O pasado 30 de xaneiro, os nenos e as nenas do colexio de Darbo, celebramos un día moi especial: O DÍA DA PAZ.
Ás 10:45 as alumnas e alumnos de 6º baixamos ao patio cun señor que nos ensinou a coller as pombas que íamos soltar. Nós, por suposto, estabamos nerviosos porque nunca nas nosas vidas colleramos unhas pombas.
Cando chegou a hora baixamos para o patio todos os cursos. Fómonos colocando formando un arco da vella mentres representntes de cada clase lían os manifestos pola paz. Todos xuntos cantamos a canción "Os nenos queremos a PAZ" do grupo "3+2".
A continuación procedemos á solta das pombas. Ás nosas compañeiras Sara e María, escapáronselles ao tentar collelas.
O luns 31 de xaneiro no cole era un día moi especial: celebramos o Día da Paz, un día no que se manifesta a paz mundial.
E para iso, despois do recreo realizamos unha bonita actividade: todas as nenas e nenos do colexio formamos un semicírculo no patio. Dentro deste semicírculo colocamos un gran mural colectivo, realizado entre todos os cursos, dende infantil ata sexto. Despois, representantes de cada curso leron un Manifesto pola Paz. A continuación cantamos a canción “Un mundo nas túas mans” e, mentres tanto, iamos pasando de mans en mans unha bola do mundo.
Finalmente, soltamos dúas pombas brancas en sinal de liberdade para toda as persoas.
O aniversario da morte de Gandhi, que neste ano cúmprense 60 do seu asasinato, é a razón pola que cada 30 de xaneiro se celebra o Día da Paz. Este día lémbranos que a educación debe basearse na concordia, na tolerancia, no respecto mutuo, na defensa dos dereitos humanos, eliminando a violencia en calquera das súas formas.
Hoxe celebramos no noso centro este Día.
Confeccionamos entre todos os nenos e nenas un gran mural coas bandeiras dos países do mundo coa palabra PAZ colocada enriba simbolizando que a amizade non ten fronteiras nin fai diferenzas.
Lemos un manifesto a favor da PAZ e a amizade, realizado polo alumnado de 6º curso.
Bailamos danzas do mundo:
1º ciclo: Paprika lady, Hungría
2º ciclo: Walenki, Rusia
3º ciclo: Chapeloisse, danza celta
Todos: Kolosrem, Serbia
Cantamos todos xuntos a canción "Paz e amor".
E finalmente soltamos unha pomba como sinal de libertade para todas as persoas.
