Onte os alumnos de 3º, 4º e 5º e 6º tivemos a ocasión de participar nunha actividade relacionada co ciclismo que leva por título "Vuelta Junior", levada a cabo como consecuencia da chegada da Volta Ciclista a España en setembro. A actividade consta de dúas partes e onte realizamos a primeira delas. Consistiu nunha parte teórica e outra práctica coa realización de probas e ximcanas no patio do cole. Aquí podedes ver algunhas imaxes da actividade.

Este ano adicouse esta celebración a María Victoria Moreno. Para homenaxeala quixemos decorar as escaleiras que suben ás aulas cos carteis de diferentes títulos da súa obra. Así de coloridas e bonitas quedaron. Tamén os alumnos de 3º B e 4º B recitaron dous dos seus poemas que podedes ver no vídeo.

Xa están dispoñibles para todos os novos títulos das novidades da biblioteca. Non dubidedes en pasar por alí e botarlles un ollo. Seguro que vos gustarán!

ACROSPORT EN EDUCACIÓN FÍSICA No mes de abril os alumnos/as de 4º, 5º e 6º curso de Primaria traballaron ACROSPORT na clase de Educación Física.

O ACROSPORT é un deporte acrobático-coreográfico con exercicios que integran tres elementos fundamentais: Formación de figuras ou pirámides corporais. Habilidades ximnásticas como elementos de enlace entre unha figura e outra. Música que apoia a coreografía. Espectacularidade, vistosidade, dinamismo, forza e facilidade aparente son notas que definen ó ACROSPORT. Os alumnos/as estiveron moi motivados e estou moi orgullosa deles polo traballo realizado,xa que en apenas dúas semanas conseguiron realizar uns exercicios moi vistosos e ben feitos. Noraboa a todos e aquí vos deixo fotos e vídeos para que o recordedes, non están todos os grupos porque hai grabacións que non saíron ben pero é unha mostra do ben que traballáchedes.

A mestra de Educación Física.

Hoxe queremos amosarvos unha sesión de Educación Física cos alumnos de 2º A onde se traballaron distintas habilidades e emocións. As actividades realizadas foron: "Seguindo a música" , "Aros musicais" e "Carreira de caracois" nas que se traballaron habilidades socioemocionais, resolución de conflictos e regulación emocional respectivamente. Ademais de aprender pasárono xenial!

Álbum Actividades de Educación Física 2ºA

Pois xa están aquí as novidades do mes de marzo para que non deixedes de pasar pola Biblioteca e mergullarvos nas súas páxinas. Xa sabedes pois, que vos están esperando!! Botádelle un ollo ao vídeo para ir elixindo o que máis vos gusta!

Os días 21 e 28 de febreiro os alumnos/as de 6º curso de primaria cambiaron a clase de Educación Física por dúas sesións de Xogos Populares impartidas por Lito, o monitor do Centro Cultural Xaquín Lorenzo "Xocas" da Deputación de Ourense.

Na primeira sesión practicaron "A Porca" e "O Pino" no patio, e na segunda, fixeron xogos bailados. estivo fenomenal!!

Álbum de fotos das sesións de Xogos Populares   

A nosa Biblioteca non deixa de medrar, e o pasado mes de xaneiro aumentou os seus títulos con libros e contos moi interesantes que seguro que vos encantarán. Non deixedes de ver o vídeo coa presentación dos mesmos, e por suposto de pasar pola biblioteca para desfrutalos.

A nosa biblioteca continúa a se actualizar mes a mes. deixámosvos as novidades do mes de decembro.

Aquí vos deixamos dous vídeos coas novidades do mes de novembro tanto para infantil coma para primaria. Moi pronto estarán dispoñibles na biblioteca, logo que rematen as obras e nola deixen chulísima, xa veredes! Non deixedes de estar atentos para ollar estas marabillas de libros e contos que xa forman parte da nosa biblioteca. Esperamos que vos gusten!