Blogue Primeiro Ciclo

VOLVEMOS Á ESCOLA!

Por admin

14/09/22

Por fin chegou o tan esperado día de regreso á escola. Nós, os mestres e mestras do CEP Carlos Casares estabamos desexando vervos de novo. Ver as vosas cariñas de incertidume por saber quen será o voso titor ou titora é marabilloso.

Ese día, todos o claustro do cole sae a recibirvos e a nosa directora Sonia da un pequeno discurso de benvida mentras vós esperades acompañados das vosas familias.

Este ano ocorriusenos sacar fotos dese momento, non o facemos nunca e sempre se bota de menos a final de curso ver todo o que cambiastes dende o comezo.

Aqui as tedes.

Etiquetas:

DÍA CONTRA O ACOSO ESCOLAR

Por admin

23/05/22

O pasado 2 de maio conmemorouse o día contra o acoso escolar. Mara, Mateo R., Nacho e Noa de primeiro nivel coa axuda da mestra Silvia, realizaron un programa de radio especial sobre o tema. Fixérono moi ben, a que si? Escoitádeos

BOA ESCOITA

Etiquetas:

SALVATERRA DE MIÑO

Por admin

28/02/22

O noso alumnado chegado por primeira vez ao CEP Carlos Casares decidiu investigar sobre o concello no que está situado o centro, Salvaterra de Miño. Descubriron cousas tan interesantes que pensaron que sería unha idea magnífica compartir a súa sabiduría con todos e todas nós. A nós pareceunos unha idea brillante, a ver que vos parece a vós. Estaban moi nerviosos, isto de falar diante dun micro impón moito respecto, pero fixérono xenia! Escoitádeos!!

BOA ESCOITA

Etiquetas:

MANUEL MARÍA (padriño da aula de 2º nivel)

Por admin

20/02/22

O alumnado do 2º nivel ten como padriño de aula a Manuel María e como non tiñan moi claro quen era, máis alá de que era un escritor galego, decidiron investigar un pouquiño sobre el e adicarlle o programa de radio deste trimestre. Quedoulles moi bonito e ademaís fixérono moi pero que moi ben. Escoitádeos!!

BOA ESCOITA

Etiquetas:

30 DE XANEIRO, DÍA DA PAZ E NON VIOLENCIA

Por admin

04/02/22

O 30 de xaneiro celebrouse o Día da Paz en non violencia. data que coincide co aniversario de Mahatma Ghandi, líder pacifista que promoveu a non violencia e a resistencia fronte a inxustiza.

Na clase de 2º, en colaboración coa mestra Silvia traballamos a paz mediante a lectura de contos: " A pomba dona Paz" de Ramón Caride. "Batalla de Naipes", "Wangari y los árboles de paz" e "Que viva a paz". Tamén deseñamos pombas da paz, fixemos un foldable de Ghandi e pescudamos sobre Malala.

Tamén fixemos nubes de palabras co programa WORD ART en forma de pinga de auga para o conto colaborativo que nos propuxeron facer dende os equipos de DNL e Bibloteca.