Animación á lectura

Aquí tedes un novo conto de Laura e Natalia. Vai sobre unha nena distinta....

Moitos nenos e nenas....e maiores distintos precisamos.

Aqui tedes un novo conto co apoio de LSE e pictogramas.

A ver se vos gusta!

 

AQUÍ TEDES UN NOVO CONTO CON PICTOS E LSE PARA COÑECER UNHA CULTURA E MÚSICA QUE QUIZÁIS COÑEZAMOS POUCO. DESFRUTÁDEO.

CON TODAS AS FOTOS QUE NOS MANDASTES OS NENOS E NENAS DE PRIMARIA, E AS RECOMENDACIÓNS DOS NENOS, NENAS E PROFES DE INFANTIL, MONTAMOS UN PEQUENO VIDEO E UN PROGRAMA DE RADIO.

É A NOSA MANEIRA DE CELEBRAR O DÍA DO LIBRO, ESE COMPAÑEIRO QUE TANTO NOS PODE AXUDAR NESTE TEMPO CASEIRO.

MOITAS GRAZAS POLA PARTICIPACIÓN, E ÁNIMO.

 


PREMEDE SOBRE A FOTO OU ABRIDE O ARQUIVO QUE SE ACHEGA PARA ESCOITAR O PODCAST:

Estimadas familias. Con motivo da celebración do día do libro, este ano non imos poder realizar os xa tradicionais apadriñamentos lectores.

Por iso, animamos ao alumnado de educación primaria a que escollades o voso libro favorito e nos enviedes unha foto onde se vexa o libro, e vós representedes ou ben unha parte, ou a portada, ou personaxes (podédesvos disfrazar, recrear obxectos do conto, representar escenas, facer xestos, etc... o que se vos ocorra). Pero sempre que se vexa claramente cal é o libro. Despois, enviade esta foto ao seguinte correo: biblioponzos@gmail.com. Todo isto con data límite 24 de abril. Despois, con estas fotos montaremos un vídeo que colgaremos no blogue da biblioteca.

O alumnado de infantil falará sobre o libro que traballaron en semanas anteriores e gravará un pequeno audio, seguindo as instruccións do profesorado deste ciclo.

ESTES SON OS VIDEOS CREADOS POLO ALUMNADO E PROFESORADO DOS CURSOS 1º, 2º, 3º E 4º DENTRO DO PROGRAMA "NÓS TAMÉN CREAMOS"

Con motivo do día do Libro, o alumnado realizou os tradicionais apadriñamentos lectores, onde os maiores traballaron cos máis pequenos.

Ademais, realizamos uns avións (un por cada neno) co nome dos libros favoritos e o nome do neno, lanzámolos ao aire e tentamos de buscalos para devolverllos ao seu dono e falar sobre os libros.

Con motivo do día da muller traballadora (8 de marzo), visitáronnos dúas mulleres que realizan un traballo que soe ser realizado por homes: unha enxeñeira e unha policía, que nos falaron de como é o seu traballo e respostaron ás dúbidas do alumnado.

Ademais, a escritora María Canosa visitou ao alumnado de 3º, 4º, 5º e 6º de primaria para falar e respostar ás preguntas do alumnado sobre os seus libros, e para asinárllelos.

 

A continuación mostramos fotos dalgunhas das actividades que realizamos durante o 2º trimestre: Día da paz, Entroido, Semana da Prensa...

 

Distribuir contido