COMEDOR, TRANSPORTE, MENÚS, TITORIAL DE PAGOS TELEMÁTICOS, CALCULADORA PARA AUTOLIQUDACIÓNS

MENÚ ABRIL

MENÚ FEBREIRO 

MENÚ DECEMBRO

MENÚ DE OUTUBRO 2023

Todas as persoas usuarias do comedor escolar ás que lle corresponde pagar algún dos prezos públicos deben facer o pago nos primeiros vinte días do mes seguinte. As formas de pagamento poden ser as seguintes:

• A través do Espazo Abalar: os impresos estarán dispoñibles directamente para os usuarios do Espazo Abalar sen necesidade de obtelos a través do centro. O pagamento por esta vía é comunicado automaticamente á aplicación COMEDORES, polo que non terán que presentar xustificante no centro.

• A través da Oficina Virtual Tributaria: as persoas interesadas poderán utilizar a oficina virtual tributaria para realizar os pagamentos de xeito telemático. Os suxeitos que opten por esta vía deberán presentar no centro, nos 20 días primeiros de cada mes, os xustificantes de pagamento correspondente. Dispoñedes do manual de pago a continuación. LEMBREN TAMÉN QUE DEBEN PORSE E CONTACTO CO CENTRO PARA QUE LLE ENVÍEN POR CORREO ELECTRÓNICO O IMPORTE DE CADA MES.

•  Nas entidades bancarias autorizadas pola Consellería de Facenda: o centro entregará os impresos de pagamento, os suxeitos pagadores unha vez feito o ingreso deberán entregar no centro o xustificante para "A ADMINISTRACCIÓN", debidamente selados pola entidade bancaria de depósito.

Manual Pago Telemático Taxas Comedor.

Enlace á páxina de pagamento (OVT).

Video titorial para pagamento por Espazo Abalar

'

COMEDOR ESCOLAR

Estimadas familias:

Hoxe día 4 de xullo sairon as instruccións de comedor escolar para o vindeiro curso. Na documentación que se adxunta podedes descargar o anexo II MODELO DE AUTODECLARACIÓN E ESPECIFICACIÓNS. Incluímos ademais unhas aclaracións para determinar correctamente a renda familiar nos supostos que non se presenten declaracións. Rogamos lean atentamente para que non haxa erros á hora de cubrir o impreso, xa que dende a Xunta revisarán todas as documentacións como xa fixeron este curso.

Tamén aclaramos que o alumnado que solicite o comedor por primeira vez e sexa alumnado escolarizado como consecuencia de decisións de índole familiar ou persoal nun centro que non lle corresponde por área de influencia, terán que aboar, en concepto de prezo público a cantidade de 4,50 euros por día de servizo durante o primeiro curso, como di o apartado  11 da Instrucción 2/2023 da Secretaría Xeral. Polo que estas familias non presentarán o anexo II.

Ábrese o prazo para solicitar a colaboración no comedor escolar a pais/nais/titores legais do alumnado do centro. Deberán cubrir o documento e presentalo no centro, xunto coa fotocopia do DNI, tarxeta de demanda de emprego, certificación de conta bancaria, curso de manipulador de alimentos e acreditación de non ter sido condenado en sentencia firme por delitos sexuais.