5ºB

Ola rapaces/rapazas! Primeiro dicirvos que esperamos que pasedes unhas vacacións de verán espectaculares e, aínda que moitos plans víronse cancelados, fagades moitas cousas que sexan igual de interesantes!

Nós, os titores, queremos darvos unha serie de recomendacións para pasar as vacacións un pouco máis entretidos e.....tranquilos! Que non todo van a ser deberes! ;D

1-    

“Memorias dunhas vacacións pandémicas”: Que vos parece escribir un diario con todo o que vos pasa durante as vacacións? Debedes escribir como mínimo medio folio e, polo menos, cada 2 días (senón se nos esquecen as cousas).

2-    

“Lecturas veraniegas”: Que mellor que pasar o tempo lendo un bo libro, nós recomendamos: “El asesinato de la profesora de Lengua”(Jordi Sierra); “O segredo do lagarto Arnal” (Andrea Maceiras); “Harry Potter y el legado maldito” (obra de teatro para o final da historia, J.K. Rowling); “A señora Bubble” (Ledicia Costas); “Esmeraldina a nena defunta” (Ledicia Costas); “A filla do ladrón de bicicletas” (Teresa González Costa) entre outros moitos!

3-    

Cinéfilos/as: Unha noite de cine e palomitas nunca é un mal plan! Unhas pelis que recomendamos: “Regreso al futuro I, II e III”, “Monstruos S.A”, A saga de “Toy Story”; “Indiana Jones”; “Las Crónicas de Narnia”; “Avatar”; Películas de Marvel o de Superhéroes...

4-    

Cadernos de traballo: Tampouco está mal traballar un pouquiño todos os días, así que tamén recomendamos traballar con algún caderno de vacacións (calquera editorial é válida, a que máis vos guste). Dende inglés, recoméndanos “Oxford Holiday English 5th”.

5-    

Escoitar a música que máis vos guste. Ou descubride a música de alguén que non coñezades e desfrutádea.

6-    

Convértete nun artista: Pinta un cadro espectacular, debuxa graffitis, aprende a tocar un instrumento (ou inténtao), debuxa cadros famosos ao teu propio estilo...

7-    

Fai exercicio sempre que poidas. Practica o deporte que máis che guste, ou proba deportes novos. O ano que ven hai Olimpíadas en Tokio, nunca se sabe se te pode tocar a ti ir!

8-    

Comparte as túas aventuras. Fai videochamadas con amigos/as, envía emails a compañeiros/as e familiares, cóntalle a quen che apeteza todo o que estás a facer!

Tedes 82 días de verán! Son un total de 82 aventuras que vivir! Esperámosvos á volta campeóns/as!

Ola a tod@s:

É a derradeira semana deste curso que foi ben estrano, nesta clase con cambio de profesores e logo coa situación creada polo coronavirus. Sodes uns campeóns porque fostes quen de sobrevivir a todos estes cambios. Estou moi orgulloso de todos e cada un de vós e sempre vos levarei no meu corazón. Grazas por todo o voso esforzo este tempo e por as grandes personas que me demostraches que sodes.

O próximo venres 19 faremos unha videochamada de despedida moi especial, as 11 e media. Pídovos que esteades todos, haberá algunha que outra sorpresiña, pero sobre todo quero que esteamos tod@s xuntos unha última vez. Confío en que será así.

Para esta semana, como xa me comprometín na última videochamada, as actividades serán lixeiras. Así que seleccionei algúns xogos para que traballedes de maneira divertida e diferente. A ver se vos gustan.

Boa semana, vémonos o venres. Como sempre e máis que nunca, unha aperta fortísima a tod@s.

Matemáticas / Ciencias da Natureza / Ciencias Sociais

Imos divertirnos un pouco e aprender destas materias xogando ao xogo a oca:

http://contenidos.educarex.es/mci/2005/31/fil/laoca.html

Facemos un pouquiño de cálculo mental? A ver como de forte está o noso cerebro?

http://www.supersaber.com/carreraMates.htm

E agora Fórmula 1 dividindo

https://www.arcademics.com/games/drag-race

Lengua Castellana

¿Cómo andamos de ortografía y de conocimiento de vocabulario? ¡Qué ya vais a pasar a 6º!!!! Vamos a ver…

http://www.educa.jcyl.es/educacyl/cm/gallery/recursos_odes/2007/lengua/lc006_es/index.html

https://www.educa2.madrid.org/binary/935/files801/flash.htm?numrecurso=4

Lingua Galega

Agora imos ver como andades de vocabulario en lingua galega:

https://www.edu.xunta.gal/espazoAbalar/sites/espazoAbalar/files/datos/1505926508/contido/xogo/xogo.html

E dadas estas datas e a proximidade da festividade de San Xoán, imos xogar ao aforcado sobre o lume:

https://www.edu.xunta.gal/espazoAbalar/sites/espazoAbalar/files/datos/1292486766/contido/aforcado/aforcado.html

Educación Artística

Imos ver canto sabemos de arte. É unha maneira de gañar en cultura xeral. Por certo, se o precisades, buscade as respostas se non sabedes algo, porque este xogo é sobre todo para aprender.

https://www.jugarconjuegos.com/juego/cuanto-sabes-arte.htm

ATENCIÓN: A meirande parte de estes xogos precisan da activación do Adobe Flash Player.

Ola rapaces, como ides? Estamos no tramo final del curso, así que xa só queda un último esforzo, dúas semanas. Neste tempo vou tentar de enviarvos menos tarefas para deixar tamén marxe aos que queiran mandarme actividades que non teñan feitas.

Grazas polo voso esforzo. Sodes realmente uns campeóns.

Boa semana e a por todas!!! Unha aperta grandísima, Jesús.

Matemáticas

Facemos uns exercicios de repaso dos decimais. Atópanse no apartado dos anexos co nome de “Ficha de repaso dos decimais”.

Lengua Castellana

Aprenderemos sobre cómo era una ciudad romana y tendremos que contestar a unas preguntas sobre el tema. El documento se encuentra en el área de adjuntos.

Lingua Galega

Achégase o verán e como todos os anos, a Xunta ten que poñer a punto o seu dispositivo de loita contra as lapas. Que sabemos sobre este problema? Invítovos a aprender algunhas cousas básicas sobre todo o relacionado con este problema que é tan grave para o medio ambiente da nosa terra.

Ciencias Sociais /  Ciencias da Natureza

E sen afastarnos moito do tema plantexado no traballo de lingua galega, imos continuar pensando sobre cales son os problemas que xorden da confluencia da actividade humana co medio ambiente a través do visionamento dun filme que posiblemente xa coñecedes (Lorax: na procura da trúfula perdida).

https://www.youtube.com/playlist?list=PL2s4pAA3rRjyHmgybBt_YQfaP3k3j5Jpf

A nosa tarefa consistirá en responder a estas preguntas: 1) por que a actividade humana é tan danosa para o medio ambiente?; 2) cal é a causa de que ser humano non sexa quen de limitar a súa produción económica?; 3) cres que poderíamos acabar vivindo en cidades como a descrita na película?; 4) cal é o papel que o Lorax xoga no filme?; 5) cres que podemos atopar unha solución para os problemas medio-ambientais ou que non hai moita esperanza?; 6) que é o que máis chamou a túa atención?; e 7) por último, gustouche a película?

Xogo da oca para realizar actividade física.

Ola rapazas e rapaces. Xa está aquí o mes de xuño e xa vamos pouco a pouco camiñando cara ao final deste curso que está a ser tan raro pola situación que vivimos. Pero hai que tentar de mirar todo con positividade e este curso tamén tivo cousas boas para lembrar.

Estes días non quero sobrecargarvos de traballo, así que vos fago unha proposta de poucas actividades a ver que vos parecen. Primeiro imos xogar a sermos xornalistas, logo estudantes de belas artes nos seus primeiros pasos, aprendendo ademais unha morea de cousas sobre historia da pintura, logo repasaremos a modiño as dúas últimas unidades vistas en ciencias da natureza e matemáticas a través dun vídeo e finalmente teremos unha actividade lixeira de ciencias sociais. Tédelas aquí a continuación. Espero que vos gusten. Un saúdo cariñoso coma sempre, Jesús.

Investigación periodística

Fai uns días, Greenpeace publicaba un informe sobre un novo impulso da contaminación mediante plásticos causada polo abandono de máscaras e de luvas de plástico empregados como medida de contención do contaxio do coronavirus. Credes que é certo? O noso traballo vai consistir en converternos en xornalistas, mesmo saír á rúa en busca de información, e verificar e dar testemuña de se isto é así ou non. Para isto podedes empregar a procura de información na rede, o uso de imaxes rechamantes ou entrevistar a amigos e familiares para sondar cales son as súas opinións. Tamén poderedes explicar a vosa.

Con todo o material que recompiledes, escribide un artigo de entre unha e tres páxinas, acompañado de imaxes e debuxos se queredes, onde tratedes o problema ambiental que supón desfacerse de maneira inadecuada de estes elementos de protección, de que cantidade de lixo estamos a falar e se pensades que podería haber algún tipo de pautas o solucións para erradicar este problema.

É un traballo de busca e de reflexión, tratade sobre todo de atopar unha voz propia.

Educación Artística

Para esta semana propóñovos estudar a técnica do claroscuro e tentar facer un debuxo usándoa. Nun adxunto embaixo tedes toda a información.

Matemáticas/Ciencias da Natureza

Repasamos a última unidade de ciencias da natureza a través deste vídeo da profe youtuber Noemí que tamén nos fala das medidas, que vimos na unidade 7 do libro de matemáticas.

Ciencias Sociais

Tedes que ler os artigos de A túa revista nas páxinas 82 e 83 do libro e responder ás preguntas que vos fan para cada un deles sobre a Unión Europea.