O pasado día 8 de novembro tivemos no centro un obradoiro sobre Banda Deseñada impartido polo ilustrador Alberto Guitián.

Aquí vos deixamos unha mostra das actividades realizadas no centro para conmemorar o  Día Internacional contra o Acoso Escolar, co obxectivo de concienciar ao alumnado da necesidade de erradicar calquer forma de acoso escolar.

O pasado 8 de marzo celebramos no colexio o Día da Muller a través de  diferentes actividades. Aquí vos deixamos unha pequena mostra.

Celebración do "Día de Rosalía de Castro".

Aquí vos deixamos unha pequena mostra das actividades realizadas polo alumnado do colexio para homenaxear a vida e obra da nosa querida poeta e escritora galega.

O  pasado venres 28 de xaneiro celebramos no colexio o Día da PAZ realizando diversas actividades: contacontos nas aulas relacionados coa temática da Paz, decoración por cursos das portas das aulas, e tamén movemos o esqueleto  ao son das cancións: "Paz, paz, paz" do cantante Juanes, e maila canción "No "Dudaría", de Antonio Flores. 

Aquí vos deixamos unha mostra desta produtiva xornada.

No seguinte vídeo aparecen resumidas as actividades realizadas polos nenos e nenas da Fonsagrada para conmemorar a Semana das Letras Galegas 2021, dedicadas este ano á escritora Xela Arias.

A semana pasada para abordar o tema do Acoso Escolar, os nenos e nenas usaron libros relacionados con dita temática. As obras escollidas foron "La mochila invisible", "¿Qué le pasa a Uma?" e "Mochila".

Por outro lado, e en colaboración coa Deputación Provincial, o alumnado de 4º, 5º e 6º de Primaria levou a cabo un Taller Escolar de Turismo, a través do cal mostraron os numerosos atractivos que ten a nosa comarca.

Durante a Semana do Libro realizamos distintas actividades que a continuación presentamos.

Para conmemorar o Día do Libro fixemos "Bocados de Lectura". O alumnado escolleu un libro e, despois de lelo, fixo un "bocata". No bocadillo explicaron desde o título e autor, pasando polas personaxes e lugares da historia, así como un breve resumo do libro. Vamos, que alimentaron ben a mente.

Por outro lado, os nenos e nenas de Infantil ata 3º de Primaria inclusive, acudiron ao Salón de Actos dos Chaos para presenciar o espectáculo "Apalpadora" respresentado polo compañía Velaísca.

Ademais, dentro do Plan Proxecta "Aliméntate Ben", visitaron o centro os membros do Programa "Ti si es que un ... Bo peixe". Nesta actividade participaron tódolos cursos por separado, na cal descubriron distintas curiosidades das especies mariñas que podemos encontrar nas nosas augas.