O venres 19 de maio, e no marco do Plan Proxecta de PVAD (Programas de Vida Activa e Deportiva), realizouse unha saída en bici co alumnado de 4º da ESO pola Vía Verde de Compostela - Tambre - Lengüelle, que segue o antigo trazado de ferrocarril que ía de A Coruña a Santiago de Compostela. Despois de saír do centro e desprazarnos ata Arcai de Abaixo e cruzar o embalse de Vilagudín, comezamos a transitar pola vía verde, chegando ata a estación de Oroso (Trasmonte), onde repoñemos forzas para despois emprender o camiño de regreso. Unha xornada de case 40 quilómetros que resultou dura á vez que gratificante.
(Acceso a algunhas fotos e vídeos da xornada premendo na imaxe inferior)
