Este ano o Entroido veu bastante tarde e houbo tempo a preparalo un pouco, non como o pasado curso que foi xa a semana seguinte á conmemoración do Día da PAZ.
Realizaronse unha morea de actividades relacionadas co Entroido.
Algunhas delas:
Fíxemos un Meco que gardou o Centro os días precedentes á celebración da Festa.
Artellamos unha canción ao "Meco" "O ANTROIDO METIDO NUN SACO..." , coa música da famosa canción do grupo "A Roda". Na canción cada nivel dedicou unha das estrofas.
Xuntáronse por un día os mellores do colexio trouxeron un saco vello para levar ao Antroido.
Vai o Antroido metido nun saco Ai Antroido que vas de viaxe Vai o Antroido metido nun saco Antroidiño xa non volve máis. (Repetir)
Que tal lles parecería que fose el o culpable que nos deixaran sen parque nin sitio onde xogare .
Vai o Antroido metido nun saco…
Non sei o que nos faría estamos moi cabreados queremos vir polas tardes que non nos deixen de lado.
Vai o Antroido metido nun saco…
A Música da canción fíxémola cun teclado, unha guitarra e un pandeiro dexeito individual interpretando sete partituras e mezclando esas pistas, logo por riba cantaron os rapaces, a cousa quedou así:
Mentres cantamos a canción uns alumnos fixeron unha procesión co meco do Entroido metido no saco.
Elaboramos unha presentación de diapositivas sinxela para o plan Lector, cunha recopilación dos personaxes típicos de Entroido e as celebracións típicas e de máis sona de Galicia
VER AQUÍ a presentación
Expuxéronse no taboleiro fotografías e láminas relacionado co Entroido, os seus personaxes e as costumes de diferentes pobos de Galicia.
Un concurso de carteis do Entroido por niveis, había varios merecedores do primeiro premio e ao final decantouse o gañador para 1º curso de Primaria e repartímos agasallos para tódolos niveis
.
Como 2011 foi declarado ano internacional dos bosques, o tema foi ese OS BOSQUES así que os disfraces tiñan que estar relacionados dalgún xeito co bosque.
Así que os máis pequechos (Ed. Infantil) encarnaron o personaxe daqueles que fan a vixianza para que o bosque estea como ten que estar. “OS GARDABOSQUES”.
O primeiro ciclo foron representando aos animaliños máis entrañables do bosque e que aparecen en todo conto que se precie onde o bosque sexa protagonista. “COELLIÑOS”
Segundo ciclo de primaria disfrazáronse de árbores, eles todos xuntos formaron o propio “BOSQUE”
E os do terceiro ciclo foron de: "CERVOS e Cogumelos" os de 5ºEP e de personaxes da historia “Robin Hood” ou “ROBIN DOS BOSQUES” os de 6ºEP.
O venres fíxose a festa: cantouse a canción, representouse a marcha do meco (metido nun saco) e logo de desfilar fomos directamente ás lambetadas... Os rapaces estaban ansiosos por comezar a merenda...
Logo festa: música, baile e troula ...
PRESENTACIÓN:
Prestade atención, Aquí, este Antroido galdrupeiro Deixoume unha notiña Para saber quen queda primeiro neste concurso de carteis Leamos, pois, o que nos trouxo o carteiro: Iremos en globo, en tren, ou en barco… Como me parece que me vou de viaxe quero premiar aos de primeiro e, de paso, lévanme a equipaxe.
(os nenos abren unha caixa valeira; só hai un letreiro que di:ENTROIDO)
Ai! Que memoria a miña En que estaría pensando?
O agasallo viaxa conmigo E non sei ata cando.
Mirade no saco A ver que hai (aparecen os agasallos)
Non se enfaden os demais, que como non morro queimado, non deixo testamento pero si, o meu legado:
Un agasallo para todos, Aínda que non o merecedes, Quédavos un cadro xeitoso Para que vos retratedes…
Bueno, aí tedes noutros sacos O que deixou este maragato…
(E. Infantil, 2º, 3º, 4º, 5º, e 6º…van recollendo os seus agasallos)
No monte nunca pode faltar Alguén que está vixiando, Son os gardabosques Que xa van desfilando
E agora van os nosos coelliños, pero tede coidado cos raposiños…
Iso sí un bosque non pode vivir Sen árbores ás que poder subir…
Onde están os señores cervos? Pois, debaixo dos cogumelos Pero no bosque non hai só animais e plantas Existen outros seres dos que non te decatas.