PROTOCOLO FUNCIONAMENTO COMEDOR ESCOLAR

O día 9 de setembro na reunión ordinaria do C.E. consideramos que, debido ao poco tempo(1h) e a separación que ten que gardar o alumnado da ESO,

hai que reorganizar a listaxe provisional  da seguinte forma:

O alumnado usuario de comedor escolar será incorporado ao centro baseándonos nos criterios establecidos na lexislación vixente, considerando a situación

excepcional deste novo curso, vai priorizar o seguinte:

• O alumnado de Infantil e Primaria, ao ser grupos estables de convivencia, se incorporarán seguindo os criterios de preferencia establecidos na lexislación vixente:

  • Alumnado usuario do curso anterior

  • Alumnado usuario de transporte escolar

  • Alumnado nunha situación máis vulnerable ou con discapacidade.

  • Alumnado de Familia Numerosa

  • Alumnado con situación familiar de incompatibilidade horaria

Ao non poder incorporarse todo o alumnado solicitante e, no caso de empate na mesma situación, tívose en conta os seguintes criterios:

• Formar parte da mesma unidade familiar.

• Por nivel de renda familiar.

• Por discapacidade dalgún familiar.

• Pola letra do primeiro e segundo apelido segundo a  establecida pola Administración .
  

No caso de incompatibilidade horaria considérase que por circunstancias de autonomía persoal o alumnado de Infantil , primaria e 1º e 2º ESO terá

preferencia ao de 3º e 4º ESO, por esa orde.

• No caso do alumnado da ESO entran pola orde anterior pero como  teñen que manter a distancia interpersoal de 1,5m e, debido á capacidade do

Comedor, reducirase o nº de usuarios polo que no presente curso académico soamente pode incorporarse o alumnado ata os 40 que é a capacidade máxima do comedor.

A listaxe definitiva  é de 151 alumnos: 111 de EI e EP e 40 de ESO

• Unha vez analizadas, as solicitude de baixa de usuarios, por diferentes motivos, publícase a listaxe definitiva (Anexo II) e quedan fóra desa listaxe 55 alumnos que son:
• 25 de EI e EP que non alegaron nada na solicitude e que son de nova incorporación . Destes hai 13 que xa foron usuarios do curso anterior

            pero porque había prazas libres outros anos e 12 que o solicitaron este curso.

• 30 de ESO  dos apartados 4 (incompatibilidade horaria) e 5 (outro alumnado que entrou nos cursos anteriores por non haber prazas vacantes) por non ter máis espazo , nin tempo dispoñible.

Prezadas familias e alumnado, BENVIDOS ao novo e incerto curso escolar!

Ante a situación que estamos a vivir no Concello, por precaución e pensando na seguridade de todos, vémonos obrigados a suspender as reunións que tiñamos previstas.

     Desde esta páxina web iremosvos informando de posibles cambios nos días de comezo de curso escolar.

Estamos traballando co Protocolo de adaptación á situación COVID-19, novas normas de funcionamento, que esperemos podelo presentar a partir do 8 de setembro. O noso obxectivo principal é garantir o benestar de toda a Comunidade Educativa. Queremos transmitirvos CONFIANZA nas novas normas establecidas. Recibiredes toda a información cada día, e contestaremos ás vosas dúbidas a través dos medios que temos: teléfono, correo electrónico e espazo abalar.      Por favor tedes toda a información no enlace seguinte,  ide picando nos enlaces de cada páxina de cada Plan para ver todos os documentos informativos.

• PRESENTACIÓN DO PLAN DE ACOLLIDA NO CPI AS MIRANDAS 
• Se non podedes visualizar a presentación anterior podedes picar na seguinte imaxe  que marca as entradas no centro:

  Agradecemos a comprensión de todos. Moito ánimo e moita saúde!

É preciso que as familias realicen a enquisa de autoavaliación do alumnado e o documento de cómo proceder facendo click nas seguintes imaxes cada día antes de vir ao cole:

AVISO IMPORTANTE: 

Debido ás modificacións por parte da Consellería o inicio do curso na ESO se retras unha semana polo tanto as novas datas das presentacións serán:

• 1º ESO e 2º de ESO, o día 23 de setembro
• 3º ESO o día 24 de setembro
• 4º ESO o día 25 de setembro

A partir do 28 de setembro podemos considerar o  inicio do curso escolar para todo o alumnado do CPI As Mirandas.

 Unha aperta e saúdos virtuais,

O equipo directivo

O 22 de xullo saiu publicado o Protocolo a empregar nos centros educativos a partir de setembro para o curso 2020-2021. 

• PROTOCOLO COVID-19

Precioso e gran traballo realizado polo alumnado do centro e  grazas a colaboración das familias e profesorado que fixeron este traballo que formará parte da historia de Ares.

Este traballo forma parte do Proxecto Erasmus+, proxecto europeo coordinado por Fifí e coa participación dos seguintes países europeos: Italia, Grecia, Rumanía, Polonia e Turquía.

Máis informacion no blog de Erasmus +

MATRÍCULA PARA O CURSO 2020-21

AVISO IMPORTANTE:

O horario da oficina administrativa para atención ao público no mes de xullo será de 10:00 ás 13:30h.

INFANTIL E PRIMARIA:

• PRAZO: Do 01 ao 10 de xullo, só para o alumnado de nova incorporación ao centro (o resto matricularase automaticamente).
• O día preferente é o xoves, día 2 de xullo.
• DOCUMENTACIÓN: Sobre de matrícula a recoller no centro, a partir do día 22. 

SECUNDARIA:

• PRAZO: Do 01 ao 10 de xullo (os/as que superen todas as materias ou promocionen ou titulen en xuño)e do 1 ao 10 de setembro (os/as que realicen a avaliación extraordinaria de setembro).

• Os días preferentes son:

       Mércores 1 de xullo:   4º de ESO

      Venres, 3 de xullo:      3º de ESO

      Luns. 6 de xullo:         2º de ESO

      Martes 7 de xullo:       1º de ESO

AVISO ÁS FAMILIAS E ALUMNADO DE ESO:  Debido á situación do estado de alarma vivida co COVID a Consellería de Educación conxelou o procedemento de apertura de novas seccións bilingües, polo que no vindeiro curso académico non podemos ofertar as que tiñamos pensado e informado ( novas en matemáticas  e música), Soamente ofertaranse as que xa temos aprobadas: Plástica en 5º EP e Música en 1º e 3º de ESO.

• DOCUMENTACIÓN:

1. Sobre de matrícula con todo cuberto e asinado (Recoller no centro a partir do 22).
2. Unha fotografía tamaño carné co nome e apelidos do alumno/a escritos por detrás.
3. Para 3º e 4º da E.S.O. copia do ingreso na conta 2080-0211-61-3040003372de Abanca do importe do Seguro escolar (1,12 euros)
4. Fotocopia do DNI.

SERVIZOS COMPLEMENTARIOS:

A utilización dos servizos complementarios de transporte e/ou comedor requirirá dunha solicitude específica (a disposición no centro ou na web do mesmo), que se entregará cuberta entre o 01 e o de 10 de xullo, para todos/as independentemente de cando se faga a matrícula.

IMPRESO PARA A SOLICITUDE DE SERVICIOS COMPLEMENTARIOS

VARIACIÓN DE DATOS:

            Se algunha persoa quere cambiar de Relixión a Valores Cívicos e Sociais, ou viveversa, ten que cubrir o impreso que a tal efecto se proporcionará nas oficinas do centro.

            Tamén se houbo variación nos datos persoais (dirección, teléfono situación familiar, enfermidades, etc.), teñen a obriga de comunicalo, cubrindo o impreso correspondente.

LIBROS DE TEXTO E MATERIAL para o curso 2020-2021

 Nos seguintes enlaces podedes descaragar o listado de libros de texto e o material para o vindeiro curso académico :

• LISTADO DE LIBROS DE TEXTO (modificado o 22 de xuño por incorporación dun novo libro en 4º de ESO)

• MATERIAL ESCOLAR 1º E 2º EP
• MATERIAL ESCOLAR 3º E 4º EP
• MATERIAL ESCOLAR 5º E 6º EP

4RR454ND0 C045  M473M471C45  N0 CP1 45 M1R4ND45

(ARRASANDO COAS MATEMÁTICAS NO CPI AS MIRANDAS)

V 3D1C10N D3 M473M471C45 N4 R414

(V EDICIÓN DE MATEMÁTICAS NA RAIA)

AGAPEMA (Asociación Galega do Profesorado de Educación Matemática) e a APM (Asociación do Profesorado de Matemáticas de Portugal) convocaron a quinta edición de “Matemáticas na Raia”, un concurso de resolución de problemas dirixido ao alumnado de 3º da ESO (9º ano en Portugal) no que o noso alumnado de Matemáticas Académicas de 3º participou o 5 de marzo. Trátase dun concurso que fomenta o traballo colaborativo, pois os grupos equipos son grupos-clase completos.

O noso alumnado de 3º estivo preparándose con varios simulacros e puxeron moita ilusión e miolos para resolver os cinco problemas cós que a organización os retou.  Este grupo de 15 rapazas e rapaces estivo moi ben organizado repartíndose o traballo durante a hora e media que durou a proba. Ese reconto de triángulos levounos ao límite pero entregaron a tempo as solucións... As vixilancias fanas profesorado que non imparte clase no centro que vai vixiar, así que este ano Sindo, profesor do IES Fragas Do Eume estivo no CPI As Mirandas, e Belén no IES Fragas Do Eume. O alumnado quere dar as grazas a Sindo polas súas palabras de tranquilidade e pola súa cercanía, e tamén moitas grazas pola acollida no Fragas Do Eume.

Este ano a publicación dos gañadores retrasouse pola situación provocada pola pandemia pero por fin xa o sabemos... e o noso equipo de 3º Académicas proclamouse gañador desta edición. Noraboa a todas as rapazas e rapaces polo ben que o fixeron!!!!!  Non poderán desfrutar do premio de pasar unha fin de semana nunha cidade do norte de Portugal pola situación que estamos a atravesar pero deben estar moi orgullosos por todo o que fixeron, e saber que a vida porá nos seus camiños moitas oportunidades de xogar coas Matemáticas.

Esperamos xa con moitas ganas a VI Edición de Matemáticas Na Raia.

AVISOS ÁS FAMILIAS

ENTREGA DE NOTAS, RECOLLIDA DE MATERIAL, E ENTREGA DO FONDO DE LIBROS EN SECUNDARIA

O día 23 de xuño entregaranse as notas de xeito presencial en Secundaria, para o que será necesario a devolución dos libros de texto do Fondo de préstamo. Tamén poderán recoller o material persoal do alumn@ que quedou nas aulas. Este 23 de xuño será o único día para facer este trámite, e preferiblemente acudirá o alumn@. No caso de que non poder acudir poderá facer a devolución e recoller as notas o tit@r, nai ou pai (só entrará ao centro unha persoa). As familias que non poidan acudir no horario establecido, deberán poñerse en contacto co centro mandando un correo ao cpi.asmirandas@edu.xunta.es solicitando una cita.

Agradecemos o respecto desta normativa que se fai polo ben da comunidade educativa. Tamén rogamos que na entrada do colexio non haxa acumulación e que se manteñan as distancias sociais.

PROCEDEMENTO A SEGUIR:

• O alumnado acudirá a súa aula de referencia. Entrarán de un en un na clase, esperando fóra a que se lle deixe pasar. O tit@r estará na aula e o profesor axudante controlará os accesos do alumnado e que se manteñan as distancias, así como asegurarse que saian adecuadamente do centro.
•  
  

  Para a entrega de notas deberán vir con mascarilla e preferiblemente o alumno/a.

•  
  

  Ao entrar na aula terá xel hidroalcólico para limpar as mans, e situarase nunha mesa preparada para o alumnado. Alí seguirá as instrucións do tit@r.

•  
  

  É MOI IMPORTANTE que os libros de préstamo veñan nunha bolsa aberta sen pechar, e pegado por fóra da bolsa nun folio poñades o nome do alumno completo e o listado dos libros dos que se fai entrega. Rogamos que avisedes se os libros teñen algún deterioro ou incidencia. Unha vez revisados os libros colocaranse no armario da aula. Separar os de Xuño dos de Setembro e deixar anotados os que teñen que entregar en setembro. (Ver listado de libros)

•  
  

  Os libros da biblioteca que ten o alumnado sen devolver deberán traelo ao centro o día que veñan a recoller o material.

 Están admitidos todos os que realizaron a solicitude.

Poderase consultar máis información na oficina administrativa do centro.

• Poderanse formular reclamacións contra as listaxes provisionais no prazo de 3 días hábiles contados desde o seguinte ao da súa publicación.

 Publicación das listaxes definitivas do alumnado admitido e non admitido: ata o 16 de xuño de 2020.

 Formalización da matrícula en educación infantil e primaria: do 1 ao 10 xullo de 2020.

 Formalización da matrícula ordinaria en educación secundaria obrigatoria: do 1 ao 10 xullo de 2020.

• Prazo extraordinario : do 1 ao 10 de setembro de 2020.

RECOLLIDA MATERIAL INFANTIL E PRIMARIA

• O material recollerase nas aulas de cada alumno/a. Entrarán de un en un na clase, esperando fora a que se lle deixe pasar.

• Para a recollida de material deberán vir con mascarilla e só unha persoa por alumno/a.

• As familias que teñen varios fillos, poderán recoller o material de todos dunha soa vez. Neste caso é necesario que avisen por correo ao centro, elixindo o día de entre os posibles, para ter o material preparado.

• As familias de 3º e 4º de primaria beneficiarias do programa Fondo de libros deberán devolver os libros prestados o mesmo día que recollen o material.

• As familias que non poidan acudir no horario establecido, deberán poñerse en contacto co centro mandando un correo a cpi.asmirandas@edu.xunta.es solicitando una cita.

• Devolución dos ordenadores de Edixgal.

  • 5º primaria: 17 de xuño (10:30h a 11:30h)

  • 6º de primaria: 17 de xuño (11:30h a 12:30h)

• Os libros da biblioteca que ten o alumnado sen devolver deberán traelos ao centro o día que veñan recoller o material.

• O diñeiro pendente de devolver correspondente ás saídas que non se realizaron, quedará en fondo para o vindeiro curso, pois non é factible devolvelo agora debido á situación existente.

• O listado de libros e as listas de material para o vindeiro curso, publicaranse na páxina web do colexio na segunda quincena de xuño.

CATRO ALUMNAS DO COLEXIO CPI AS MIRANDAS GAÑAN O CONCURSO NACIONAL “RETO BIG DATA” DA FUNDACIÓN “LA CAIXA”

As alumnas Paula Fernández, Salma Martínez, María Cagide e Irune Fornos , alumnas de 4º da ESO do CPI As Mirandas de Ares, coordinadas pola profesora do centro Cristina Sande, proclamáronse gañadoras, do concurso nacional “Reto BigData” organizado polo programa Educativo da Fundación La Caixa, “EduCaixa”. O premio sería unha viaxe para todo o equipo a Silicon Valley en California, pero debido á alerta sanitaria este ano non pode ser, e o premio consiste nun ordenador portátil para os alumnos e unha formación on line del MIT para os docentes.

A Fundación La Caixa, no seu programa Educativo, Educaixa, organiza dende hai 6 anos diferentes concursos nacionais, denominados “Retos”, que traballan as competencias dixitais, o espíritu crítico ou a competencia científica e de investigación, dirixidos a estudantes de Secundaria, Bacharelato ou Formación Profesional.

Este ano, por primeira vez, oito alumnos de 4º da ESO do CPI As Mirandas (Paula, Salma, María, Irune, Yaiza, Lucas, Carolina e Clara), coordinados polas profesoras do centro Belén Morón e Cristina Sande, participaron no Reto BigData, dentro dunha actividade proposta na clase de matemáticas que tiña como obxetivo poder coñecer o gran papel dos datos e a súa análise na presente era dixital. 

Os oito alumnos organizáronse en dous grupos diferentes e, con dedicación e roubando tempo do seu tempo de lecer, presentaron dous artigos na primeira fase do concurso sendo a sua temática “O Consumo e a producción responsable”.

Despois de moitos esforzo, os traballos presentárose a principios de Marzo sendo seleccionados os dous para a seguinte fase, logo de competir con máis de 1.500 traballos presentados.

Se todo fora coma en anos anteriores, o seguinte paso tería sido disfrutar dunhas xornadas de formación en Barcelona onde  además de compartir con outros equipos de toda España unha experiencia dun novo reto, tratarían de de gañar o premio final dunha viaxe para todo o equipo a Silicon Valley en California.  Tendo en conta a crisis sanitaria na que estamos nestes últimos meses, e ante a imposibilidades de viaxar a Barcelona, La Caixa decididu susituir as xornadas de formación por un Campus Virtual que se celebrou na primeira semana de maio, como recompensa e recoñecemento a todos os equipos e ao seu traballo. Neste Campus participaron os oito alumnos do CPI de Ares. Se ben finalmente só un dos equipos proclamouse gañador, o programa foi toda unha experiencia para todos os participantes. Podedes ver neste link o seu proxecto PREME AQUÍ

Tamén temos que felicitar a 8 gañadores, Antía, Yaiza, Aroa, Daniel Varela, Ismael, Álvaro, Luis e Daniel, un grupo de 1º  de ESO do CPI As Mirandas que proclamouse gañador clasificándose como un dos tres mellores equipos de 1º de ESO de Galicia do Rally Matemático e Científico sen Fronteira.

NORABOA CAMPIÓNS!!!

Estes premios son unha recompensa moi merecida do traballo, esforzo e dedicación das profesoras do Departamento de matemáticas, grazas Belén e Cristina!!!

E, como non, grazas ao alumnado por toda a ilusión que tedes e por dar sentido a todo o traballo realizado!!! 

PARABÉNS A TODO ESE EQUIPO!!!