Un curso moi intenso no que xogamos, coñecimos novos amigos e amigas, experimentamos, manipulamos, medramos… un montón de cousas!!!!
Hoxe tivemos a festa de fin de curso na que puidemos bailar, pintar, xogar ao Twister, fixemos xogos deportivos, pintámonos…
Gozamos moitísimo deste día!!
Tamén tivemos a graduación dos nosos compañeiros/as de 6º de infantil.
Para o ano comezades unha nova etapa en primaria, en infantil formáchedes uns lazos irrompibles que vos acompañarán ao longo da vosa etapa escolar, agora tócavos cambiar de etapa pero xamais esquezades todo o que xogamos e aprendimos en infantil medrando xuntos e xuntas.
Sempre teredes a porta aberta para volver a xogar con nós :)
MOITÍSIMA SORTE CHICOS/AS!!
Ademais, tócanos despedir a unha mestra moi especial e unha compañeira inmellorable, a profe Genma!
Marchas a outro cole onde seguro que te esperan novas aventuras e novos peques estupendos que terán moita sorte de contar contigo pero non esquezas que aquí tes sempre un lugar ao que volver visitarnos cando queiras, moitísimas grazas polo teu traballo e cariño, os peques e as túas compañeiras ímoste extrañar moito.
MOITA SORTE GENMA!!
Agora toca descansar e coller forzas durante o verán para volver coas pilas ben cargadas o próximo curso. Debemos xogar, ir á praia, á piscina, bailar e desfrutar en familia :)
Moitas grazas, familias, pola vosa participación e cariño durante todo o curso.
No cole estamos aproveitando ao máximo estes últimos días do curso.
Xa queda pouquiño para despedir outro curso escolar.
Pero non sen antes, experimentar con novas sensacións e materiais.
Esta semana tivemos a oportunidade de ter no cole a Susa Herrera, cantautora, que nos ofreceu unha actuación musical moi rítmica con temática de animais.
Pasamos un rato moi agradable con ela, foi un fracer recibila no noso cole.
Rematadas co proxecto Donas de sí, cun contacontos sobre unha das mulleres que dá nome a unha das aulas do cole; Ángeles Alvariño. Ademais, tivemos a oportunidade de facer un retrato dela con axuda dunha ilustradora de contos.
Quedaron chulísimos!!
E xa o venres, experimentamos coa luz negra e tivemos unha sesión con xogos de auga.
O profe Dani trouxo unha proposta de luz negra cun montón de materiais fluorescente: plastilina, ceras, pintura, maquillaxe, gafas, pulseiras...
Dende aquí, queremos agradecer de novo a Dani polas propostas tan chulas que nos trae sempre. Moitísimas gracias Dani!!!
Logo desta sesión, grazas á profe Ruth, puidemos desfrutar dos xogos de auga.
Co alumnado de 1º EP divertímonos un montón.
Mil gracias por contar con nós, Ruth.
E pouco máis podemos contar, é mellor que o vexades.
Estades preparados/as para a festa de fin de curso?
Aquí estamos outro día máis para falarvos da excursión de fin de curso :)
Hoxe visitamos Marcelle!!
Alí puidemos ver todos os animais que rescatan en colaboración con diferentes asociacións: animais que proceden de laboratorios, circos, animais exóticos…
No mes de maio, no ambiente simbólico e constructivo, contamos con diferentes espazos nos que deixamos voar a nosa imaxinación para probar, explorar e experimentar.
Por un lado, tivemos a oportunidade de experimentar con tuberías, manguitos, cables, bridas… de diferentes tamaños, formas e cores, o que nos levou a facer grandes percorridos e construccións con todos eles: descubrimos a viaxe do son dende un extremo ao outro da tubería para comunicarnos, tamén funcionaban como medio de transporte de pequenos obxectos, circuitos que atravesar…todo un abanico de posibilidades que foi posible grazas a súa creatividade!
Para construir tamén dispuxemos de tablas de madeira e varios puntos de apoio cos que levantar torres e cidades.
Na tuff-tray puidemos empregar as pezas soltas para desenvolver o equilibrio e a motricidade fina sobre cintas de distintas cores.
En canto ao simbólico, xogamos coas monecas e os seus accesorios, así como no espazo do supermercado e a cociña.
No ambiente artístico e sensorial durante este mes centrámonos no traballo da primavera e da libre creación e expresión artística.
Puidemos crear o noso propio mural vertical e horizontal tanto con témpera como con ceras brandas. Ademáis, coas acuarelas creamos os nosos cuadros debuxando flores e cores primaverais e coas pezas soltas decoramos libremente bolboretas, flores e todo o que se nos ocurriu.
Na mesa sensorial experimentamos con Maizena e auga, parecía unha masa branda pero que cando golpeas vólvese dura e parece sólida!!
Tamén xogamos coas cores primarias e estivemos experimentando coas mesturas, saíron moitas cores preciosas!!
No ambiente de luces e sombras contamos con materiais e propostas xa coñecidas polos nenos/as como o retroproxector, o tipi, a cabana pequeniña, as mesas de luz…aos cales puideron dar diferentes usos empregando materias novidosos.
Na mesa de luz contaron cos dinosaurios e diferentes “fósiles” dos mesmos, nas cabanas atoparon coxíns e lámpadas novas coas que crear historias fantásticas, e no retroproxector dispoñían de novos materiais como cordóns, teas, fios…cos que experimentar de xeito creativo. Sen dúbida non tivemos tempo a aburrirnos!
No ambiente de lecto, mates e ciencia tivemos un montón de propostas.
Na parte de mates había diferentes materiais para facer conteo e agrupacións, ben en bolsas ou en botes, logo para asignar obxectos coa grafía correspondente e finalmente empregamos o tangram para traballar a orientación espacial.
Na parte de lecto tivemos oportunidade de traballar coa ruleta e a pizarra blanca, ao azar saían letras que tíñamos que grafiar ou ben inventar palabras que comezaran por ela. Aquí, cada un de nós facía algo distinto : nomes de nenos e nenas do cole, grafías de letras, debuxos… Tamén puidemos traballar con palabras dadas para buscar imaxes. Nesta última parte había variacións: colocar as palabras que comezaban igual, buscar as imaxes que tiñan obxectos nas que a primeira letra soaba igual...
Na mesa de experimentación tiñamos materiais que pesaban máis como as pedriñas e outros que pesaban menos, os corchos. Observamos e experimentamos cales eran os que flotaban en diferentes recipientes : vasiños pequenos, na bandexa grande, dentro do tubo de ensaio… o que levaba a ter que encher e vaciar varios recipientes con axuda das xiringuillas Ademais, tivemos oportunidade de observar coas lupas e os vasos de observación a insectos que trouxemos do patio.
Ímosvos contar o que fixemos este mes nos ambientes que tanto nos gustan!
No ambiente simbólico e constructivo tivemos diferentes propostas de xogo que xa coñecemos no noso rincón simbólico como a casita, animais, coches, cociña… e a maiores démoslle a benvida á primaveira.
Contamos cun minimundo con insectos e cores primaverais, outro minimundo con dinosaurios de todo tipo e tamén xogamos con diferentes pezas de construción como pedras apilables e rollos de cartón de diferentes tamaños.
No ambiente artístico e sensorial contamos con diversas propostas coas que os nenos/as deixaron voar a súa imaxinación.
Na mesa sensorial dispuxeron de alimentos moi coñecidos por eles como sopa, lentellas e arroz, os cales puideron explorar en todas as súas dimensións empregando utensilios como coladores, embudos, botes de distintos materiais, culleres…
Tamén tiveron a oportunidade de realizar obras de arte en “3D” empregando plastilina e paus de distintos tamaños, así como, sal e azucre para colorear con tizas e traballar a mezcla de cores .
Dispuxeron tamén dun espazo para pintar sobre distintos materiais, como papel continuo, cartón rugoso… empregando distintas técnicas, utensilios e materiais como témpera líquida e témpera sólida, pincéis, as propias mans… Sen esquecernos, por suposto, dos debuxos que realizaron con tiza e carboncillo cos que puideron traballar as distintas perspectivas dos obxectos entre outros moitos aspectos.
Por outra banda, no ambiente de lecto, mates e ciencia dispuxemos varios recunchos con diferentes actividades.
No primeiro deles contamos cun microscopio co que poder observar elementos naturais (cunchas, flores, pedras…), podemos facer mesturas con especias empregando as pipetas, pinzas embudes e, tamén, temos unha balanza. De todo isto, podemos rexistrar o resultado no papel ben empregando a escritura ou mediante o debuxo.
Noutro temos xogos de conciencia fonolóxica e para formar as palabras que máis nos gusten. Na mesa de luz podemos facer construcións con pezas de distintas formas xeométricas; e, no último recuncho, unha actividade de emparellar os insectos iguais, o Tangram e a de realizar series con depresores de distintas cores.
Por último, no ambiente de luces e sombras empregamos mesas de luces para dúas bandexas sensoriais, unha de auga e outra de area.
Co retroproxector puidemos experimentar con distintos materiais para siluetear, crear, repasar… había un montón de posibilidades.
Así como, creamos covas con construccións colgantes e cidades de cores.
Ola familias, de novo polo blogue para contarvos a última visita a nosa escola, recibimos a Alba, unha contacontos espectacular.
O conto chámase " Esta é a miña flor" e versa sobre un esquío que coñece o bosque na estación da primavera. Parece que os cambios son tan grandes que o conto se cubre de maxia.
Esa maxia fixo que puideramos visitar fadas, plantar sementes, empregar variñas máxicas que nós mesmos elaboramos, corremos en busca de flores...foi moi divertido.
Sempre é un bo momento para ler un conto e máis se é tan especial como este.
Velaquí algunhas fotos da visita de Alba
Un pracer compartir a maxia dos contos todos xuntos.
O pasado xoves, xusto antes de comezar as vacacións de Semana Santa, recibimos no colexio a tres estudantes do Grao de Educación Infantil da USC: Paula, Sara e María.
Fixemos varias actividades para traballar a Educación Emocional e a Lingua, aínda que pode resultar complexo, a experiencia foi moi boa.
Comezamos co grupo de 5 anos cos que desenvolveron actividades derivadas dun conto " Pequeno azul e pequeno amarelo" así como unha proposta de maxia, non vos podedes imaxinar as cousas que saíron tan só cun pano vermello.
Cos grupos de 3 e 4 anos programaron unha sesión de relaxación moi amena que chamaron " E se...". Aínda que, tamén puideron escoitar o conto, non podían quedar sen coñecelo.
Toca inventar, que podemos facer cun círculo? pois... un montón de cousas. Tedes algo en mente ?
E para rematar o día, un conto. Co que nos gustan a nós os contos!!
Neste caso un conto musical " O gaiteiro e o lobo"; foi todo un éxito.
De volta despois desta pequena ponte querémosvos amosar a nosa saída ao cine.
Pasámolo xenial, para repetir sen dúbida!!
A película que vimos foi "Violeta e a fada traviesa", seguro que os nenos e nenas xa vos contaron algo da historia de Violeta...
Para algúns era a primeira vez nunha sala de cine e cremos que superamos as expectativas que tiñan e para outros, unha alegría volver a gozar da cultura do cine.
Velaquí algunhas fotos dos momentos anteriores ao comezo da peli.
.jpg)
