Os alumnos e alumnas de 1º de Educación Primaria fomos de visita a Naturnova, un Centro Interactivo de Educación Ambiental. O seu principal obxectivo é estimular o coñecemento do mundo que nos arrodea e a difusión da súa importancia, co fin de que aprendamos a valoralo, respectalo e querelo. Nadie quere aquilo que descoñece.

Durante a visita tivemos dúas actividades: por un lado, unha actividade de arte que rematou coa visita da "Exposción de arte, tradición, cambio e innovación". Por outro lado, percorrimos a sala do Universo, na que nos explicaron as fases da lúa, os movementos da Terra, o Sistema Solar..., sen esquecer a viaxe que fixemos no submarino pola ría de Vigo. Sempre acompañados de Pintafontes, a mascota do museo.

Ao estar nun museo as fotos que nos permitiron sacar foron moi pouquiñas, pero as xustas para que vexades que impresionante e interesante foi a saída!

Un grupo de pais e nais compartiron no colexio unha exhibición de bailes de buxainas con profes e alumnado.

MOITAS GRAZAS A TODOS E TODAS POLA VOSA PARTICIPACIÓN!

O noso compañeiro Arturo Rodríguez Rivera gañou o primeiro premio no "Concurso mascota para o Club de Balonmán Porriño".

Dende o colexio felicitámolo pola súa gran labor.

 NORABOA!

O pasado mércores 21 de outubro as nenas e nenos de 6º visitamos o Centro de Investigación Forestal de Lourizán situado na locaclidade de Marín. Foi creado en 1949 baixo a denominación de Arboreto. 

Destacar o valor científico, constituíndo un banco de probas para testa-la adaptación ás nosas condicións climáticas; valor pedagóxico, sendo unha visita obrigatoria para a comunidade educativa; valor estético, especialmente destacado en primavera e outono, e valor sociolóxico, contribuíndo o espallamento dos habitantes da zona, sendo destacable o elevado número de parellas recen casadas que acoden a facer as súas primeiras fotos.

 Alí puidemos apreciar parte da gran diversidade de árbores de todo o mundo, pasar por unha gruta, beber na fonte dos espellos, pasar polo invernadoiro e mesmo ver un hórreo de 1798.

Disfrutamos moito!

Achégase o Samaín no Pena de Francia. Un ano máis imos xuntar a tradición e a creatividade para dar lugar a unha espectacular exposición de cabazas, entre outras sorpresas que vos agardarán.

Dende o luns 26 ata o xoves 29 tivemos, polo colexio, unha impresionante exposición de cabazas moi orixinais.

Queremos mostrar este gran traballo, realizado polas familias e o alumnado e agradecervos, un ano máis, a vosa colaboración, esforzo e apoio!!

As fotos atópanse na GALERÍA da páxina web.

 GRAZAS!!

Dende o equipo de Dinamización Lingüística e do equipo Tic temos recursos didácticos sobre esta festividade. Clicade nas imaxes:

BLOGUE DE DINAMIZACIÓN LINGÜÍSTICA                                                                                 RECURSOS TIC

Os bosques é o proxecto documental que desenvolverá o CEIP Pena de Francia de Mos durante o curso 2015/2016 e que estará coordinado polas diferentes Comisións do centro dende a Biblioteca Escolar, Dinamización da Lingua Galega, Tics e Extraescolares. Elaborando para elo unha programación anual por trimestres, onde as diferentes áreas estean interconexionadas, sendo a tarefa final do curso a saída a un bosque autóctono.
Os Proxectos Documentais Integrados son un excelente instrumento para xerar e estimular novas formas de aprender, acordes coa sociedade da información. Son unha forma de traballo que permite transformar a información en coñecemento e onde a Biblioteca Escolar convértese no eixo da acción educativa. O traballo en base a proxectos implica unha filosofía educativa centrada no alumnado, pondo o acento nos procedementos pero sen descoidar en ningún momento os contidos. Trátase de traballos de investigación nos que o alumnado traballa directamente coa documentación, aprendendo a traballar autónomamente. Algúns dos aspectos máis relevantes do traballo por proxectos son o significativo  da aprendizaxe e o traballo cooperativo, tan fundamental no noso centro.

     E para empezar…

Chegou a nosa escola, en forma de préstamo, una coidada e fermosa exposición sobre os bosques galegos. A exposición ao longo de 12 Paneis, ilustrados con fotografía e interesantes textos, fai un percorrido, primeiramente polas características máis salientables dos nosos bosques e despois recorre, dun xeito minucioso e estructurado, as principais árbores que compoñen a paisaxe galega.

      Este magnífico traballo foi elaborado polos mestres Demetrio Jorge Boullosa e Francisco Javier Obelleiro Piñon, docentes no CPI Padín Truiteiro.

      O noso agradecemento por compartir este magnífico traballo.

A avaliación da Aprendizaxe Cooperativa vai a ser o reto neste curso 2015-2016, para elo imos empregar toda a información e formación recibida da Universidade de Vic e empregaremos un libro que nos parece moi interesante “La evaluación en el apredizaje cooperativo. Cómo mejorar la evaluación individual a través del grupo,” dos irmáns Johnson, pioneros neste ámbito.

O propósito deste libro é proporcionar unha guía práctica sobre o uso de grupos de aprendizaxe cooperativa como contexto para a avaliación de grupos, a coevaluación, a avaliación individual e a autoevaluación. Ofrece un amplo abano de procedementos de avaliación que na súa maioría requiren un contexto de grupo.Demostran que os ambientes cooperativos na aula permiten aos alumnos coidar os uns dos outros e favorecer ao mesmo tempo a súa aprendizaxe e o dos demais, creando procedementos de avaliación.

 Os autoresDavid W. Johnson é profesor de Psicoloxía da Educación na Universidade de Minnesota e Roger T. Johnson é profesor de Currículo e Ensino na Universidade de Minnesota. Ambos son Co-directores do Cooperative Learning Center (www.co-operation.org). Autores de numerosos libros e artigos de investigación, traballaron como consultores en escolas de todo o mundo e recibiron multitude de premios polo seu labor como investigadores e educadores, centrada especialmente na aprendizaxe cooperativa.