REALIZACIÓN DA 2ª AVALIACIÓN E APLICACIÓN ABALARMÓBIL

Comunicamos a todas as familias do CPI As Mirandas que, ao longo da semana do 30 de marzo

de 2020 ao 3 de abril de 2020, desenvolverase a avaliación do 2º trimestre.

Non serán avaliables as actividades relacionadas cos contidos curriculares realizadas polo

alumnado con posterioridade á data de declaración do estado de alarma.

Para coñecer os resultados dos vosos fillos nas distintas áreas desta segunda avaliación,

DEBEREDES USAR A APLICACIÓN ABALARMÓBIL .

As notas serán publicadas na aplicación o venres 3 de abril de 2020 ás 14:00 h.

Aquelas familias que non dispoñades da aplicación abalarMóbil nos vosos terminais, tedes toda a

información necesaria para a súa descarga e o seu uso nos seguintes enlaces:

• https://www.edu.xunta.es/espazoAbalar/sites/espazoAbalar/files/guia_familias_-

_novo_espazoabalar_galegov2.2.pdf

• https://www.edu.xunta.es/espazoAbalar/sites/espazoAbalar/files/guia_mobil-familias_-galego.pdf

• https://www.edu.xunta.es/espazoAbalar/nova/guia-da-aplicacion-para-familias-abalarmobil

As familias que teñades dificultades para descargar a aplicación abalarMóbil, é conveniente que

vos poñades en contacto co centro educativo, vía correo electrónico ou telefónico , e intentaremos

solventar as vosas dificultades.

No caso de que non poidades facer uso da devandita aplicación, tedes a posibilidade de solicitar

que se vos envíe o informe das calificacións dos vosos fillos/as, vía correo electrónico, pero

deberedes identificarvos enviando o voso DNI fotografíado dende o mobil ou escaneado.

Indícase, de novo, o correo do CPI : cpi.asmirandas@edu.xunta.es

Teléfono do centro: 623335845 (horario de 9:30 ás 13:30h)

No día de hoxe, 30 de marzo, publícase no DOG a Orde de axudas ás persoas beneficiarias de comedor escolar . Máis información

Importe das axudas

1. As axudas económicas previstas consisten nunha compensación do custo diario do menú por comensal, entendido como o servizo de comida ao mediodía, e polos días lectivos de suspensión da prestación do servizo como consecuencia das medidas adoptadas pola pandemia do COVID-19.

Beneficiarios

1. Poderán ser beneficiarias destas compensacións as familias con un ou máis fillas/os escolarizados en centros públicos xestionados pola consellería que teñan a condición de comensais gratuítos ou pagadores dun euro nas relacións de comensais correspondentes ao 31 de xaneiro de 2020. 

2.-  O prezo máximo para satisfacer en concepto de compensación por materias primas é de dous euros e cincuenta céntimos (2,50 €), nos casos de gratuidade total, e dun euro e cincuenta céntimos (1,50 €) nos casos de gratuidade que teñen a obriga de satisfacer un euro (1 €) pola prestación do servizo

Solicitudes. Lugar e prazo de presentación

1. Tendo en conta a condición previa de comensal gratuíto ou semigratuíto dun euro, as solicitudes presentaranse obrigatoriamente por medios electrónicos a través do formulario normalizado dispoñible na sede electrónica da Xunta de Galicia https://sede.xunta.gal     Procedemento: ED601D

2. O prazo de solicitude vai do 31 de marzo ata o 6 de abril.

 No caso de non poder facelo electrónicamente prégase ás familias solicitantes das axudas que -por vía telefónica e/ou correo electrónico- remitan os seguintes datos:

a) DNI ou NIE da persoa representante legal do alumnado (titor/a)

b) Condicións de beneficiarios de comedor nas bases de datos da Consellería

c) Nome e apelidos do titor/a; nome, apelidos e curso dos fillos/fillas

d) Número de conta bancaria no que se quere recibir o aboamento da axuda

 A atención telemática,  ante calquera incidencia, suxestión ou trámite  poderá levarse a cabo a través dos seguintes medios:

• Teléfono: 623335845 (horario de 9:30 ás 13:30h)
• Correo electrónico:  cpi.asmirandas@edu.xunta.es 

COMUNICADO SOBRE A EXCURSIÓN DE 2º e 4º de ESO

Primeiramente, os nosos desexos de que todas/os vos encontredes ben de saúde.

Por outra banda, o propósito deste comunicado, non e outro que o de dar a coñecer a todas as persoas implicadas nas saídas tanto de 2º de ESO, coma da de fin de curso de 4º da ESO, a situación, a día de hoxe, na que se atopa esta.

Toda a sociedade e a  comunidade educativa do centro incluída, como podedes  supoñer e intuír, está sumida nunha incerteza constante respecto ao devir das actividades educativas xerais, así como ás programadas polos Departamentos do Centro (Saída a Asturias/Dpto. Ed. Física ou Saída a Italia/Dpto. de EPVA ) ata  a volta á "normalidade" do curso educativo. 

Porén, non se vai facer ningún pago máis, a espera de instrucións da Consellería, e pola nosa parte estamos estudando as posibilidades para tomar as decisións máis axeitadas e plantexar as distintas opcións que temos no caso de cancelación ou cambio da viaxe.  Son unas circunstancias especiais e pedímosvos paciencia para poder ir solventando toda esta situación.

Mentres tanto, agradecémosvos moito a vosa comprensión da situación.

Esperemos vernos axiña!!!

Ola queridos alumn@s e profes. Que tal estades levando isto da corentena?. Seguro que algúns mellor ca outros. Non vos agobiedes. Este correo non é para enviarvos tarefas, que seguro que teredes dabondo. Só para mandarvos un saúdo e que sigades con ánimo e forza, xa que a corentena vaise alongar máis do previsto inicialmente, pero seguro que volveremos á normalidade máis pronto que tarde e con máis forza se cabe. Así que aproveitade para reforzar os contidos das materias, lede, xogade, compartide tempo coas vosas familias, pararvos un anaco a pensar, reflexionar ou simplemente aburrirvos que tamén e bo. Non temos que estar en activo todo o tempo.

Tamén sabedes que como coordinadora do Equipo de Dinamización Lingüística son a encargada de editar a revista do cole e, pensando onte, dinme conta de que con este parón moitos dos nosos proxectos van quedar aparcados e, con elo, moitos contidos que soemos poñer na mesma. Así que, por si nos dá tempo a elaborala, comparto con vós a seguinte proposta.

A idea sería que, os que queirades e voluntariamente, fagades algunha das seguintes propostas:

1. Redactar unhas cantas liñas sobre como estades levando o voso confinamento por mor do coronavirus: a vosa experiencia persoal, reflexións positivas, o que vos transmite a información que vos chega, o diario dun día de confinamento, que aprendín a facer, a ausencia dos compañeiros, o que máis vos está costando levar....

2. Sacar unha foto do voso día a día. Seguro que haberá instantáneas e momentos dabondo como para facer un collage para a revista coas vosas actividades, que seguro serán de tódolos tipos: momentos de estudo, de relax, preparando material, simpáticos, xogando, aplaudindo as 8 da tarde, facendo o parvo, practicando os exercicios de jinasia (ja,ja,ja) que mandou Carlos por vídeo ou calquera outra cousa que vos apeteza plasmar. Si queredes gravar un pequeno vídeo tamén podedes facelo.

Calquera das propostas podedes mandalas ao meu correo yolick@cpiares.com e servirán para encher de contido a revista deste curso, se finalmente podemos chegar a facela, e se non, quedará para o próximo.

Bueno un saúdo para todxs, que sigades con ánimo e forza e se tedes algunha consulta que facer non dubidedes en poñervos en contacto conmigo.

Saudiños a todxs e ás vosas familias. Moita forza e....vémonos pronto!!!!

 O CPI As Mirandas está participando no Programa Educativo: Raíces e Brotes, cun grupo liderado por Bárbara Sánchez, baixo o nome: "Nas Mirandas tod@s a una"

PARTICIPA NO CONCURSO PARA CELEBRAR O NACEMENTO DA DRA. GOODALL

O vindeiro 3 de abril a fundadora do programa, a Dra.Goodall, cumprirá 86 anos.

Para celebralo propóñenos participar nun concurso especial para os integrantes de grupos “Raíces e Brotes”.

Consiste en enviar as vosas felicitacións para a Dra. Goodall no formato que queirades: debuxo, vídeo, tarxeta… Poden   ser individuais o en grupo.

Publicaranse todas as felicitacións nas redes sociais do programa educativo o día 3 de abril. A felicitación que acumule mais “me gusta” durante a seguinte semana levará de agasallo o libro: “60 anos en Gombe”, no que se repasan 60 anos de descubrimentos científicos e esforzo para melloras os ecosistemas, protexer a biodiversidade e contribuir ao desenrolo sostible das comunidades humanas. Con fotografías únicas e declaración da Dra. Jane.

Os que queirades participar podedes mandar as felicitacións á dirección de correo barbarasanchez@cpiares.com.

Animádevos!

BE BRAVE - DON'T STOP LEARNING

A Dirección do CPI  As Mirandas quere comunicar unha gran nova que vai alegrar nestes momentos difíciles a toda a comunidade educativa .

Un grupo de 1º de ESO dirixido pola nosa compañeira Cristina  Sande clasificouse entre os tres mellores de Galicia para a final galega do Rally Matemático ogranizado por Igaciencia. Este grupo está composto por : Luis Terradillos,  Aroa Vidal, Álvaro Castro, Antía Marcos, Daniel Varela, Daniel Rodríguez, Ismael Souto e Yaiza Lestón .

Toda a comunidade educativa do CPI As Mirandas queremos transmitir os nosos parabéns a ese grupo, a súa profesora de Matemáticas, Cristina Sande e a todos os que sempre están apoiando e axudando.

A fase final está pendente de como transcurran as circunstancias actuais (alerta polo COVID-19)

Queremos transmitirvos unha mensaxe de ánimo e esperanza e desexamos que pronto poidamos celebrar este triunfo, e moitos máis, que  ben seguro vendrán desta gran comunidade educativa de Ares.

PARABÉNS!!!

A atención telemática,  ante calquera incidencia, suxestión ou trámite de calquera membro da comunidade educativa poderá levarse a cabo a través dos seguintes medios:

• Teléfono: 623335845 (horario de 9:30 ás 13:30h)
• Correo electrónico:  cpi.asmirandas@edu.xunta.es 

O equipo de profesorado e directivo do CPI As Mirandas está a traballar dende os seus domicilios para a atención de todos os membros da nosa comunidade educativa. 

 Para contactar o  profesorado coas familias e poder recibir a información dos vosos fillos,  a Consellería pón da disposición da Comunidade educativa o espazo Abalar, que tén unha aplicación para o mobil moi útil e vistosa:

Para resolver ás dúbidas sobre abalar mobil: Preguntas frecuentes

Tamén hai unha guía para as familias en castelá para informar sobre o espazo abalar.

Esperemos saír pronto deste estado de alarma!

Achegamos uns enlaces para visualizar recursos por televisión para todo o alumnado e familias, en especial para os que non teñen internet. É fundamental manter a rutina da aprendizaxe:

• Recomendacións do Ministerio de Educación e da RTVE
• Recomendacións da  Conselería e da TVG

O profesorado do CPI As Mirandas achega as actividades a realizar polo alumnado de infantil e primaria no periodo de estancia nos seus domicilios polas medidas de prevención do Coronavirus:

• Orientacións do Equipo de mestras de Educación Infantil ás familias para traballar cos vosos fillos e fillas na casa: HÁBITOS E RUTINAS   Hixiene persoal, facendo fincapé na importancia do lavado das mans...    Alimentación, alimentación saudable, colaboracións como poñer a mesa, axudar na cociña…    Orden, recoller o seu cuarto, ordenar os xoguetes…     Descanso          As rutinas van a proporcionar seguridade e confianza nos nenos e nenas. ACTIVIDADES LECTO-ESCRITURA Traballar co seu nome, identificar os nomes dos compañeiros e compañeiras Xogar coas letras, buscar letras, coloreado das mesmas, escribir palabras… Facer debuxos Ler contos, escribir o título, debuxar a escena que máis lles gustou.. Receitas de cociña  Facer a lista da compra  Fixarse nas letras das etiquetas dos alimentos…  Adiviñas, refráns….   ACTIVIDADES MATEMÁTICAS    Puzzles, dominós, cartas, xogos de mesa…      Contar obxectos,clasificar obxectos segundo tamaño,cor...      Fixarse nos números      Facer uso do calendario      Identificar figuras xeométricas, xogando con círculos , triángulos, cadrados…      Facer series con diferentes elementos (grande-pequeno, azul-amarelo...)   ACTIVIDADES ARTÍSTICAS  Actividades plásticas: recortado, collage, plastilina, pintura…   Actividades musicais: cancións, bailes, xogos… XOGO SIMBÓLICO  Deixar aos nenos e nenas que xoguen libremente con bonecas, coches, construcións animais, disfraces… XOGOS DE PSICOMOTRICIDADE Moverse imitando animais: serpe, oso, mono… Saltar á pata coxa, cos pés xuntos, camiñar cara adiante, cara atrás...       ACTIVIDADES DE INGLÉS Dedicar uns minutiños a ver algún video, mesmo no teléfono, con cancións ou pequenas historias. Ás palabras de búsqueda podedes engadir “for little kids” o “for very young learners”  para que os videos sexan o máis axeitados posible á súa idade. Os temas: colores (colours), números do 1-10 (numbers 1-10), familia (family), o corpo (the body), a roupa (clothes), a casa (the house), o parque (the park), animais salvaxes (wild animals), rutinas diarias (daily routines). Algunhas páxinas interesantes e bonitas onde buscar: Color Crew, Super Simple Songs, Tutitu Songs, Englishsingsing, Cocomelon, Steve and Maggie Wow English TV (esta última ten videos de niveis moi diferentes pero soen gustarlles moito).

• RECOMENDACIÓNS DE EDUCACIÓN FÍSICA PARA PRIMARIA

          Xogar na casa,  investigar e buscar vídeos dos diferentes deportes. (5º e 6º EP enviado a través da plataforma EDIXGAL)

         ACTIVIDADES DE RELIXIÓN CATÓLICA.

        Actualización de tarefas para todo o alumnado (01/06/2020). Pincha aquí

• TAREFAS DE MÚSICA  PRIMARIA  NOVO BLOG de Música de EI e EP (enlace tamén na parte da esquerda no apartado de BLOGS do centro)
  
  5º e 6º: as actividades serán enviadas a través da plataforma EVA-Edixgal. 

• ACTIVIDADES PARA O ALUMNADO DE 1º e 2º EP:
  

      Actualización de tarefas para 1º de primaria (01/06/2020). Pincha aquí

     Actualización de tarefas para 2º de primaria (01/06/2020). Pincha aquí

O alumnado de 5º e 6º  se comunicará  co profesorado a través da plataforma  EDIXGAL. 

 O alumnado de secundaria recibirán as instrucións de cada materia a través da aula virtual, dos correos @cpiares.com, aula abalar e o Drive ou otras plataformas que empreguen.

Desexamos a máxima comprensión por parte de todos e estaremos atentos ás comunicacións por correo electrónico  cpi.asmirandas@edu.xunta.es  e desta páxina web.

A Dirección do CPI As Mirandas informa que a través da prensa e tras a comparecencia do Presidente da Xunta na TVG tivemos coñecemento do seguinte:

• A partir do luns día 16 de marzo os centros educativos pecharán durante 14 días, como medida preventiva.
• O venres 13 de marzo poderá ser opcional a asistencia ou non ao centro educativo.

Ante esta pandemia o importante é seguir con responsabilidade todas as indicacións que nos transmiten as autoridades sanitarias, extremando as medidas de hixiene,  e contribuir así, entre todos, a minimizar o seu impacto .

Estamos á espera das instrucións por parte da Consellería de Educación que esperemos telas mañá para darvos máis información.

Actualmente está decretado o Estado de alarma durante 15 días e seguiremos informando das novas que vaian xurdindo.