Skip to Content

O CRA en común

Os Bolechas en Tomiño - Novembro 2018

14/11/2018 09:00
14/11/2018 14:00

Os nenos e nenas de primaria fomos a Tomiño para participar na actividade dos Bolechas. O chegar a Tomño dividímonos en tres grupos: un grupo no que tirábamos o dado e respostábamos preguntas, outro no que había unha piscina de bolas con palabras en galego agochadas e outro no que había un armario con cascos onde escoitábamos diferentes formas de falar.

Facemos pan en Pias - Novembro 2018

09/11/2018 09:00
09/11/2018 12:00

Hoxe, na escola de Pías, tivemos unha clase diferente... convertémonos en panadeiros e panadeiras!!! Fixemos a masa con todos os ingredientes que trouxo a mestra e ademais engadimos as pipas que lle quitamos ás cabazas de Samaín ó decoralas. Amasamos a masa para facer boliños pequenos e despois con moita paciencia esperamos a que se coceran no forno  e quedáronnos uns boliños riquísimos!!

O Samaín - Outubro 2018

31/10/2018 09:00
31/10/2018 14:00

O pasado Mércores 31 de Outubro as diferentes escolas do CRA celebraron o día de Samaín. Houbo talleres de maquillaxe, de cociña, exposición de cabazas, nenos e nenas disfrazados para asustar ós seus mestres e mestras... Foi unha mañán diferente na que todo o mundo o pasou de medo!!!

Visita a un Muiño en Couso - Outubro 2018

25/10/2018 09:00
25/10/2018 14:00

Hoxe as escolas de Tabagón, Couso e Novás foron visitar un muíño na zona de Couso. Quedamos todos os nenos e nenas na escola de Couso e fomos andando ata a zona na que estaba o muíño.

Como o muíño era pequeno fixemos pequenos grupos e mentres un entraba os outros aprendíamos diferentes cousas sobre as árbores que nos rodeaban. Demoslle a cada grupo unha folla de unha das árbores que alí había e eles tiñan que buscar onde se atopaba esa árbore. Os nenos e nenas pasarono xenial e todos conseguiron atopar todas as árbores que lles plantexaron.

Mentres, o grupo que entraba no muíño aprendía como se fai a fariña de millo, viron como se moia e poideron tocar a fariña que se iba facendo. Ademais baixamos a zona de abaixo por onde caía a auga e facía xirar a roda.

 

Visita Museo do Mar e Fundación Sales - Outubro 2018

23/10/2018 09:00
23/10/2018 17:00

Os nenos e nenas de primaria do CRA fomos de excursión a Vigo para visitar o museo do mar e a Fundación Sales.

Pola mañan fomos ó museo, onde merendamos no xardín e fixemos algunhas actividades de reciclaxe, observamos peixes e fomos a unha exposición de animais mortos disecados. ó rematar fomos comer á praia de Samil e pola tarde fomos á Fundación Sales, onde os monitores e monitoras nos explicaron moitísimas cousas sobre as prantas e as árbores.

Ó rematar volvimos para casa moi cansos pero moi ledos, xa que pasamos un día xenial!!!

Contacontos "Contando en feminino" - Outubro 2018

24/10/2018 10:00
24/10/2018 13:00

O vindeiro Mércores 24 de Outubro os alumnos e alumnas do CRA visitarán a biblioteca municipal onde gozarán coas historias da contacontos Ana Lisistrata. Debido a que na biblioteca a que non collen todos os alumnos e alumnas do colexio irán en dúas roldas: ás 10:00 irán os colexios de Tabagón,  Pías Couso G, e ás 11:30 irán os colexios de Fornelos, Novás e Couso H.

Chegou o día e pasámolo moi ben!! Un autobús foi recollendo os nenos e nenas polas escolas para levalos á biblioteca municipal, menos na escola de Couso que foron andando. Unha vez alí, no primer turno entramos dentro da biblioteca a escoitar os contos, mentres que no segundo turno aproveitaron que facía un dia moi bo e escoitaron os contos ó aire libre.

Saída a recoller millo de Novás e Tabagón - Outubro 2018

09/10/2018 09:00
09/10/2018 14:00

Aproveitando a visita que a escola de Novás fixo a biblioteca, decidimos ir ata a finca da avoa Concha (a avoa de Antón) a recoller millo. 

Fomos todos xuntos andando mentres contábamos historias e cantabamos e unha vez que chegamos puxémonos mans á obra. Montamos no motocultor para sacar fotos e recollimos moito millo co que enchemos os capachos para levar para clase e debullalo entre todos.

 

Recollida de mazás Fornelos e Tabagón- Outubro 2018

03/10/2018 09:00
09/10/2018 14:00

O Mércores 3 de Outubro os alumnos e alumnas de Fornelos de primaria e infantil visitaron a nosa biblioteca e aproveitaron para sair coas compañeiras e compañeiros da escola de Tabagón a recoller mazás.

Fomos andando a unha finca preto da escola e Anxo e Álex explicáronnos como recollían as mazás e axudáronnos a apañar unhas poucas que meteron nunha bolsa feita na clase. Ademais tamén nos ensinaron zumes dos que poideron beber e sidra.

Visita a adega "Lagar de Fornelos" - Setembro 2018

02/10/2018 09:50

Os nenos e nenas de Fornelos seguimos coñecendo e descubrindo cousas novas sobre o proceso de elaboración do viño, e para elo visitamos a adega "Lagar de Fornelos".

Saímos ás 10:30, fomos polo camiño do río onde vimos diferentes árbores e paramos a falar sobre elas. Como estaba moi bo día, paramos nun parque, onde merendamos e xogamos, e ó rematar fomos á adega Lagar de Fornelos. 

Recibiunos Olga, que era a guía. Ensinounos unha máquina, na que botaban uvas, e que separaba a uva do cangallo. Facía moito ruído. As uvas ían por un tubo a unha máquina, que prensaba as uvas e era moi grande. O que sobraba de espremer (a pel da uva) vai para uns sacos, onde se almacenan para facer augardente, logo nun alambique, que tamén vimos. O zume da uva, o mosto, vai para uns depósitos enormes que estaban forrados con fotos de árbores. Tamén coñecimos a outra parte da adega onde había barrís cheos de augardente e botellas de exposición. 

Elaboración do zume de uva en Novás - Outubro 2018

01/10/2018 09:00
01/10/2018 14:00

Unha vez que recollimos as uvas e aprendimos como facer o zume pasamos á acción. Primeiro seleccionamos ás uvas que queríamos exprimir, logo lavámolas e por último pisámolas e exprimímolas coa termomix.

Aprendimos moitísimo, pasámolo moi ben e o mellor de todo é que nos saiu un zume para chuparse os dedos!!!

Distribuir contido


by Dr. Radut