Radio Mende

Hoxe, día 11 de febreiro, como Homenaxe a Muller e a Nena na Ciencia o Equipo de Radio Mende realizou un pequeno podcast, en colaboración co alumnado de 5º de E.Primaria e 1º de E. Primaria.

Para escoitar premer no documento adxunto

Nos últimos días do 1º trimestre dúas alumnas de 6º de E. Primaria, Eva Ucha e Nerea García, estiveron investigando sobre a mascota da Biblioteca, e para resolver o enigma decidiron entrevistar á coordinadora da Biblioteca, Clara Martín. 

Esta entrevista foi emitida este martes en Radio Mende. E por se alguén non puido escoitala ou quere repetir queda no seguinte arquivo.

Haberá máis sorpresas dende Radio Mende, a Biblioteca e o retorno da súa mascota, Trosky.

O alumnado de 4º de E.Primaria xunto coa súa titora, Charo, en colaboración co Equipo de Radio Mende, participou no Concurso convocado polo xornal La Región, "Por que cres que a Ribeira Sacra debe ser Parimonio da Humanidade?" , no formato de Podcast.

Xunto coa súa titora prepararon o texto que logo se gravou na Biblioteca co equipo de Radio Mende, a música que acompaña o texto é un anaquiño do videoclip  "Queixume dos Pinos na Ribeira Sacra", no que tamén participara a titora no seu día de gravación.

O Podcast foi enviado e cargado na plataforma que o xornal La Región ten para tal fin Eloquenze.com, así que dende aquí invitamos a toda a comunidade educativa que escoiten e voten este fermoso Podcast do alumnado de 4º de E. Primaria. 

Lembrar que para poder efectuar a votación primeiro hai que rexistrarse en dita plataforma, da un chisquiño de traballo mais o alumnado mereceo. Só se precisa engadir un correo, crear un contrasinal, e logo, moi importante, hai que entrar no correo para activar o rexistro e poder votar volvendo á plataforma.

Premendo no subliñado xa se accede tanto as bases do concurso coma á plataforma.

O dito, un pequeno esforzo para este grupo do alumnado, ata o día 15 poden votar, ánimo!!. MOITAS GRAZAS!!

Co gallo da celebración da festa do Samaín chega a 2ª emisión de Radio Mende, a cargo do alumnado de 4º de E. primaria. 

Premendo no documento adxunto pódese escoitar. 

Hoxe o alumnado de 6º de E.Primaria viaxou a Santiago para recoller o premio finalista pola participación no III Certame Radiofónico que organiza o IES Rosalía de Castro e Arrianos Producións coa colaboraciónda Secretaría Xeral de Política Lingüística e o apoio do colectivo Ponte nas Ondas, conta tamén coa colaboración da Escola Superior de Arte e Deseño Mestre Mateo (cuxo alumnado crea as pezas únicas que reciben os/as finalistas), a Fundación Rosalía de Castro, Oral de Galicia, Radio Galicia - Cadena Ser, o Museo do Pobo Galgeo, a Real Academia Galega e o Parlamento de Galicia.

Ademais aproveitaron a viaxe para pasear un chisco pola cidade de Santiago e sobre todo coñecer a súa parte máis antiga.