Informamos de que no DOG do 20 de maio aparece publicada a ORDE do 3 de maio de 2019 pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación primaria e educación secundaria obrigatoria para o curso escolar 2019/20.
De novo hai tres tipos de axuda:
a) Axudas para a adquisición de libros de texto (cheque, similar a cursos anteriores):
- Cursos nos que se solicita: 1°, 2° de Educación Primaria.
b) Fondo solidario de libros de texto (préstamo de libros):
- Cursos nos que se solicita: 3° e 4º de Educación Primaria e 3º e 4° de ESO.
c) Axuda de material (Cheque de 50€ para material escolar)
- Cursos nos que se solicita: Todos os de Educación Primaria e da ESO.
O alumnado de 5º, 6º de EP, e 1º e 2º ESO, participa no proxecto E-DIXGAL no curso 19-20, polo que queda excluído da participación no fondo solidario de libros de texto e das axudas para adquirir libros de texto. Pero si poderán solicitar a axuda para adquirir material escolar cando reúna os requisitos establecidos na orde.
Ao igual que no curso pasado presentarase unha única solicitude para libros (fondo ou axuda) e material. Así mesmo haberá unha única solicitude por familia (incluirá a todos os irmáns matriculados no mesmo centro).
PRAZO DE PRESENTACIÓN DE SOLICITUDES:
Do 21 de maio ao 21 de xuño de 2019
Este é o único prazo para todo o alumnado, non se pode solicitar en setembro nin ca matrícula.
Para máis información pódese consultar no portal da Xunta: http://www.edu.xunta.gal/portal/fondolibros
Xa se pode recoller na secretaría do centro o impreso da solicitude ou pódese descargar aquí: Descargar Solicitude.
Tamén é posible facer a solicitude na aplicación Fondolibros, onde se cubrirán os datos, e despois de gardalos xenerarase un nº de solicitude que permitirá imprimir a solicitude (anexos I e II) que deberán presentar no centro ou na Sede Electrónica da Xunta de Galicia.
Prazos das axudas e do Fondolibros:
