Skip to Content

Período de admisión de alumnado para o curso 2024 - 2025

 Entre os días 1 e 20 de marzo (ambos incluídos) estará aberto o prazo de admisión nos centros escolares para o 2024/2025

DOCUMENTACIÓN

O alumnado que desexe matrícularse no CRA María Zambrano deberá presentar os seguintes documentos:

 1- Impreso de solicitude - Anexo II e II bis  --> Modelo de solicitude de admisión (ED550B)

2- Fotocopia dos DNIs dos proxenitores ou titores/as legais. 

3.-Fotocopia do DNI ( de non posuír DNI, presentar copia da páxina do Libro de familia onde figura o/a alumno/a).        

4.- Certificado de empadroamento para comprobar a unidade familiar. 

5- Certificado de matrícula expedido polo centro no que cursa estudos actualmente(no caso de que xa estivera escolarizado en outro centro.. 

6- Convenio regulador ou resolución xudicial de separación xudicial ou divorcio, onde conste a custodia do menor, se é o caso.

7.- Sempre que haxa patria potestade compartida, as solicitudes deberán vir asinadas polos dous proxenitores cando se atopen en situación de divorcio, separación legar ou parella de feito non inscrita no Rexistro de parellas de feito de Galicia.

8.- Informes médicos ou psicopedagóxicos que a familia considere de interese, no seu caso.

  HORARIO DE ATENCIÓN EN SECRETARÍA

MARTES E VENRES: 9:00 a 12:00

LUNS, MÉRCORES E XOVES: 12:30 a 13:45

Podes descargar este artigo premendo no seguinte enlace

 

Menú de Marzo

Xa está listo o menú de Marzo. Podes premer na imaxe para descargalo.

Entroido 2024

Velaquí a nosa celebración do entroido no 2024.

 

Charla sobre nutrición infantil e na adolescencia

A ANPA organiza para este sábado 24 de Febreiro unha charla sobre nutrición infantil e na adolescencia aberta para todo aquel que desexe acudir.

Máis info no cartaz informativo.

Animádevos!.

Celebración do día da Paz

O pasado 30 de Xaneiro celebramos o Día da Paz xunto co centro de día Mirador do Val.

Ademais, da participación dos nosos nenos e os nosos maiores, contamos coa presenza da alcaldesa e mesmo da TVG!.

Foi un día cheo de emocións, no que, nesta ocasión, corrimos a favor da asociación contra o cáncer de páncreas ACAPAN.

Velaquí un resumo do noso día:

 

Reseña da TVG

 

Certame de relatos curtos

FANPA convoca un certame de relatos curtos. Pódense entregar os relatos ata o 18 de Marzo no seguinte enlace:

https://blogs.nontedurmas.org/certame/2024/01/23/formulario-de-participacion-x-edicion/

Podes consultar as bases aquí:

https://blogs.nontedurmas.org/certame/2024/01/26/bases-da-x-edicion/

Toda a información aquí:

https://www.nontedurmas.org/concursos-e-certames/x-edicion-do-certame-de-relato-curto/

 

Xornada de portas abertas

ERASE UNHA VEZ…..UNHA ESCOLA RURAL

No CRA María Zambrano de O ROSAL, xa temos data para o día de PORTAS ABERTAS!!!

Agardámoslles con moita ilusión, o MARTES 27 DE FEBREIRO.

De 16 a 17h nas escolas de PÍAS E PARADELA(EIRAS) E NOVÁS.

De 17 a 18h nas escolas de COUSO, FORNELOS E MARZÁN.

Podes descargar o tríptico premendo nas imaxes:

 

  

 

 

Organización do entroido 2024

ENTROIDO

Queridas familias:

Como tódolos anos, celebramos o noso Entroido na escola de Novás. Debido o mal tempo aprázase ao vindeiro venres 16 de Febreiro.

 

Este venres 9 de febreiro faremos a festa nas nosas aulas, poderán vir disfrazados como queiran.

Ao longo da semana imos enviar as Ordes do Meco, e as teredes tamén en cada escola.

Venres 16 de Febreiro en Novás:

Os alumnos/as virán disfrazados xa da casa,  (co disfrace correspondente da súa aula).

A hora de chegada será as 9:00h na escola de Novás.

Excepto as aulas de Fornelos e Pías, que saen das súas aulas. (As titoras xa especificarán as familias como deben facer).

As familias podedes asistir a partir das 11.00h para ver o desfile na pista de Novás.

Para non perder o costume, compartiremos unha merenda especial típica destas datas (orellas, filloas, empanada…) que distribuiremos por escolas. A debedes deixar en Novás á hora da chegada. E será preciso que toda a comida xa veña cortada.

A distribución de alimentos por escolas é a seguinte:

Bebidas (zumes e auga): Novás.

Alimentos salgados cortados: Couso, Marzán, Pías Infantil e Primaria.

Alimentos doces cortados: Paradela, Fornelos Primaria e Infantil.

A hora da merenda para o alumnado será as 12:00h. A partir das 12:30h compartiremos a merenda coas familias. Vos pedimos que respectedes os horarios para que o alumnado poida gozar cos seus compañeiros.

Entre as 13:30 e as 14:00h, as familias recollerán aos seus fillos e fillas previo aviso ás titoras.

 

A ANPA vai abrir a cantina para a vosa disposición e montarán un mercado.

Dende o CRA vos invitamos a que colaboredes e participedes. Moitas grazas e

Feliz entroido!

Podes descargar a organización premendo no seguinte enlace 

Distribuir contido


by Dr. Radut