Que ben o imos pasar o día 20, todos iremos disfrazados. No recreo tomaremos orellas e chocolate e despois desfilaremos disfrazados e cantaremos as coplas de entroido.
Este ano haberá un xurado que vai entregar premios aos gañadores nestas categorías:
Comparsa máis divertida
Disfrace máis orixinal
Copla máis enxeñosa
Mellor disfrace de reciclaxe.
E teremos a visita da Patarrona, que nos vai vestir ata completar o disfrace.
Pero sabedes quen é a Patarrona?
Pois a Patarrona é un personaxe típico do entroido e vén sendo unha boneca, unha bruxa ou un estraño ser (segundo os casos) que ten cinco patas e á que lle gusta moito mandar.
Nos 5 días previos (un por cada pata) á celebración do día do entroido a Patarrona é a xefa e dá ordes que se deben cumprir. O máis normal é que mande que cada día da semana nos disfracemos ou nos vistamos con determinadas prendas.
A "visita" deste personaxe aos centros educativos é moi común. Créase unha boneca e cada día da semana vaise disfrazando coas prendas que todos deben portar. Tamén é frecuente que se faga un debuxo da Patarrona colgando de cada unha das súas patas as ordes para cada día.
Neste ano, a Patarrona iranos vestindo ata completar o disfrace de mariñeiro de Santa Marta de Fóra:
Luns: un gorro de mariñeiro (de lá, polar,...)
Martes: camiseta ou xersei a raias
Mércores: pantalón de faena
Xoves: utensilio de pesca (rede,...)
