Skip to Content

O CRA en común

Saída a Coruña de primaria - Maio 2019

07/05/2019 09:00
07/05/2019 14:00

O alumnado de primaria do CRA fomos de excursión a Coruña onde pasamos un día xenial. 

O chegar a Coruña fomos ó acuario, onde vimos diferentes tipos de peixes, unha representación do Nautilius e concienciámonos sobre a cantidade de lixo que se verte no mar. Ó sair do acuario fomos ó museo Domus, onde descansamos e xogamos. Para rematar, fomos á Casa das Ciencias e ó planetario.

O rematar as visitas fomos a comer uns xeados e montamos no autobús para voltar a casa. Cando chegamos ó CRA eran as 21:30, e a pesares do cansancio pasámolo xenial!!!

Día do Libro en Pías - Maio 2019

03/05/2019 09:00
03/05/2019 14:00

O pasado 3 de Maio todo o alumnado do CRA desprazouse a Pías para celebrar o Día do Libro. Para elo organizamos diferentes recunchos por todo o colexio:

- Recuncho de Braille. O alumnado elaborou o seu nome en Braille con diferentes materiais tactiles.

- Recuncho de reciclaxe: O alumnado experimentou as técnicas básicas do reciclado de papel. Ademais tamén decoraron a súa propia mochila de tea para concienciar sobre a importancia da eliminación doutros materiais contaminantes.

- Recuncho ExpresArte. O alumnado creaba unha lámina usando moitas cores, despois cubríaa de negro e por último rasgaba para facer un debuxo multicor.

- Recuncho STEAM. O alumnado tivo que darlle á cabeciña para buscar solucións a diferentes retos que se lle propoñían.

- Recuncho de xogos manipulativos. O alumnado experimentou con diferentes xogos de procesos cognitivos, lóxica, linguaxe...

- Recuncho de igualdade e robótica. A través da curtametraxe sobre igualdade "Purl", o alumnado traballou o contido da mesma a través de diferentes taboleiros para os Escornabots e Ozobot.

Teatro "A toupiña que quería saber quen lle fixera aquilo na cabeza" - Abril 2019

30/04/2019 09:00
30/04/2019 14:00

Hoxe o alumnado do noso CRA desprazouse ó auditorio de Tomiño para desfrutar dunha sesión de teatro do conto de "A toupiña que quería saber quen lle fixera aquilo na cabeza", representada pola compañia de teatro "A xanela do Maxín".

Actividades con Escornabots - Abril 2019

10/04/2019 13:44
10/04/2019 13:44

Nas aulas do noso CRA contamos con un novo amigo, en cada unha haberá un escornabot cos que faremos diferentes actividades ó longo do curso. Ademais, na biblioteca tamén haberá un, para que o alumnado que a visite poida xogar e aprender con el.

Contacontos Paco Nogueiras - Abril 2019

08/04/2019 09:00
08/04/2019 14:00

O pasado Luns o alumnado do CRA tivo a sorte de contar coa visita do gran Paco Nogueiras, que nos fixo rir e cantar con contos coma "Que becho es ti?", "A ratiña presumida", "Elmer" ou "Un, dous, tres, vampiro ti es..." acompañado do seu acordeón.

Creación de hortas nos patios - Abril 2019

09/04/2019 09:00
09/04/2019 14:00

Nalgúns dos colexios do noso CRA decidiron creas as súas propias hortas e prantar os seus propios alimentos (leitugas, tomates, amorodos...). Estas hortas aténdenas os propios nenos e nenas, prantando os alimentos e regándoos.

Elaboración de pan en Novás - Abril 2019

02/04/2019 09:00
03/04/2019 14:00

O alumnado da escola de Novás tivo a oportunidade de elaborar as súas propias barras de pan. Para facelo, contamos coa axuda do noso vecño Isolino, que nos abriu as portas da súa casa e nos ensinou todo o proceso.

Dividímonos en grupos e un día fomos a facer a masa e o día seguinte fomos facer as barras e metelas no forno. Saíronnos unhas barras de pan riquísimas!!!!

Visita á Granxa Kiriko - Marzo 2019

21/03/2019 09:00
21/03/2019 19:00

Os alumnos e alumnas de infantil tiveron a oportunidade de visitar durante todo o día do Xoves as instalacións da Granxa Kiriko. Alí, o alumnado puido interactuar cos diferentes animais da granxa, pasear polos seus montes e tamén facer obradoiros e xogos no que o pasaron xenial.

Aínda que foi un día longo, xa que saímos do CRA ás 08:45 e chegamos ás 19:00, o alumnado desfrutou e aprendeu moitísimo sobre os animais e o noso entorno.

Obradoiro Érguete - Marzo 2019

02/02/2019 09:00
15/03/2019 14:00

Nas aulas de infantil do noso CRA leváronse a cabo tres sesións de obradoiros con temáticas coma habilidades sociais, toma de decisións, xestión de conflictos, límites e normas e autoestima, por parte da Asociación Érguete Baixo Miño.

IV concurso fotográfico "Coñecendo os nosos montes en familia" - Marzo 2019

03/03/2019 09:00
03/03/2019 14:01

Por cuarto ano consecutivo, no noso CRA levamos a cabo o concurso fotográfico para o alumnado e as familias. Neste curso, na súa cuarta edición, a temática é sobre os nosos montes, polo que o alumnado poderá desfrutar dos mesmos e inmortalizar os momentos.

Os gañadores e gañadoras das diferentes categorías son:

- DIVERTIDA: Os irmáns Iker e Aitor Alonso, da escola de Fornelos, pola súa foto "Tocando as follas"

- ORIXINAL: As irmáns Clara e Alba Gómez, da escola de Pías, pola súa foto "Coidando do noso entorno no Lago Bostelo"

- ARTÍSTICA: As amigas Vera Rivero e Aroa Pereira, da escola de Novás, pola súa foto "Tendendo pontes á natureza".

Podedes ver tódalas fotos participantes expostas na biblioteca do CRA.

Distribuir contido


by Dr. Radut