O CRA en común

Dende o equipo de biblioteca do CRA elaborouse un álbume sobre os diferentes elementos da contorna. Cada alumno e alumna terá o seu álbum onde poderán os cromos que os titores e titoras lles vaian dando, á vez que falan de cada un dos elementos.

As aulas de primaria do noso CRA recibiron a visita dos alumnos e alumnas do colexio San Xerome. Aproveitando a visita presentámonos e organizamos actividades e xogos diferentes coas que o alumnado interactuou e desfrutou da mañan. Ademáis Pablo, alumno do San Xerome, ensinou a súa obra e o resto de nenos e nenas fixeron preguntas sobre a mesma.

O pasado 3 de Maio todo o alumnado do CRA desprazouse a Pías para celebrar o Día do Libro. Para elo organizamos diferentes recunchos por todo o colexio:

- Recuncho de Braille. O alumnado elaborou o seu nome en Braille con diferentes materiais tactiles.

- Recuncho de reciclaxe: O alumnado experimentou as técnicas básicas do reciclado de papel. Ademais tamén decoraron a súa propia mochila de tea para concienciar sobre a importancia da eliminación doutros materiais contaminantes.

- Recuncho ExpresArte. O alumnado creaba unha lámina usando moitas cores, despois cubríaa de negro e por último rasgaba para facer un debuxo multicor.

- Recuncho STEAM. O alumnado tivo que darlle á cabeciña para buscar solucións a diferentes retos que se lle propoñían.

- Recuncho de xogos manipulativos. O alumnado experimentou con diferentes xogos de procesos cognitivos, lóxica, linguaxe...

- Recuncho de igualdade e robótica. A través da curtametraxe sobre igualdade "Purl", o alumnado traballou o contido da mesma a través de diferentes taboleiros para os Escornabots e Ozobot.

Nas aulas do noso CRA contamos con un novo amigo, en cada unha haberá un escornabot cos que faremos diferentes actividades ó longo do curso. Ademais, na biblioteca tamén haberá un, para que o alumnado que a visite poida xogar e aprender con el.