Boas familias, como vai todo?
Por aquí rematando xa outro ano escolar, aínda que nos dá un pouquiño de pena tamén nos alegra xa que chegan as vacacións!! :-)
Estos tres días déronnos para recoller as aulas e gardar os nosos traballiños, pero tamén para disfrutar un montón.
Ilusionados e ilusionadas agardábamos dende hai algunhas semanas a nosa excursión de fin de curso.
VISITAMOS A CASA DO QUEIXO DE GRIXALBA
Alí, puidemos visitar algúns dos animais que tiñan. Eso sí, moi caladiños e sen armar moito alboroto porque non lles gusta demasiado o ruído. Agás, ao Burro Platero, que nos recibiu con moita enerxía.
Tamén puidemos coñecer de primeira man o tratado da lá das ovellas, canto traballo dá! Hai que ter moita paciencia...
Seguimos facendo pan ao modo artesanal, neso si que temos máis práctica, amasando.
E por último, fixemos queixo fresco o que puidemos probar nese mesmo instante. Estaba rico!
Pero como é verdade eso que din " as palabras lévaas o vento " dádelle ao PLAY si queredes coñecer a Casa do queixo da nosa man. Poderedes seguir o noso ritmo?
Pasámolo moi ben nesta excursión, mágoa que non fixera mellor tempo, e iso que lle dábamos a benvida ao verán.
Seguro que se está reservando para as nosas vacacións jijijijiji Non si nenos/as?
E chegou o día...A FESTA DE FIN DE CURSO
Como debe ser, todo o centro participamos nunha morea de xogos (mágoa que un ano máis os xogos de auga tiveran que suspenderse, que fastidio!!)
Divididos por grupos e cun horario de rotación pasamos por distintas zonas de xogo: paracaídas, circuítos, equilibrios, bailes, xogos de sillas...entre outros.
Mírade o ben que o pasamos, estivo xenial.
Ademais, asistimos á graduación dos nenos e nenas de 6º Educación Infantil, rematan esta etapa. Superándoa con creces, noraboa a todos e todas!!
Aproveitamos este blogue para despedilos da nosa etapa como se merecen.
Sabedes que sempre teredes as portas abertas das nosas aulas para que nos fagades unha visita.
Feliz entrada a unha nova etapa na vosa vida, Educación Primaria, que maiores ides.
Ana, Carla, Asier, Andree, Mateo Babío, Paula, Elisa, Mateo Romero, Bruno, Adrián e Ulises cada un de vós deixades con nós unha morea de momentos divertidos, moitas risas, experiencias, gamberradas, tempos de xogo, confidencias, xornadas entrañables en talleres, saídas, tratadas, merendas no patio ..
Querémosvos un montón!
Pero antes de despedirnos, queremos darvos un adelanto do que está pasando no colexio ...
Que será iso?
O próximo curso, pasarán cousas...algo hai entre mans.
Agora sí, rematamos o curso 2021/2022 con unha lista infinita de superacións por parte do noso alumnado e tamén cunha chea de sorrisos e experiencias en cada bolsillo.
Recomendamos que neste tempo vacacional os peques fagan o seguinte:
- Descansar e desconectar do colexio.
- Desfrutar do tempo en familia.
- Gozar dunha chea de xogos en compaña de familia e amigos.
- Conectar coa contorna que temos e desfrutar do aire libre: corre, salta, camiña, pedalea, nada, bucea...ata cansar.
- Viaxade coas historias dos contos, sempre é un bo momento para coller os contos que nos gustan.
- Debuxade, pintade, experimentade, observade, cantade, bailade...porque é tempo de todo iso e moito máis.
Moitas gracias a todas as familias, sodes un piar fundamental no proceso de ensino-aprendizaxe, todo ten sentido se entre a escola e as familias os lazos son así de curtos.
E non podemos esquecernos das nosas compis Andrea e Ángela, que marchan a outro cole, moitas grazas polo voso cariño e traballo, desexámosvos moita sorte na nova etapa e aquí estaremos para que nos veñades visitar cando queirades.
Un bico moi forte, desfrutade do verán e vémonos en setembro.
Aburiño!!
Sandra, Andrea, Ángela e Genma.
