD de Vigo, institución na que de xeito gratuíto os vigueses podemos recibir formación de diversos instrumentos galegos. O Concello dispuxo dous autobuses nos que un cento de alumnos e cinco profesores achegámonos ao auditorio para desfrutar do concerto didáctico dunha hora de duración que comezaba ás doce da mañá. Xunto con outros alumnos doutros centros da nosa cidade enchemos o auditorio.
O pasado luns 28 de novembro celebrouse no IES Álvaro Cunqueiro a edición número trece da MOSTRA VIVA DE INSTRUMENTOS onde, preto do corenta alumnos do propio centro, compartiron con todos a súa dedicación e talento en distintas especialidades instrumentais. Repartidos en tres espazos diferentes, ao longo do día a totalidade do alumnado viaxou por esta mostra que cada curso dende 2010 pon en primeiro plano o talento, entusiasmo e o esforzo dos que dedican, parte do seu tempo, á práctica instrumental.
Aula virtual
O alumnado do noso centro puido celebrar o 8M a través da música grazas ao profesor Xaime Estévez e á súa última publicación Feminino Singular, unha viaxe musical a través da música delas
O pasado venres 22 de marzo despedimos o trimestre cun magnífico concerto ofrecido por 12 alumnos/as do IES Alexandre Bóveda.
O pasado 21 de marzo, o coro, formado por alumnado de 3ºESO, ofreceu un concerto para os compañeiros/as do CEP Celso Emilio Ferreiro. Neste centro educativo estudaron varios membros do coro, que recordaron o seu paso polo colexio con agarimo, ainda que viviran os últimos cursos de primaria durante a pandemia pola COVID.
O alumnado de música recibiu unha agradable sorpresa ao poder compartir unha aula coas artistas galegas máis recoñecidas do momento Fillas de Cassandra.
