Ao longo do xa case rematado curso 2022-2023, o noso centro e a súa comunidade educativa tiveron como principal centro de interese mellorar a convivencia entre os seus integrantes. Desde o  Departamento de Orientación levouse a cabo un Plan de Formación Permanente do Profesorado (PFPP) no que se incidiu na posta en práctica dun cambio dos espazos de lecer dos que dispón o centro.

Nos tempos que corren, tempos nos que a tecnoloxía ten unha ampla presenza nos momentos de lecer das nosas crianzas, e en consecuencia mérmanse as súas habilidades sociais e de convivencia, desde o centro considerouse que era necesario fomentar dinámicas de xogo onde prime máis a colaboración que a competitividade, a creación máis que o elaborado. 

Neste PFPP o profesorado centrouse na creación de xogos e xoguetes elaborados con materias que nos dá a propia natureza, tamén na recuperación de xogos tradicionais e populares.

Para implementar estes aspectos, desenvolvéronse sesións de formación levadas a cabo pola Asociación Galega de Xogos Populares e Tradicionais(AGXPT) da man do seu ilustre estudoso da materia e benquerido profesor do noso IES de Melide, Paco Veiga. Tamén, dentro destas sesións tivemos o gusto de aprender con José Manuel García Fernández, lourenzán e estudoso dos xogos e xoguetes elaborados con cousas que a natureza nos proporciona.

Cómpre salientar tamén a habilitación dun novo espazo nas instalacións no que o alumnado pode xogar de xeito organizado a xogos de mesa, manualidades, tenis de mesa, … Neste terceiro trimestre usouse de forma esporádica, pois estaba en proceso de creación, sen todo o material aínda dispoñible. 

Para complementar este cambio, tivemos a aportación do Equipo de Biblioteca que propuxo a creación dos carros de libros. Estes carros saen nos tempos de lecer ao patio para que calquera alumno/a poida ler ao aire libre sen ter que desprazarse á Biblioteca do centro.

Este material está organizado por niveis e os propios nenos e nenas colaboradores/as da Biblioteca encárganse de sacar e levar de volta ao seu sitio.

Por outra banda, e non menos importante, temos que amosar a nosa gratitude á inestimada colaboración do profesorado e alumnado do Ciclo Medio de Madeira do IES de Melide, que elaboraron no seu obradoiro o material de xogo dos que o centro poderá dispor a finais deste curso.

Grazas infinitas por esta colaboración, pois os nenos e nenas do noso centro poderán mellorar a súa calidade de xogo, ademais de diversificala cara modelos de lecer máis favorables á convivencia e o respecto entre eles/as.

Por último, non podemos tampouco esquecer a sempre inestimada e constante predisposición da ANPA para colaborar en todo o que se propuxo, pois sen dúbida é un pilar importantísimo na nosa comunidade educativa para trasladar ao alumnado todos estes valores alén dos muros do centro.

Aquí vos deixamos a documentación necesaria para a formalización da matrícula do curso 2023-2024. 

Ademais de esta dispoñibles nesta publicación e na sección de Secretaría(no apartado "O Centro"), tamén estarán dispoñibles na Secretaría do centro no horario habitual.

Por mor do día festivo na última semana do prazo establecido para a formalización de matrícula, o centro agradece que, sendo posible, se poidan facer ditos trámites na primeira semana.

Aquí queda o menú do mes de xuño, último do presente curso escolar.

Prema AQUÍ para descargar o menú.

Desde hoxe queda aberto o prazo para a solicitude do Fondo Solidario de Libros de Texto para o vindeiro curso 2023-2024.

O prazo para ditas solicitudes comeza o luns 22 de maio e remata o 21 de xuño. O trámite poderase levar a cabo tanto de xeito telemático coma presencia no centro. No caso da solicitude presencial, farase en horario de Secretaría de luns a venres de 13.40h a 14.40h.

De xeito máis detallado prema AQUÍ para ver as distintas modalidades, xunto co resto de información relevante para realizar o trámite.

Onte celebrouse o Corremelide 2023 una iniciativa promovida polo IES de Melide coa que se pretende fomentar o uso do noso idioma a través de diferentes actividades, neste caso deportivas e de lecer. Participou o alumnado dos cursos superiores (4º,5º e 6º de Educación Primaria) tanto na carreira como na elaboración duns manifestos. Os premiados leron os seus manifestos para darlle a benvida os participantes da carreira.

Anque a finalidade deste evento é a participación conxunta dos centros da vila e a súa contorna, cómpre salientar  as victorias do noso alumnado en case todas as categorías nas que participou.

Antón lendo o seu manifesto na categoría de 6º de E. Primaria.

Nenos e nenas(Marcos E., Marcos M. Lucía, Idaira e Mauro) de 5º E. Primaria lendo o seu manifesto.

Gañadoras da categoría feminina de 4º E. Primaria: Area e Antía

Gañador na categoría masculina en 4º E. Primaria: Anxo

Gañadoras da categoría feminina de 5º E. Primaria: Lucía, Sabela e Alba S.

Gañadores da categoría masculina de 5º E. Primaria: Manuel, Mauro.

Gañadores da categoría masculina 6º E. Primaria: Rubén

Neste 2023, o día das nosas letras adícase ao escritor, político, e académico Francisco Fernández del Riego. Como traballo colectivo no noso centro, o alumnado preparou unha pequena liña temporal exposta nun dos corredores do centro sobre a vida do homenaxeado procedente de Lourenzá(Lugo).

Co gallo da celebración do mes das flores, no noso centro emprazouse ao alumnado para que enviase o seu nome feito con flores e plantas ao correo do centro e, deste xeito, darlle cor a este bonito mes. 

Á súa vez, levouse a cabo unha pequena mostra do traxe tradicional galego, coñecendo as súas partes aproveitando a recente Foliada de Melide que tanto gozou a vila e moito do noso alumando.

Por outra banda, e coa intención de amenizar a gala cun pouco de música, parte do profesorado colaborou tocando para as crianzas cancións relacionadas coa festividade do Maio, a nosa vila e pezas que eles xa coñecen para poder acompañar.

Foi unha xornada alegre e esperemos que o vindeiro curso se repita e así perpetuar a presenza da música, flores e tradición no noso centro.

Como cada novo mes, aquí deixamos á vosa disposición o menú do comedor escolar para o recén estrenado mes de maio.

Prema AQUÍ.

Infórmase de que todo o alumnado que entregou dentro de prazo a solicitude de matrícula en 4º de Educación Infantil e 1º de Educación Primaria ten CONFIRMADA a súa admisión no centro. 

Igualmente, para calquera dúbida, está a disposición das familias a listaxe provisional de admitidos no taboleiro do interior do noso centro.

 ACLARACIÓN: O alumnado que promociona de 6º de Educación Infantil a 1º de Educación Primaria non precisa facer trámite algún para a matrícula, pois esta faise efectiva de xeito autmático.

Mañá comeza o terceiro trimestre, e con el un novo mes. Aquí vos queda o menú do presente mes de abril.

Preme AQUÍ para descargar o documento.