Skip to Content

PRAZOS FONDO LIBROS E MATERIAL ESCOLAR. CURSO 2022/2023

 

CURSO 2022/2023

PRAZOS FONDO LIBROS E MATERIAL ESCOLAR

 

DEVOLUCIÓN DOS LIBROS DO CURSO 2021/2022

 

22/06/2022 (Data límite)

 

PUBLICACIÓN LISTAXES PROVISIONAIS

 

11/07/2022

 

RECLAMACIÓN ÁS LISTAXES PROVISIONAIS

 

Ata o 13/07/2022

 

PUBLICACIÓN DAS LISTAXES DEFINITIVAS

 

20/07/2022

ENTREGA DOS LIBROS DE TEXTO

 

Venres 2 de setembro de 2022 en horario de 11.00 a 13.00. (Debido ao cambio do currículo non estarán dispoñibles os libros novos ata este mes)

 

ENTREGA DOS VALES

 

A partires do 1/7/22, sempre que xa se teña formalizada a matrícula. En caso de dúbida chamar por teléfono para confirmar.

 

 

MATRÍCULA PARA O CURSO 2022-2023

 

 Prazo de matrícula: DO 20 de XUÑO AO 10 DE XULLO DE 2022

 

Teñen que facer matrícula:

- Alumnado novo no centro de calquera nivel.
- Alumnado do centro que cambia de etapa, é dicir os que pasan a 1º de Primaria ou 1º da ESO.
- Todo o alumnado da ESO

 O resto do alumnado: soamente ten que cubrir os impresos de autorizacións, datos e transporte, a solicitude do comedor escolar e entregar unha foto recente tamaño carné.

Todo o alumnado do centro recibirá cas notas os impresos e instrucións precisos, o novo alumnado pode recollelo no centro ou descargalo desta páxina nos arquivos adxuntos.

 Horario de administración: de 9:00 a 14:00. Non se precisa cita previa.

Impreso matrícula Educación Infantil e Primaria Impreso matrícula 1º, 2º e 3º de ESO Impreso matrícula 4º de ESO
Autorizacións, datos e transporte alumnado que non precisa matrícula   Autorizacións, datos e transporte alumnado que fai matrícula
  Solicitude comedor  

Listaxes de libros do curso 2022-2023

Premer na lista para visualizala ou descargala:

 

Listaxe de libros de Educación Infantil do curso 2022-2023

 

Listaxe de libros de Educación Primaria do curso 2022-2023

 

Listaxe de libros da ESO do curso 2022-2023

 

No vindeiro curso 2022-2023 o centro entregará unha axenda escolar a cada alumno ou alumna de todas as etapas educativas.

GRADUACIÓN ALUMNADO 4º ESO. 2022

 

 

 

O venres 17 de xuño celebramos a graduación do alumnado de 4º ESO. Un acto cargado de emoción en compañía das familias, profesorado, compañeiros, representantes dos Concellos e Anpa.

Despois de varias semanas de traballo intenso, exames, estrés, chegou o momento máis desexado: o final de curso. E para o alumnado de 4º da ESO esta foi a derradeira xornada no CPI Virxe da Cela, despois de trece anos compartindo aula e pupitre... Ante estes marabillosos rapaces e rapazas preséntase unha nova etapa na vida, noutro centro educativo. Botaremos en falta os vosos sorrisos e a vosa alegría, e vos desexamos o mellor. E xa sabes...non dubidedes en pasarvos polo noso e o voso "cole" a facernos unha visita. Sempre será a vosa casa.

Toda a comunidade educativa desexámosvos o mellor para o camiño que empezades agora.

 

Fondo solidario de libros de texto e axudas para a adquisición de libros de texto e material escolar para o curso 2022/23

Informamos que a Consellería de Educación convocou o fondo solidario de libros de texto e axudas para adquirir libros de texto e material escolar destinadas ao alumnado matriculado en educación primaria, ESO e educación especial en centros docentes sostidos con fondos públicos para o curso escolar 2022/23.

 1. No fondo solidario de libros de texto poderá participar o alumnado matriculado* en 3º, 4º, 5º e 6º de Educación Primaria (EP) e en 1º, 2º, 3º e 4º de ESO.

 2. Nas axudas para adquirir libros de texto poderá participar alumnado matriculado* en 1º e 2º de EP.

 3. Nas axudas para adquirir material escolar poderá participar o alumnado matriculado* en EP, ESO e EE.

 *Matriculado no ano académico 2022-2023

O alumnado matriculado en cursos incluídos no proxecto educación dixital (E-DIXGAL) no curso 2022/23 está excluído da participación no fondo solidario de libros de texto e da axuda para adquirir libros de texto. Non obstante, poderán solicitar a axuda para adquirir material escolar cando reúnan os requisitos establecidos na orde. No noso centro teñen E-Dixgal 5º e 6º de EP e 1º e 2º de ESO.

 

A asignación de libros farase:

a) Ao alumnado que participe no fondo solidario, por orde inversa á renda per cápita da unidade familiar, ata que se esgoten as existencias.

b) Terá preferencia para esta adxudicación o alumnado en situación de garda ou tutela da Xunta de Galicia ou cunha discapacidade igual ou superior ao 65 %, con independencia da renda.

 

Obrigas das persoas beneficiarias:

1. Devolver os libros de texto e o material reutilizable adquirido coas axudas para libros de texto ou recibido do fondo solidario no curso 2021/22.

Está excluído desta obriga o alumnado beneficiario de axuda para adquirir libros de texto de 1º e 2º de EP, o alumnado de EE ou cunha discapacidade igual ou superior ao 65%, e o alumnado con necesidades específicas de apoio educativo, sempre que os libros ou o material adquirido non se poidan reutilizar.

A falta de devolución dos libros de texto, sexan do curso inmediato anterior ou de calquera outro, será causa de exclusión da participación no fondo solidario e das axudas para adquirir libros de texto e material escolar.

2. Conservar en bo estado os libros de texto e o material reutilizable recibido do fondo solidario ou adquirido coas axudas para libros de texto no curso escolar 2022/23 e devolvelos ao rematar este.

3. Destinar o importe do vale para libros a adquirir os libros de texto que indique o centro en que estea matriculado o alumnado.

4. Destinar o importe do vale para material a adquirir o material escolar que necesite.

 

O prazo para presentar solicitudes estará aberto ata o día 22 de xuño de 2022.

As solicitudes tramitaranse preferentemente a través da sede electrónica: https://sede.xunta.es co procedemento ED330B.  

Tamén poden presentarse en papel no propio centro,  utilizando os Anexos I e II. No caso de autorizar a consulta de datos no Anexo II, a única documentación que hai que presentar ca solicitude será o libro de familia.

 

Para facilitar a entrega das solicitudes o horario de atención ao público da administración amplíase quedando do seguinte xeito:

 

 

Durante o mes de maio:

 

  • -        Horario de mañá: de luns a venres de 9:00 a 14:00
  • -        Horario de tarde: martes, mércores e xoves de 14:30 a 16:30

 

Durante o mes de xuño (ata o mércores 22 que remata o prazo e tamén as clases):

 

  • -        Horario de mañá: de luns a venres de 9:00 a 15:00
  • -        Horario de tarde: martes 15:30 a 16:30

 


Modificacións relativas ao proceso de promoción e titulación para a súa adecuación á reforma lexislativa

A publicación da Orde do 25 de xaneiro de 2022 pola que se actualiza a normativa de avaliación nas ensinanzas de educación primaria, de educación secundaria obrigatoria e de bacharelato no sistema educativo de Galicia fixo necesaria a actualización da concreción curricular nos aspectos de promoción e titulación. Premendo no seguinte enlace poderedes acceder aos cambios no noso centro:

Modificacións relativas ao proceso de promoción e titulación

 

No seguinte enlace podedes acceder ao DOG de dita Orde:

https://www.edu.xunta.gal/portal/es/node/36157

UN ENTROIDO DE CONTO

Familias, velaquí o festival do noso Entroido.

Esperamos que disfrutedes moito das actuacións, aínda que somos conscientes de que non é o mesmo que vivilo no colexio connosco.

Oxalá pronto poidamos gozar dos festivais xuntos.

Para rematar, a nosa adaptación da canción " Terra" das Tanxugueiras.

A Terra do Xestal: queixas ao Entroido.

 

Vémonos á volta das vacacións...gozade do Entroido.

ESPECIAL RADIOFÓNICO: ENTREVISTA CO PRESIDENTE DA XUNTA DE GALICIA

  O alumnado de 6º de educación primaria, alentado pola súa titora Cristina Lage, tras varias sesións de traballo vinculado á participación no programa "Semana do Parlamento na Escola", acadou o seu obxectivo: entrevistar en persoa ao Presidente da Xunta de Galicia, Alberto Núñez Feijóo. Esta entrevista radiofónica tivo lugar o venres 4 de febreiro de 2022, e está enmarcada dentro do proxecto de radio escolar "Radio Xesteira". 

    Tomando como punto de partida a importancia das nosas institucións e, en concreto, sobre o importante papel do Parlamento,  saíron varias cuestións de relevancia, contestadas con cercanía e con familiaridade por parte do noso Presidente.

      Así, Núñez Feijóo destacou a importancia e a impronta do mundo rural,  destacando que “o rural é unha escola por si mesmo, unha escola de aprendizaxe permanente“ por e para a vida. Ademais destacou que nel se conxugan os valores e a cultura do esforzo e da superación. 
 
    Tamén deu o seu respaldo á escola rural, ao entender que a mesma esta apegada ao medio, ofrecendo múltiples posibilidades de futuro ao seu alumnado, sendo unha escola pública cercana, emocional e de calidade.
 
    Despois da entrevista Núñez Feijóo percorreu distintos espazos do centro e tivo oprtunidade de coñecer os proxectos nos que participa o noso centro.
 
 

Festival de Nadal

 

Un ano máis chegan as festas do Nadal e como sempre, preparamos moitas sorpresas.

Este ano tivemos a ilusión de poder xuntarnos o profesorado e alumnado de EI e EP para celebrar esta festividade con moita música, baile e diversión. Esperamos que para o próximo ano poidamos reunirnos tamén coas familias e gozar destes marabillosos momentos.
 
Dende o CPI Plurilingüe Virxe da Cela, desexámosvos que teñades unhas felices festas e un próspero ano novo.
 
Ata pronto!!!
 

Felicitación de Nadal

 Os rapaces e rapazas de 4º de ESO vos desexan, en nome do CPI Plurilingüe Virxe da Cela, unhas Felices Festas e un mellor Aninovo.

Distribuir contido


by Dr. Radut