O alumnado e profesorado de 6º de EP quere compartir con todos vós este vídeo que fixeron e que pretende dar ánimos para levar mellor esta cuarentena: deporte, xogos, tecnoloxía, familia, cociña e moooitos libros acompáñannos estes días. #undíamáiséundíamenos #euquedonacasa #ánimo #xaquedamenos 

6ºABCQuedanNaCasa from CEIP VICENTE OTERO on Vimeo.

Hoxe máis que nunca recórdannos estas iniciativas ao lema deste ano de Bibliotecas Esolares "VIVEIROS DE CIDADANÍA". Parabéns rapaces e rapazas! Sodes un orgullo de cidadáns responsables e comprometidos.  Grazas polas vosas palabras de parte de toda a comunidade educativa. 

Os Museos Científicos Coruñeses propoñen unha serie de divertidas actividades, dende experimentos científicos ata visitas ao Planetario, entérate visitando a súa páxina picando AQUÍ. 

Estes días os móbiles están sendo imprescindibles, ademais o domingo foi día de Pascua así que seguro que vos lembrástedes un montón dos vosos padriños e madriñas, incluso dos vosos padriños e madriñas lectores que fai moito tempo que non vedes, co ben que o pasábamos!

Dende o equipo de biblioteca animámosvos a facerlles un agasallo de Pascua, este soporte de móbil feito con pinzas da roupa e pegamento ou silicona, quen se anima? Tamén vos pode servir para expoñer un debuxo bonito, para un libro que queirades destacar, unha foto... Imos logo a crear un pouco! Podedes tamén personalizalo. Se o facedes mandádenos as vosas fotos a bibliosbardoscarral@gmail.com

Onte tamén foi o Día dos Bicos, eses que agora non vos podemos dar, a profe Adriana, membro do Equipo da Biblioteca, déixavos este fermoso conto de parte de Pingüi, desfrutádeo.

Os mestres e persoal non docente do CEIP Vicente Otero Valcárcel queren ensinarvos os seus libros favoritos e ademais darvos moitos ánimos e mandarvos moitos bicos!

A verdade é que os contos están sendo estes días uns dos nosos mellores amigos, sempre están dispostos a ofrecernos estupendos momentos de diversión, imaxinación e entretemento e en moitos fogares están axudando a moita xente a levar mellor o confinamento. Por iso pensamos en facerlles a súa pequena homenaxe. Queredes participar?  ANIMÁDEVOS E MANDÁDENOS AS FOTOS DOS VOSOS LIBROS FAVORITOS PARA MONTAR UN VÍDEO COMO ESTE, tedes ata o 20 de abril de prazo. Temos unhas pouquiñas pero gustarianos ter moitas máis e é que Pingüi está ansioso por vervos, bótavos moito de menos!  Enviádeas ao correo da biblio: bibliosbardoscarral@gmail.com 

BOAS LECTURAS!

Equipo de Biblioteca. 

2 DE ABRIL from CEIP VICENTE OTERO on Vimeo.

Seguimos celebrando o 2 de Abril e seguimos coa proposta de onte abríndoa a toda a comunidade educativa: nenos, nenas, pais, nais, avós, avoas, tíos, tías, padriños, madriñas... Xente de Carral! Mandádenos as vosas fotos co voso libro favorito. Celebremos por todo o alto este día dende a distancia! Recordade...

SACÁDEVOS UNHA FOTO CO VOSO LIBRO FAVORITO E MANDÁDEA AO CORREO DA BIBLIO. ANIMÁDEVOS! 

bibliosbardoscarral@gmail.com

Fagámoslle unha bonita homenaxe a eses amigos que sempre están con nós e que tanto nos acompañan estes días: OS LIBROS!

Ademais Alba de 2ºA mandounos este debuxo de agradecemento para as persoas que recollen o lixo. Precioso! Seguro que emocionache hoxe a un/unha traballador/a que está pouco acostumado a que poñan en valor o que fai, un heroe anónimo dos nosos días. 

 E por se non chegaban as sorpresas... As profes de Educación Infantil, Adriana e Mónica, déixannos máis contiños! 

Boa SEMANA SANTA! Estes días non publicaremos propostas. Imos descansar un pouco para volver cheos de ideas e forzas renovadas. #UnDíaMáisÉUnDíaMenos

BICOS PINGÜINS!

Bulide sacar as fotos!

O 2 de Abril é O DÍA INTERNACIONAL DO LIBRO INFANTIL, tamén é o do Autismo, debería ser un día para celebrar na biblio pero.... Estamos todos na casiña así que toca celebralo en familia, cos vosos contiños aos que seguro recurrístedes moito estes días, e é que hai contos que nos acompañarán sempre porque nos marcan, nos gustan ou simplemente nos sentimos identificados. Elexiuse este día porque foi o que naceu Hans Christian Andersen autor de obras como "A REINA DAS NEVES" (na que se basea FROZEN) ou "O PARRULO FEO".

Temos unha proposta para vos neste día: 

SACÁDEVOS UNHA FOTO CO VOSO LIBRO FAVORITO E MANDÁDEA AO CORREO DA BIBLIO. ANIMÁDEVOS! 

bibliosbardoscarral@gmail.com

Fagámoslle unha bonita homenaxe a eses amigos que sempre están con nós e que tanto nos acompañan estes días: OS LIBROS!

Para ser un bo investigador e seguir o método científico un dos primeiros pasos é a observación. Para sacar conclusións e deducir hipóteses fai falta mirar os pequenos detalles con tempo, con cariño e con moito coidado. Aquí vos deixamos unha aplicación para ter a vosa propia lupa e agrandar cousas: bechos que atopedes, superficies, plantas, alimentos... A ver que descubrides! Podedes descargala buscando MAGNIFYING GLASS en Google Play.

Na biblio temos varios libros con lupa que poderedes coller cando todo pase... Están desexando que os levedes!

E aínda máis, queredes construír o voso propio LIBRO LUPA? Pois mirade o seguinte titorial. Sabemos que é un pouco difícil de conseguir o material nestes tempos pero gardade a idea para cando todo pase. Mentras tanto, ide practicando co móbil! Tedes moito que observar. Un pelo? O selo dunha carta? As letras pequeniñas que nunca vedes? Unha mosca? O pole das flores? Como sempre podedes mandarnos os vosos descubrimentos ao correo bibliosbardoscarral@gmail.com 

Hoxe deixamos dous recursos de lectura on line, un en galego e outro en castelán.

Se picades AQUÍ accederedes a uns álbumes ilustrados ben bonitos da páxina PINTAR Y PINTAR EDITORIAL, se hai algún que vos guste moito decídenos que á volta mercámolo para a biblio. Faltaría máis!

Ademais na LIBRARÍA BIBLOS de Betanzos están levando a cabo unha iniciativa moi chula, chámase CONTOS PARA DESPOIS DAS OITO E VINTE e xa teñen dous títulos, podedes velos seguindo a súa páxina de Facebook ou na canle de YOUTUBE. Pica AQUÍ para ir a ela. Pode ser un bo momento de conto antes de ir durmir, descubriredes moitos títulos diferentes. 

Recibimos uns agradecementos moi bonitos, un deles ás persoas que están traballando na recollida do lixo: GRAZAS! O outro para a PANADEIRA de Silvia de 1º B: GRAZAS! Que importantes son os panadeiros e panadeiras de Carral, este día e moitos outros, que importancia teñen estes días os nosos heroes anónimos como canta Antonio Orozco na canción que vos deixamos a continuación. Que a desfrutedes! 

Na entrada seguinte tedes para seguir co teatro, mandádenos fotos ou vídeos se facedes algo con marionetas, se queredes seguir facendo carteis de agradecemento... Pingüi está encantado de recibir as vosas tarefas!

O venres 27 foi o DIA DO TEATRO. Imos celebralo hoxe con dúas pequenas actividades, deixámosvos unhas marionetas de man para interpretar contos clásicos como "OS TRES PORQUIÑOS" ou "CARAPUCHIÑA VERMELLA", podes cambiarlles o final ou inventar unha nova historia, é a túa obra de teatro pódela facer como queiras. 

A agrupación teatral Ghazafellos comparte esta obra de RUBICUNDO. Que a desfrutedes!

Ola Ana!

Son Pingüi e quero que sepas que me fixo unha ilusión inmensa recibir o teu debuxo despois de ler o meu conto. Esto pasará e volveremos a darnos bicos e apertas, xa verás. Estou desexando volver a vervos!

Pingüi

Queres crear unha historia en banda deseñada cunha ferramenta on line? Animámoste a que coñezas PIXTON. Aquí che deixamos un vídeotitorial. Pensa ben a historia antes de empezar!

Boas! Hoxe Pingüi vaivos pedir que sexades solidarios coa xente que estes días ten que traballar para que todo funcione. Hoxe propoñémosvos que peguedes un cartel na bolsa do lixo ou no contenedor que teñades máis cerca para agradecerlle ás persoas que o recollen o seu duro traballo (dádello aos vosos pais para que o peguen cando lles cadre de ir ao contenedor, non vaiades a propósito que non se pode!). Animádesvos? Ao mellor ocúrresevos outro lugar onde pegalo, ou darllo ao panadeiro que nos trae o pan á casa, aos compañeiros/as de traballo dos vosos pais (os que teñen que ir), que llo den á persoa da caixa, á charcuteira cando vaian á compra... Hai moitas persoas que están axudándonos. Imos sacar algo bo de todo Isto, SEXAMOS AGRADECIDOS! Se o facedes e queredes ensinarllo a PINGÜI mandádeo ao correo bibliosbardoscarral@gmail.com. 

Hoxe dexámosvos un contiño sobre o Coronavirus, seguro que xa estades moi fartos del, pero bueno... Hai que falalo, comentalo e expresar os nosos medos para despois quedarnos moito máis tranquilos. Para velo picade AQUÍ. Como vos imaxinades vos a este "bichiño"? Préstavos facerlle un dibuxo? Terá cornos? Rabo? Orellas de trasno? Barba? Deixade voar a vosa creatividade!

Nesta web (picade AQUÍ para ir) tedes algunhas obras para descargar e ler tanto para maiores como para os pequenos da casa. Dende novelas de Carlos Ruíz Zafón, María Dueñas ou Carlos Arguiñano ata "Gerónimo Stilton", "Narnia" ou cómic Manga que tanto vos gusta. Aproveitade, estarán á vosa disposición ata o 31 de marzo.

A Editorial