Actividades no centro

Letras Galegas 2016

 

           

     

Este ano o día das Letras Galegas está adicado a MANUEL MARÍA. O acto de apertura da conmemoración estivo a cargo do escritor e xornalista Manuel Veiga.

 
     

O venres, 13 de maio, tivo lugar a un macrofestival protagonizado polo alumnado do centro, que contou coa participación de María Xosé López Villar e Xico de Carinho, que nos  deleitaron con actuacións musicais . . .

   

Reportaxe fotográfica   

     

Alumnado mediador

     
   
     
 

Este curso púxose en marcha un programa de "Mediación de conflitos entre alumnado" no noso centro, introducindo así unha filosofía de xestión da convivencia baseada nas capacidades de negociación e respecto mutuo, fomentando a empatía e mellorando as relacións interpersoais.

Neste sentido formouse un grupo de alumnas/os mediadores capaces de escoitar e axudar a outros compañeiros e resolver os seus conflitos dun modo pacífico potenciando unha educación baseada na tolerancia, a solidariedade, a convivencia e o diálogo.

Ánimo rapaces, hai un longo camiño por percorrer !!

 

 

 

 

Letras Galegas 2015

     
   

LETRAS

GALEGAS 

2015

 

Ver o programa de actividades

O programa cultural que dará paso á celebración das Letras Galegas 2015, organizado polo Departamento de Lingua e Literatura Galega, comenza o próximo xoves a partir das 11:00 horas coa representación  teatral dunha obra de Cándido Pazó no Salón de actos do noso centro.

 

O venres continuará coa celebración dun Festival ao que asistirá o alumnado de ESO e Bacharelato. Daránse cita nel músicos e poetas coa intención de poñer de relevo algunhas das poesías mais coñecidas de Filgueira Valverde, autor homenaxeado este ano.

   
     
     
     

 

 

LETRAS GALEGAS 2014

LETRAS GALEGAS 2014

  

O venres, 16 de maio, celebramos no noso centro o Día das Letras Galegas.

O Departamento de Galego e o de Música, coa colaboración da nosa compañeira María López, organizaron con alumnos e alumnas de distintos cursos varios actos simultáneos:

No vestíbulo interpretáronse cantigas medievais, un romance tradicional e rematouse co poema de Álvaro Cunqueiro “Quen poidera namorala”.

No xardín foron recitados e cantados varios poemas, entre eles, a cantiga de amigo de Martín Códax “Ondas do mar de Vigo” e unha pastorela medieval.

No salón de actos tivo lugar a homenaxe ao poeta X. Mª Díaz Castro, ao cal se lle dedicaba este ano o Día das Letras Galegas. Recitáronse varios poemas do autor, acompañados por música de violonchelo. Entre estes poemas salientamos o de “Penélope”, o máis coñecido de Díaz Castro.

 

 Aquí tendes algúns videos do evento:

 

   
   

VISITA DO ALCALDE AO NOSO CENTRO

 

VISITA DO ALCALDE AO NOSO CENTRO

 

“O Alcalde amosa a súa satisfacción pola elección do noso centro para a apertura do curso escolar”

 O martes tivo lugar no salón de actos a inauguración do curso académico coa participación do alcalde Abel Caballero e do concelleiro de educación Santos Héctor Rodriguez e a representante das ANPA. O alcalde resaltou o labor e implicación da comunidade educativa do noso centro e alentou aos estudantes a traballar arreo para conseguir unha boa formación.

 

Distribuir contido