Este ano para a conmemoración do día das letras galegas, todos os nenos e nenas acompañados das mestras e mestre do colexio fixemos un precioso mural, logo de escoitar a vida e obra de Antonio Fraguas Fraguas, escritor galego ao que se lle dedicou este fermoso día.
A continuación podedes visualizar o ben que o pasamos ese fermoso día.
Este ano, igual que o curso pasado, todos os nenos e nenas participamos no concurso que organizou a asociación Avelino Díaz, xunto cos concello de Meira e Riotorto.
Lembrar, que o curso anterior, a nosa compañeira Mara, que agora está en 6º de E.P. recibiría o primeiro premio coa súa poesía.
Felicidades Mara!
A continuación podedes ler esta fermosa composición froito do seu esforzo e creatividade.
O POEMA
Por Mara Fiallega
A miña profesora,
pídeme que escriba un poema
e iso vai ser un gran dilema.
A miña profesora,
pídeme que o invente
pero eu non quero extruxar a mente.
Eu pídolle axuda aos meus pais,
pero non queren saber máis.
Eu pídolle axuda a miña irmá,
pero me dice que non ma da.
Entón eu póñome a pensar,
e a miña mente ponse a divagar.
Vólvoo a tentar,
e o poema rematou xa.
Dicir que este ano, no noso centro recaeu tamén o segundo premio da mesma categoría, concretamente a Ionela Hotopila, sendo outra vez o colexio de Riotorto un dos seleccionados no seu bo facer.
Felicidades Ionela!
A continuación podedes ler esta fermosa composición froito do seu esforzo e creatividade.
A INMIGRACIÓN
Por Ionela Hotopila
Neste país no que vivimos,
aínda nos falta moito
para aceptar aos que recibimos,
sen armar alboroto.
Houbo un día
no que eu fun unha deles,
e como me doía
pensar que non me queredes!
Eu xa me considero admitida,
pero quixen este poema aproveitar,
para poñer a memoria a recordar
aquela época pasada.
Aos inmigrantes
debemos respectar e acoller,
e a súa lingua e cultura
hemos de escoitar e coñecer.
Non esquezades!
a inmigración é unha oportunidade
para aquelas persoas
que non viven con dignidade!