Moi boas familias!
Polo cole estamos esperando con estusiasmo as vacacións de Semana Santa e que mellor maneira que cun taller de cociña.
Desta vez tocou facer unhas tortitas ben deliciosas. Por suposto, démoslle o noso toque especial. Non podía ser doutra meneira. Pasámolo en grande cociñando, cansamos un pouquiño de batir, xa que non queríamos que nos quedaran grumos...pero parece que todo saiu a pedir de boca. E nunca mellor dito jjajja Se queredes a receita...botade unha ollada ao vídeo.
Dádelle ao PLAY.
Aínda que, non só cociñamos esta semana...estivemos na aula de ferraganchos co programa de radio do colexio.
Para nós é a primeira experiencia ante os micrófonos pero non o fixemos nada mal. Grazas a DANI, o noso profe de radio, que nos ensinou todos os segredos de produción. Dende os efectos de son ata os "truquiños" para que se nos escoite alto e claro.
Velaquí estamos nas sesións de gravación.
En breves, poderedes escoitar as historias tan divertidas que montamos. Pero, teredes que agardar uns días máis.
Felices vacacións a todos e todas, vémonos á volta.
Un bico moi forte para todos