Recomendacións de lectura Nadal 2021-22
Dende o Equipo de Biblioteca e contando co criterio dos titores queremos compartir un ano máis con vós unhas recomendacións de lectura adaptadas ás diferentes idades do alumnado; nestas datas especiais de dar agasallos pódenvos ser de utilidade. Non deixedes de darlles a oportunidade aos vosos fillos de agasallalos cunha boa lectura! Aproveitamos para desexarvos que pasedes unhas moi felices festas e que o Ano Novo 2022 chegue cheo de saúde e moita felicidade. Vémonos á volta!
CRITERIOS E PROCEDEMENTOS DE DISTRIBUCIÓN DE MÁSCARAS ENTRE O ALUMNADO MATRICULADO EN EDUCACIÓN PRIMARIA
No portal educativo www.edu.xunta.gal está publicada a orde pla que se regulan os criterios e procedementos de distribución de máscaras entre o alumnado matriculado en Educación Primaria.
Segundo dita orde:
- NON TEN QUE PRESENTAR SOLICITUDE o alumnado beneficiario da axuda de material escolar no curso 2021-2022, xa que acceden automaticamente ao préstamo de máscaras.
- SI TEN QUE PRESENTAR SOLICITUDE o alumnado que non foi beneficiario da axuda de material escolar no curso 2021-2022, pero que cumpra algunha das seguintes condicións:
- Pertenza a familias cunha renda per cápita igual ou inferior a 6.000€.
- Alumnado matriculado en educación especial.
- Alumnado suxeito a tutela ou garda da Xunta de Galicia.
- Alumnado cun grao de discapacidade igual ou superior ao 65%.
Os interesados presentarán , de FORMA PRESENCIAL, no centro educativo os Anexos I e II cubertos (ver arquivos adxuntos) Aqueles que non lles sexa posible imprimir os Anexos, poderán solicitar unha copia en conserxería.
PRAZO DE PRESENTACIÓN: do 15 ao 26 de Novembro de 2021.
IMPORTANTE: todo aquel alumnado que tivo concedido o vale de material ao inicio de curso, non ten que solicitalo porque xa lle corresponden automaticamente.
En canto recibamos información sobre o procedemento de distribución e número de máscaras por alumno/a serán debidamente informados.
ELECCIÓNS CONSELLO ESCOLAR
APERTURA DO PROCESO E CONSTITUCIÓN DA MESA ELECTORAL
CALENDARIO PARA AS ELECCIÓNS AO CONSELLO ESCOLAR
Día da Biblioteca
O 24 de outubro celébrase o Día das Bibliotecas escolares. Para conmemoralo reunímonos por aulas no patio e Antón e Kiara, dous alumnos de sexto, deron lectura a un manifesto que falaba do importantes que son as bibliotecas e das aventuras que podemos vivir cada vez que entramos nunha delas. A continuación cada unha das aulas amosou a felicitación e leu as palabras adicadas á biblioteca nas que se felicitaba ou se lle daba as grazas por estar de volta despois de estar pechada durante o curso pasado. Neste vídeo podedes ver un resumo da actividade.
BOLSAS E AXUDAS PARA O ALUMNADO CON NECESIDADE ESPECÍFICA DE APOIO EDUCATIVO PARA O CURSO 21-22
No seguinte enlace atoparedes toda a información relativa á solicitude de bolsas e axudas para alumnado con necesidade específica de apoio educativo.
O prazo de presentación de solicitudes é dende o 3 de agosto ao 30 de setembro (ámbolos dous incluídos)
Os gabinetes ou centros de reeducación aos que acoden os alumnos xa poden comezar a tramitar ditas solicitudes.
O Departamento de Orientación recollerá as solicitudes para proceder á súa validación dende o 1 ata o 30 de setembro ámbolos dous incluidos así como para informar e tratar de resolver todas as dúbidas que puideran xurdir.
É obrigatorio pedir cita con anterioridade:
- Chamando ao teléfono do centro 988237000
- Enviando un correo electrónico ao enderezo rbautista@edu.xunta.gal
LISTAXE DEFINITIVA DE AXUDA LIBROS E MATERIAL
Informamos que xa foi publicada a LISTAXE DEFINITIVA de Axudas do Fondo Libros.
Pódese consultar coa CHAVE 365 ou na Xefatura de Estudos ata o día 16 de Xullo de 10 a 13 horas.
Listaxe Provisional Axudas Libros e Material Curso 2021/2022
Informamos que xa está publicada a Listaxe Provisional de Axuda do Fondo Libros tanto de texto como de material.
En cumprimento coa "Ley General de Protección de Datos" a publicación só se levará a cabo nos taboleiros interiores do centro ou na Xefatura de Estudos.
Tamén se pode consultar coa "Chave 365".
Prazo de reclamación: ata o 7 de Xullo.
Listaxe definitiva: 8 de Xullo.
Recollida de vales no centro: do 6 ao 16 de Xullo en horario de 10 a 13 horas.
DESPEDIMOS O CURSO MÁIS DIFERENTE...
Na seguinte presentación poderedes ir vendo as actividades realizadas con motivo do final de curso 2020/2021.
TRABALLANDO A IGUALDADE EN 4º DE INFANTIL
Nas clases de 3 anos teñen moi claro que os gustos dos nenos e nenas poden ser iguais e por iso entenderon moi ben como se sentía Juan, o protagonista do conto "Vivan las uñas de colores". Por ese motivo todos quixeron pintarse as uñas como Juan, porque todos somos iguais e non hai gustos nin cores de nenos e nenas. Unha divertida forma de traballar a igualdade!
FIN DE CURSO 20-21
Achégase o día de despedida dun curso cheo de dúbidas, medos, nervios...
Un curso no que unha vez máis os nos@s nen@s nos transmitiron e contaxiaron unha gran dose de enerxía positiva, entusiamo, capacidade de adaptación...
Merecen cando menos un final de curso festivo, alegre e con moita moita troula!!!
É un pracer contar coa presenza no noso centro de grandes artistas!!!
GRAZAS á ANPA do noso cole pola colaboración e subvención de parte das actividades!!!
GRAZAS POR FACER POSIBLE UNHA DESPEDIDA DE CURSO COMO OS NOS@S NEN@S MERECEN!!!
Yolanda, a nosa profe de música tennos preparada unha selección de cancións para que comecemos a practicar.
COMEZAMOS???
Añadir un poco de texto de ROSA BAUTISTA LEJO
LISTAXE DEFINITIVA DE ADMITIDOS PARA O CURSO 2021/22
Comunicamos que está publicada a listaxe de alumnado admitido para o curso 2021/2022no taboleiro de anuncios interior do centro.
Recordamos ás persoas interesadas que poden acceder ao estado do seu expediente, única e exclusivamente, a través da aplicación admisionalumnado coa Chave365 ou certificado dixital da Fábrica Nacional da Moneda e Timbre.
Informamos que todas as solicitudes en prazo obtiveron praza no centro.
As presentadas fóra de prazo están pendentes de resolución.
O prazo para formalizar a matrícula no centro é do 20 ao 30 de xuño.
- blogue de admin
- APIs de Blogue
Día da familia 2021
O 15 de maio celébrase o "Día Internacional da familia". O Equipo de Convivencia do CEIP de Seixalbo propuxo agasallar ás familias cunha plantiña que simboliza o compromiso, adicación, responsabilidade e constancia que require tanto a familia como o seu coidado. O seu obxectivo é reforzar o vínculo familiar a través do seu coidado converténdose nun "membro" máis da familia.
"A familia é coma as raíces dunha planta. Cada unha medra na súa dirección , pero as raíces son as mesmas."
- « primeira
- ‹ anterior
- …
- 3
- 4
- 5
- 6
- 7
- 8
- 9
- 10
- 11
- …
- seguinte ›
- última »