Como xa todos e todas sabedes, o día 30 de xaneiro conmemórase o día da Paz e non violencia. O alumnado de 4º nivel, en colaboración co alumnado de 2º e coa axuda da mestra Silvia, realizaron este programa adicado á Paz. Non o perdades!!
Dende o club de ciencia imos facer experimentos relacionados coa auga, xa que sen auga ningún dos elementos aos que se adica este proxecto terían sentido.
A auga ocupa as tres cuartas partes do planeta, forma parte dos seres vivos, está constituída por hidróxeno e osíxeno H2O.
Dende o club de ciencia queremos que o alumnado experimente facendo. Daremos estas pautas para ser científico, e son:
1º Experimento:
CICLO DA AUGA
Con este experimento queremos visualizar o ciclo da auga, dende a aula experimentamos os pasos como a evaporación, a condensación e a precipitación dentro dunha cunca. A partires deste experimento faremos cambios e con eles predicións, tomaranse notas e compararemos.
Materiais:
*auga a ferver
*sal
*colorante alimentario
*film transparente (de cociña)
*culler
*cunca grande de vidro
*vaso chupito ou cunca pequena
*xeo
Pasos:
1.- Nunha cunca grande botamos o sal e o colorante alimentario.
2.- Botamos auga a ferver (será o/a mestre/a que faga este paso), remexemos.
3.- Colocamos no centro da cunda o vaso chupito ou cunca pequena.
4.-Tapamos axiña a cunca grande co film transparente, coida quitar un pouco de aire, senón fai globo.
5.- Colocamos o xeo no centro do film transparente.
Agora toca esperar. Que pasará? Choverá dentro da cunca? Como será a auga? Terá cor? Estará salgada?
Os/as nosos/as pequenos/as alquimistas do saber de 1º fixeron un descanso polo percorrido das letras e dos números para adentrarse no mundo da Terra.
Decidiron disfrutar dun día soleado para dedicarlle uns momentos á súa horta da escola.
Nin curtos/as nin preguiceiros/as colleron todos os apeiros necesarios para arrancar con mestría e moita arte as malas herbas e facerlle un lavado de cara en profundiade ao horto.
Provistos/as de sachos e de anciños os/as nosos/as artistas non dubidaron en ensuciar as mans e o que atoparon polo camiño para deixar un terreo digno de premios nas revistas máis prestixiosas de agricultura.
