A Dirección do CPI Conde de Fenosa, informa do procedemento para admisión do alumnado para o curso 2016-2017  

• PRAZO: do 1 ao 29 de marzo de 2016 en horario lectivo: 9:30h a 13:30h.
• LUGAR : Oficina Administrativa do centro.
• DOCUMENTACIÓN:
• Impreso de solicitude: Pódese obter no centro
• no arquivo adxunto aqui.
• na páxina da Consellería de Educación: http://www.edu.xunta.es/portal/node/14293 ;
• na sede electrónica da Xunta de Galicia: http://sede.xunta.es/portada;
• na Guía de Procedementos e Servizos da Administración da Comunidade Autónoma: http://www.xunta.es/portada
• Certificado ou volante  de empadroamento do Concello.
• Fotocopìas do libro de familia (todas as follas inscritas).
• Fotocopìas dos DNI (pai/nai/alumno/a se ten).
• Sentencia de separación ou divorcio (se é o caso).
• Xustificante das Necesidades Educativas Específicas (se é o caso).
• Certificado de matrícula do centro anterior (se é por traslado).

• INFORMACIÓN PARA CUBRIR O DOCUMENTO(anexo II)
• VACANTES CURSO 2016-2017
• Información do proceso de admisión

Reunido o Consello Escolar en sesión extraordinaria o día 15 de setembro de 2015, apróbase o listado de usuarios definitivo de comedor escolar para o curso 2015-2016.

Considerando que hai 30 alumnos/as  en reserva, decídese enviar a solicitude de incremento de prazas de comedor á Consellería de Cultura, Educación e Ordenación Universitaria ou tratar de buscar algunha solución a este problema.

• LISTADO DEFINITIVO DE USUARIOS PARA O CURSO 2015-2016 

O día de hoxe, 9 de setembro, reunido o Consello Escolar en sesión ordinaria aproba a seguinte lista provisional de usuarios de comedor escolar para o curso 2015-2016.

Ábrese un prazo de 5 días para presentar as reclamacións a este listado.

Este listado e moi diferente ao anterior debido ás reclamacións e por orde da Consellería de aplicar o Apartado 5 (Selección de usuarios) o Criterio 1 das Instrucións 1/2015 da Secretaría Xeral Técnica da Consellería de Cultura, Educación e Ordenación Universitaria do 1 de xuño sobre o funcionamento de comedores escolares" que dí: "Alumnado do curso anterior salvo que variase substancialmente o criterio polo que fose admitido".

• LISTADO PROVISIONAL

Apertura do curso 2016-2017

A Dirección do CPI As Mirandas da a benvida ao novo curso escolar a toda a comunidade educativa e informa do inicio de curso:

O ALUMNADO DE ESO QUE ESTEA PENDENTE DE MATRICULAR TEN O PRAZO ATA O 9 DE SETEMBRO.

HORARIO DE OFICINA: 9:30 A 13:30H 

O 1 de setembro saiu publicada a Orde do 25 de agosto de 2015, pola que se convocan axudas para a adquisición de material escolar destinadas ao alumnado de educación primaria, educación secundaria obrigatoria ou educación especial en centros sostidos con fondos públicos para o curso escolar 2015/16 (DOG do 1 de setembro).

A continuación presentamos un resume e o impreso de solicitude.

Toda a información completa podedes consultala no seguinte enlace:

INFORMACIÓN DA CONSELLERÍA

IMPRESO DAS AXUDAS

INSTRUCIÓNS

1. Convocatoria: Axudas para a adquisición de material escolar

A convocatoria de material escolar diríxese ao alumnado matriculado en calquera curso de educación primaria, educación secundaria obrigatoria e educación especial.

2. Requisitos para acollerse a esta convocatoria

a) Ser pai/nai/titor ou titora legal do alumnado matriculado nos cursos mencionados nun centro sostido con fondos públicos durante o curso escolar 2015/16.

b) Non estar incurso nas prohibicións para obter a condición de beneficiario, recollidas no artigo 10 da Lei 9/2007, do 13 de xuño, de subvencións de Galicia.

c) Ter unha renda per cápita familiar igual ou inferior a 5.400 euros.

3. Lugar e prazo de solicitude

Presentarase unha solicitude por cada alumno ou alumna matriculados. As solicitudes deberán presentarse en soporte papel, preferentemente no centro en que estea matriculado o alumno ou alumna, ou en calquera dos lugares e rexistros legalmemye establecidos, utilizando o formulario normalizado dispoñible na sede electrónica da Xunta de Galicia (https://sede.xunta.es).

Inicio do prazo: 02-09-2015Fin do prazo: 01-10-2015

4. Solicitudes e documentación.

Todas as solicitudes, deberán ir acompañadas pola documentación preceptiva. Presentarase orixinal e copia da documentación, co fin de que a persoa que a reciba poida verificar a autenticidade da copia.

A documentación que hai que achegar xunto á solicitude será a seguinte:

a) Copia do libro de familia onde figuren todos os membros computables da unidade familiar. Só no caso de non ter libro de familia ou se a situación familiar, no día 31 de decembro de 2013, non coincide coa reflectida no libro, terá que presentarse documentación acreditativa do número de membros, tales como:

1º. Sentenza xudicial de separación ou divorcio e/ou o convenio regulador onde conste a custodia.

2º. Certificado ou volante de convivencia.

3º. Informe dos servizos sociais do concello que acredite a situación familiar.

b) No caso de discapacidade igual ou superior ao 33 % dalgún membro da unidade familiar, incluído/a o/a alumno/a, deberá presentarse un dos seguintes documentos que acrediten esta circunstancia en 31 de decembro de 2013:

1º. Certificado emitido polo órgano competente.

2º. Resolución ou certificado emitido pola Seguridade Social de percepción de pensión de incapacidade permanente nos graos de total, absoluta ou grande invalidez, ou

3º. Documentación acreditativa da condición de pensionista de clases pasivas cunha pensión de xubilación ou retiro por incapacidade permanente para o servizo ou inutilidade.

c) No caso de situación de violencia de xénero no ámbito familiar: documentación acreditativa.

5. Contía da axuda.

50 € por alumno/a.

6. Determinación da unidade familiar.

1. Para os efectos previstos nesta orde, e con referencia á situación familiar en 31 de decembro de 2013, considérase que conforman a unidade familiar:

a) Os pais non separados legalmente e, se for o caso, o titor ou titora, ou a persoa encargada da garda e protección do menor.

b) Os fillos ou fillas menores de idade, con excepción dos/as emancipados/as.

c) Os fillos ou fillas maiores de idade con discapacidade física, psíquica ou sensorial ou incapacitados xudicialmente, suxeitos á patria potestade prorrogada ou rehabilitada.

d) Os fillos ou fillas solteiros menores de vinte e cinco anos e que convivan no domicilio familiar.

2. Cando non exista vínculo matrimonial, a unidade familiar entenderase constituída polo pai, a nai e todos os descendentes que convivan con eles, e que reúnan os requisitos. Esta situación deberá acreditarse documentalmente mediante o correspondente volante ou certificado de convivencia.

3. No caso de falecemento dalgún dos proxenitores que convivan co causante, acreditarase a circunstancia mediante un certificado de defunción.

4. Os casos de separación ou divorcio acreditaranse mediante sentenza xudicial ou convenio regulador onde conste a custodia do/a menor.

5. No caso de separación ou divorcio dos proxenitores con custodia compartida acreditada mediante sentenza xudicial, as rendas de ambos os proxenitores incluiranse dentro do cómputo da renda familiar.

6. En casos especiais en que a unidade familiar non estea conformada do xeito establecido no punto 1 , deberá achegarse volante ou certificado de convivencia en que figure o/a alumno/a para o cal se solicita a axuda e todos os familiares que convivan con el ou ela, ou certificado dos servizos sociais do concello.

7. Renda per cápita.

1. Enténdese por renda per cápita a renda familiar dividida entre o número de membros da unidade computables.

2. Para os efectos do cálculo da renda per cápita da unidade familiar, computaranse por dous os membros da familia, incluído/a o/a alumno/a, que figuren na solicitude e teñan recoñecida en 31 de decembro de 2013 unha discapacidade igual ou superior ao 33 %.

3. Nesta convocatoria, para os efectos de determinar a renda per cápita familiar, terase en conta a situación persoal e familiar en 31 de decembro de 2013 e o exercicio fiscal 2013.

4. A renda familiar obterase por agregación das rendas de cada un dos membros computables que obteñan ingresos de calquera natureza, de conformidade coa normativa reguladora do imposto sobre a renda das persoas físicas. Os membros da unidade familiar que presentasen declaración do imposto sobre a renda de 2013, sumarán os recadros 366 (base impoñible xeral) e 374 (base impoñible do aforro) da declaración. No caso de non presentar declaración, teranse en conta os ingresos netos de todos os membros computables da unidade familiar durante o exercicio 2013.

5. Coa sinatura da solicitude a persoa solicitante declara, baixo a súa responsabilidade, que reúne o requisito de ingresos da unidade familiar que fai constar, e queda sometido ao réxime de infraccións e sancións a que se refire a disposición adicional segunda desta orde.

Ademais, coa sinatura da solicitude a persoa solicitante declara baixo a súa responsabilidade que se encontra ao día no cumprimento das obrigacións tributarias e fronte á Seguridade Social e que non ten pendente de pagamento débeda ningunha coa Administración pública da Comunidade Autónoma

6. No caso de divorcio ou separación legal dos pais, non se considerará membro computable aquel que non conviva co causante. Non obstante, terá a consideración de membro computable o novo cónxuxe ou persoa unida por análoga relación, e as rendas incluiranse dentro do cómputo da renda familiar.

8. Adquisición do material escolar

Unha vez que a persoa solicitante estea en posesión do vale, poderá adquirir material escolar no correspondente establecemento, á súa libre escolla e polo importe máximo que figura no documento. As persoas beneficiarias do vale poderán usalo ata o día 31 de outubro de 2015 (este incluído).

A Dirección do CPI Conde de Fenosa, tralas reclamacións ao fondo solidario de libros, informa que a Conselleria enviou unhas novas instrucións coa concesión de 4 ou 6 libros de texto ás familias solicitantes con renda per cápita  menor de 9000 euros. Enviouse a información por carta ás familias que tiveron variación  na resolución definitiva publicitada abaixo. Na ESO publicaranse en setembro.

A Dirección do CPI Conde de Fenosa publica a Resolución Definitiva do Fondo solidario para 3º e 5º de Primaria, así coma a Resolución Provisional de 2º e 4º ESO, quedando a definitiva pendente para setembro.

• LISTADO DEFINITIVO DE FONDO SOLIDARIO PARA 3º E 5º DE PRIMARIA. (houbo modificacións posteriores)

• LISTADO EXCLUÍDOS FONDO SOLIDARIO 3º E 5º DE PRIMARIA

• LISTADO PROVISIONAL DE FONDO SOLIDARIO DE 2º E 4º ESO

AVISOS:

Na ESO houbo modificacións non contempladas no listado provisional, hai que esperar a setembro para  o listado definitivo.

MATRÍCULA DE ALUMNADO DE ESO PARA O CURSO 2016-2017 DO 6 AO 10 DE SETEMBRO.

A Dirección do PI Conde de Fenosa de Ares informa do seguinte:

• LIBROS DE TEXTO CURSO 2015-2016. Houbo un erro no nome dos libros de texto en 1º e 2º de Primaria, non nos ISBN, e no libro de Matemáticas de 3º ESO as orientadas houbo un erro no ISBN. Están corrixidos no enlace publicado abaixo así como nos seguintes enlaces. LIBROS E.P.; LIBROS DE ESO.

• MATRÍCULA ESO CURSO 2015-2016. Nos sobres de matrícula de alumnado da ESO incluiuse por erro un impreso para optar ás Seccións Bilingües respectivas que corresponde a Educación Primaria,  así como a falta dunha parte do impreso de matrícula. Polo tanto,  haberá que pedir os correspondentes documentos e cambialos na oficina administrativa.
  
•  

FIN DE CURSO 2014-2015

O día 18 de xuño a ANPA participará e porá a disposición do noso alumnado a contratación dunha empresa con monitores e atraccións (hinchables) na pista polideportiva e no patio de infantil durante toda a mañá.

O presente curso escolar remata o día 19 de xuño ás 13:30h. Non haberá comedor escolar.

• ENTREGA DE CUALIFICACIÓNS
• Educación Infantil e Primaria o día 19 de xuño.
• Educación Secundaria o día 23 de xuño (ás 10:30h.)

           Período de reclamacións:

• En Primaria. Ao final de ciclo/curso, ante a Dirección do centro, no prazo 5 días, tal como se recolle na Orde do 22 de xullo de 1997 da Consellería de Educación (D.O.G. 02/09/1997).
• Na ESO, ao final de curso ante a Xefatura de Estudos no prazo de 2 días lectivos tal como se recolle na Orde do 28 de agosto de 1995 do Ministerio de Educación (B.O.E. 20/09/95).

 MATRÍCULA PARA O CURSO 2015-2016

    O horario de oficina administrativa será de 9:30 a 13:30h.

• LIBROS DE TEXTO

         Para o vindeiro curso escolar publicáronse dous tipos de convocatorias para axudar á consecución dos libros de texto por parte do alumnado galego.

         Toda a información no arquivo adxunto e neste  enlace 

• LIBROS DE TEXO DE INFANTIL
• LIBROS DE TEXTO DE PRIMARIA
• LIBROS DE TEXTO DE SECUNDARIA

• SERVIZOS COMPLEMENTARIOS:
• As solicitudes de servizo de transporte e/ou comedor escolar realizaranse antes do 10 de xullo independentemente da matrícula, no impreso e documentación que ten  a disposición no seguinte enlace.
• IMPRESO DE SOLICITUDE DE TRANSPORTE E COMEDOR 

A Consellería de Cultura, Educación e Ordenación Universitaria publicou no DOG do día 1 de xuño  as seguintes Ordes:

• Regula as axudas para adquisición de libros de texto para o alumnado de 1º, 2º, 4º e 6º de Primaria e 1º e 3º ESO.

• Regula o fondo solidario de libros de texto do alumnado que cursará 3º e 5º de Primaria e 2º e 4º ESO.

 Enviaron aos centros:

• Instrucións que regulan as Axudas de libros de texto e o Fondo Solidario.

•  Calendario de aplicación.

Listado de admisión de alumnado para o vindeiro curso escolar 2015-2016

Todo o alumnado que solicitou praza neste centro foi admitido e o listado foi  aprobado no Consello Escolar do pasado día 25 de marzo de 2015.

 O listado de admitidos é o seguinte:

    Listado de admitidos curso2015-2016

A Dirección pon en coñecemento a apertura de reserva de praza  e período de amisión de alumnado para o curso escolar 2015-2016.

O prazo de admisión remata o día 23 de marzo. (o día 20 de marzo é festivo)

 Inicio do procedemento de admisión de alumnado en centros docentes sostidos con fondos públicos para o curso 2015/2016

Tamén podedes consultar a información resumida do noso centro, nose seguintes enlaces:

• Solicitudes de Admisión
• Proceso de admisión
• Anexo II (galego)(Impreso de solicitude editable en galego).