|
|
Ao igual que o COVID o machismo é unha pandemia mundial, pero máis antiga. O feminismo busca de xeito incansable unha "vacina eficiente", a través da coeducación que forma en valores igualitarios, rompendo cos valores tradicionais machistas. O que necesitamos é que a sociedade loite pacíficamente e sen descanso a igualdade real de xénero, libre de violencias machistas.
Dende Donas de sí, quixemos conmemorar o Día da muller cunha marcha ata ó centro da vila. No seguinte enlace podedes ver algunhas fotografías da actividade.
https://photos.app.goo.gl/5Naz9JxaqRoZzQye9
As fotos do Entroido 2020 están cargadas no seguinte enlace:
Celebramos o Día Escolar da non Violencia e da Paz traballando co libro “Sadako y las mil grullas de papel” de Eleanor Coerr.
Conta a historia que unha moza chamada Sadako Sasaki estaba moi enferma debido á exposición á radiación dunha bomba atómica en Hiroshima. Mentres estaba no hospital, o seu amigo Chizuko aconselloulle que fixese grúas de papel, pois unha antiga lenda xaponesa promete que aquela persoa que faga mil grúas de papel, podería pedir un desexo. Por suposto, Sadako, desexaba curarse da enfermidade que a afectaba, pero tamén quería que acabase a guerra.
Así pois, o alumnado de Infantil e Primaria púxose mans á obra para neste 30 de xaneiro pedir un mundo mellor no que vivir en paz e sen violencia.
Hoxe visitounos a escritora Sara Aramburu, para presentarnos o seu libro, e a falarnos de "Darío".
“Darío” é un libro solidario inspirado no sobriño de Sara, con síndrome de Sturge Weber. A obra pretende recoller fondos para a Asociación Española Síndorme de Sturge e así financiar a investigación destes tipos de enfermidades denominadas "raras".
Pero este libro non só leva unha mensaxe sobre esta enfermidade, pretende chegar a todos aqueles que a sociedade fai sentir distintos por calquera motivo, e así llo explicou Sara o noso alumnado.
Que mañá máis bonita nos fixo pasar!
Mañá procederase ó intercambio de postais entre o alumnado do centro. Dende o luns 16 levan expostas tanto no edificio de infantil e primaria, como no de secundaria.
Apurade, vide velas!!
