O CPI As Mirandas, a través da proposta da profesora de L. Inglesa, apostou por solicitar o Programa Spring

Week ofertado pola  Consellería de Cultura e Educación que consiste consiste nun curso de inmersión

lingüística en lingua inglesa durante o cal o alumnado practicará e mellorará o seu dominio do idioma

dende un enfoque comunicativo, especialmente oral.

O Programa é de 6 días de duración, entrada o domingo (30 de abril) pola tarde ás 16:30h e saída o

sábado (6 de maio) pola mañá ás 11:00h para o alumnado de 3º ESO B.

O inglés será a única lingua vehicular que se empregará co alumnado, do mesmo xeito, todas as sinalizacións,

así como a información sobre os menús diarios ou calquera outra información relativa ao funcionamento do

programa, farase en inglés.

A diario realizarán distintos tipos de actividades:

• Actividades de preparación: recollida preliminar de información e datos sobre o tema do día.

• Actividades prácticas sobre o tema do día a través de obradoiros que poderán realizarse ao longo da estadía

• Actividades de posta en común.

• Período de xogos, deporte, etc, en grupo, en lingua inglesa.

• Elaboración dun produto final colectivo. O programa finaliza cunha produción oral colectiva en lingua inglesa

do grupo asistente. Esta produción pode servir para expoñela a outros cursos do colexio ao seu regreso.

• Non se impartirán clases formais de gramática inglesa, se ben algunha ou algunhas actividades que se

programen diariamente servirán de soporte para traballar nas aulas vocabulario e outras estruturas necesarias

para a expresión oral.

• Durante toda a estadía e con posterioridade á cea, organizaranse actividades de velada dinámicas e en

lingua inglesa, nas que participará todo o grupo.

Este programa é totalmente gratuíto para o alumnado.

O horario de comunicación do alumnado coas familias, será das 20:00 a 21:00 h.

Máis información nos dous arquivos anexos, e no seguinte enlace:

• Peares centro de inmersión lingüística (centropeares.es)
• SpringWeek Instruccións