FROITA

Este fin de curso foi un pouquiño diferente, pois fíxose a festa conxunta, organizada en colaboración coa ANPA. Invitáronse as familias e con unha merenda a base de froita e bocadillos, tendo en conta todas as intolerancias e alerxias, xuntos, despedimos o curso académico 2023/2024.

Na clase de terceiro eleximos cada un a nosa froita favorita e creamos un debuxo con estilo Pop Art. O fixemos con rotuladores e moitas cores. O obxectivo é que chame a atención e desperte o noso interese por probar as froitas.

O alumnado de Educación Infantil na clase de psicomotricidade visitou a horta e percorreu o recinto escolar na procura da árbores froiteira. E despois de tanto camiñar saboreamos unhas deliciosas ameixas dunha das nosas ameixeiras. 

Oalumnado de segundo convertiu a clase nun mercado de froita. Que xeito máis motivador de prepararse para a vida e aprender matemáticas.

A hora da merenda é un momento moi importante dentro do noso horario.

A clase de 5 anos B, aprende dun xeito moi saudable.

O alumnado de 5º de Primaria elaborou un mural sobre as propiedades beneficiosas e información básica de distintos tipos de froitas.

Este ano despedimos o curso cunha súper merenda. Entre todo o alumnado decidimos traer de casa a merenda o máis saudable posible. Aproveitando que os nosos pais, nais, avós, avoas, entre outros, podían axudarnos, preparamos un picoteo e deliciosas sobremesas caseiras, colaborando xuntos. Tamén nos animamos a traer algo de froita! Pasámolo xenial e case non sobrou nada! Démonos conta que podemos comer mellor e de forma máis saudable!